YEREMIA 8:2 - WUKE SUSI WATTI'U AL᷊AL᷊USASSA

² wal᷊ine tadea'u iammulla wuṛṛu ilabbingnga apia ewe'e iawala su leta'a maola'a sapadda. Duṛṛi manga taumata udde sarun iwati su saruannu matannallo, wul᷊anna wuṛṛu manga anumpitanna apan sassubbanni mangitou, a'imbeanna, sassubbanna, wuṛṛu paddoronganna tatantiro.

YEREMIA 8:2 Referans Kwoze

2 MARARATU 23:5

I tou napaillol᷊o manga imam apan buatte nilenegu manga ratun Yehuda, mammanara sutampa pasasaubbanna monganna su manga soan Yehuda wuṛṛu maranin Yerusalem; ana see lai manga imam apan mangngonggolu sasamba si Baal, su matannallo, su wul᷊anna, su planet wuṛṛu su manga anumpitanna.

WATTI'U MANGA RASUL 7:42

Ne Ruata nanantangngi mangitou wuṛṛu namala mangitou massubba manga anumpitanna su langitta. Udde ere lai uawoṛṛetta sulal᷊ummu Wuke Manga Nabi. Arendi, ‘Ei manga taumatan Israel! Wal᷊inewe hunane si Ya'u i yamiu mammototta wuṛṛu ma'ola'a sasamba wuassu winatangnga, appatu pul᷊o su tonnane al᷊annune su wadda'a.

YEREMIA 9:22

Winal᷊unanna uatal᷊eṛṛonga suapan tampa ere sapadda ua'ombo su leta'a; ere gandumma apan buatte niitingnga ana see nitantangnga wuṛṛu tate lai iammulla. Eteudde tanata Mawu apan ṛinone ta'u iapasingkatta.”

TAHIUL᷊E 4:19

Ariete i yamiu marosa ana waugu massubba wuṛṛu mattaṛṛamawu su al᷊awo'u apa apan niasiloanni yamiu su langitta; matannallo, wul᷊anna wuṛṛu manga anumpitanna. Mawu Ruatanu namalan manga walahanna waine massubba manga saranapa udde.

ZEFANYA 1:5

I Ya'u sarun manahangginna ma'oman sara mawaresi isai-isai apan niumawitta su atuppa tadea'u massubba matannallo, wul᷊anna wuṛṛu manga anumpitanna. Sarun Ta'u iapaawul᷊i i mangitou lai apan massubba si Ya'u wuṛṛu massalu matuṛṛutta si Ya'u, arawe lai massalu ringannu arannu Monganna Milkom.

YEHEZKIEL 8:16

I ya'u niapid-De watukku rallakka sulal᷊ummu Wal᷊en Mawu. Marani ngara sasuttanna watukku wabbo'a susi, suwallattu mezbah wuṛṛu lal᷊anna, pia duan pul᷊o l᷊ima su atoune taumata. I mangitou uatal᷊iudda wabbo'a na'ukkassa, wuṛṛu ual᷊intudda watukku ra'i massubba matannallo sumabbangnga.

YEREMIA 36:30

Ana waugu udde, i Ya'u, Mawu, mabbisara si'o ei Ratu Yoyakim, manungku tawe saran sangkatou wuassu papapulunnu sarun mamarenta maola'a ratu wuassu papapulunni Daud. Winal᷊unannu sarun ituntungnga su liudde, iwati su paddissa sutempo allo, wuṛṛu wal᷊angngukka sutempo ṛabbi.

YEREMIA 22:19

Yoyakim sarun wol᷊enganna wuṛṛu iramme su liuddu ngara pasallanaannu su Yerusalem, ere buatte niola'u taumata su winal᷊unannu keledai.”

YEREMIA 19:13

Anambon bal᷊e su Yerusalem anambon wal᷊en manga ratun Yehuda sarun mabbal᷊i luhudda ere Tofet; ana waugu su wowon atuppu manga wal᷊en udde taumata buatte nanambunnu amania huna manga monganna su langitta, wuṛṛu nangonggollu anggore su manga monganna waine.”

YEREMIA 16:4

I mangitou sarun mate amatannu sa'itta apan mangipiddi mangitou su papate, wuṛṛu i mangitou sarun mate sulal᷊ummu pangalo ara'e maten al᷊aṛṛutumma. Tawe saran sangkatou apan lumuai ara'e mallabbingngi mangitou. Winal᷊unanni mangitou sarun massal᷊iawukka ere pupukka su leta'a, wuṛṛu inasannu manu'u winalanganna wuṛṛu winatangnga mal᷊aṛṛaga.

DARALO 83:10

Olaawe i mangitou taumatan Midian, ere i Sisera wuṛṛu Yabin su Sal᷊ukku Kison,

2 MARARATU 21:3

Manga tampa pasasubbanna monganna apan buatte nihohakki Hizkia iamange niapararisikki tou apia. I tou na'ola'a manga mezbah patataṛṛamawuanna si Baal, wuṛṛu nallanginnu paal᷊uannu Monganni Asyera, ere buatte niola'i Ahab ratun Israel. I Manasye lai massubba manga anumpitanna.

ZEFANYA 1:17

Mawu nabbisara, “I Ya'u sarun mandantan manambo asasilaka su umattu taumata, na'oman sara i mangitou sarun uasasaṛṛipo ere taumata wuta. I mangitou sarun ma'ola'a rosa si Ya'u, wuṛṛu orassa indi daṛṛan mangitou. Sarun mabboso ere ua'e, wuṛṛu manga winal᷊unanni mangitou sarun mawukku'a su leta'a.”

MANNANASE 6:3

Salaiwe sangkatou pia ana'a maṛṛasutta su atoune wuṛṛu nabbiakka mal᷊annu na'oman sara naal᷊al᷊appa uukka matanggakka, arawe amungkangngu i tou tawe naapendamma al᷊al᷊uassa wuṛṛu tawe naasomba tampa pallabbinganne apan su ṛinone, ne tumuṛṛuttu addapa'u, ana'a apan niasungkangnga see nate pal᷊addu pabbiaṛṛanne ta'emappianne wuassu taumata udde.

2 MARARATU 21:5

Su ruam ba'a wuassu rallaku Wal᷊en Mawu i tou napararisikku manga mezbah tampa pasasubbanna manga anumpitanna.

2 MARARATU 17:16

I mangitou nilumawanga anambon titan Mawu, Ruatan mangitou, wuṛṛu na'ola'a darua sapi wuassu logam subbanni mangitou. I mangitou nallanginnu paal᷊uannu Monganni Asyera, massubba manga winatanga wuṛṛu mattaṛṛamawu Mongannu Baal.

TAHIUL᷊E 17:3

wuṛṛu parenta-Ne ringannu massubba wuṛṛu massuṛṛubawa su manga Mawu waine ara'e su matannallo, wul᷊anna ara'e manga anumpitanna,

DARALO 53:5

Wisaran Mawu, “Manga taumata lal᷊eo udde tawe matimpu'o lai? I mangitou mabbiakka ringannu mangngaṛṛo su al᷊aṛṛana-U, wuṛṛu tawe saran paassa umal᷊iomanna si Ya'u.”

YEREMIA 14:16

Manga taumata apan buatte nanengkamma manga pani'atti mangitou udde lai sarun Ta'u pateanna ringannu olangnge apan uasul᷊ungnga. Winal᷊unanni mangitou sarun iwareta su manga lal᷊anna su Yerusalem ringannu taweddu mallabbinga. Etearoddi nasippi mangitou wuṛṛu ana'a awingngi mangitou. I mangitou sarun Ta'u olaanna maapendamma pangillul᷊eannu al᷊al᷊eo mangitou.”

YEREMIA 16:11

Wal᷊oa'e si mangitou manungku i Ya'u nabbisara arendi, ‘Al᷊amonanu buatte nanantang-Ku inai massubba wuṛṛu mattaṛṛamawu manga mawu waine. I mangitou tuttal᷊iudda si Ya'u wuṛṛu maddiri tumuṛṛutta manga atorang-Ku.

YEREMIA 31:40

Ahewallu wawal᷊anne udde, apan nipaatta naola'a pallabbinganna wuṛṛu tampa pandammeannu sapadda, wuṛṛu anambon wawail᷊anna su wiwikku Sal᷊ukku Kidron maddatingngu Ngara Pasallanganna Awal᷊o watukku ra'i, sarun iṛṛa'e si Ya'u. Soan Yerusalem tate ihohakka apia ara'e ṛimunsaanna.”

YEHEZKIEL 6:5

I Ya'u sarun ma'ola'a manga winal᷊unannu taumatan Israel uasal᷊iawukka; wuṛṛu manga duṛṛi mangitou sarun Ta'u isal᷊iawukka ipamal᷊iwutta mezbah udde.

YEHEZKIEL 29:5

Wua'udde i'o wuṛṛu al᷊awo'u inassa udde Ta'u ituntungnga su wadda'u anne. Wadangngu sarun mawantingnga su leta'a wuṛṛu tumal᷊allada isudde. Tawe sarang sangkatou apan mallabingu. Wadangngu sarun Ta'u ionggolla su manga manu'u winalanganna wuṛṛu manga winatangnga waine iapa'inassa.

DARALO 83:11

apan buatte nipate su Endor, wuṛṛu nabbal᷊ite pansuwukku leta'a.

YEREMIA 9:20

I ya'u nabbisara, “Paddaringikke manga wisara Mawu, ei wawine sarangkanambone! Su manga sinangiannu aṛṛa'en antarin lalal᷊o, su manga hawenu antarin asasusa.

YEREMIA 9:21

Papate sinumuttate wuassu jandela, nasal᷊ate sulal᷊ummu wal᷊en araratuanna; i tou mannametta al᷊aṛṛana'a su lal᷊anna see ana'a umbasanna maṛṛuala su lapanganna.

YEREMIA 16:6

Taumata ala wuṛṛu taumata asiangnga su wanua indi sarun mate ringannu taweddu mallabbingngi mangitou. Taweddu saran sangkatou apan manansara watanganne ara'e mallunggukka puanne tatialan lullal᷊o mangitou.

YEREMIA 25:33

Su allo udde winal᷊unannu manga taumata apan nipate Mawu uatal᷊eṛṛongnga su ahewallu runia. I mangitou tawe luaianna, tawe lai wengketanna ilabbinga, arawe iwala aroddi su leta'a ere sapadda ua'ombo.

YEHEZKIEL 39:5

Manga tantara udde sarun mawantingnga wuṛṛu nate su manga wawail᷊anna. I Ya'u, Mawu Apan Atanggaṛṛanne buatte nabbisara.