YEREMIA 8:19 - WUKE SUSI WATTI'U AL᷊AL᷊USASSA

¹⁹ Paddaringikka! Su ahewallu wanua pia sanseongnga aintul᷊i lal᷊uain balahangku apan ma'iwal᷊o, “Mawu tate lai su Sion? Suapate ratune orassa indi?” Sasimbakku Mawu, ratu mangitou, “Anio i'o massubba manga monganna apan mangke tawe gunane? Anio i'o mannaddu'a naung-Ku? ringannu massubba manga paal᷊uanna?”

YEREMIA 8:19 Referans Kwoze

YESAYA 39:3

Wua'udde i Nabi Yesaya sinumaruanna si Ratu Hizkia wuṛṛu naiwal᷊o, “Wuassuapa manga taumata udde? Apa unni mangitou?” I Hizkia sinumimbakka, “I mangitou wuassu Babel, wanua apan marau.”

YESAYA 13:5

I mangitou nirumanta wuassu manga wanua marau su pentakku runia. Sulal᷊ummu asasa'u-Ne Mawu nappaatti mangitou ipamate ahewallu runia.

SONDAPPA 2:1

“Su mala'ekattu jamaatta su Efesus, woṛṛetta'a arendi: Ete indi tanata wuassi Tou apan uaagassa anumpitanna pitu su lima uanan-Ne, wuṛṛu u'amatta su wallatu pitu leddan sol᷊o wul᷊awanna udde.

OBAJA 1:17

“Arawe su Wowon Sion, sarun piaddu masal᷊amatta, wuṛṛu wowone udde mabbal᷊i tampa apan niaṛṛae huna-U. Ne papapulunni Yakub sarun maatahuanna apia leta'a pussa'an mangitou.

YOEL 2:32

Arawe isai-sai apan maddorongnga aontollu Mawu, sarun iapasal᷊amatta. Mawu nabbisara, “Su Yerusalem manga taumata apan Ta'u nipile sarun masal᷊amatta.”

YEREMIA 31:6

Atonna, sarun a'omanna tempone manga mandariaga soa umui su panenteannu Efraim, ‘Wette i ite sumaate su Sion, ringannu Mawu Ruatang kite.’ ”

YEREMIA 14:19

Mawu, apa Yehuda buatte nito'e-Nu atonna-tonna wuṛṛu tumana'u Sion iaarantin-Nu? Anio aroddi aikkanne I'o namuulla si yami na'oman sara i yami tate lai mapia? Tate gunane i yami maddea'a paddarame, tate gunane i yami mangngantimma aaul᷊en baddangnga, ana waugu nallambe ete tumba'u araṛṛagissa.

YESAYA 52:1

Pabbangunte, ei Yerusalem, pabbangunte! Tohasse naungngu! Luṛṛea'e laubbu awawantugu! Ei Yerusalem, soa apan susi, taumata marosa tate lai maasutta sumabbi su ngaranu.

YESAYA 33:22

Al᷊awo'u saranapa su apalli mangitou tawe gunane; manga senggone tawe iaruitta! Anambon paa'alan tantaran seetta sarun aṛṛoanni ite, wuṛṛu saranapane tumanite manambo, na'oman sara taumata lome lai naasomba wageangnge. Mawu sassane sarun maola'a ratun kite; i Tou sarun mamarenta, maparisikku tita wuṛṛu manal᷊amatta si ite wuassu seetta.

YESAYA 12:6

Paggiote ei manga tumana'u Sion, pangantarite ringannu lulluassa. Ruata na'ukassu Israel mangke mawantuga, i Tou uatana'a su pattangnganni yamiu.”

YESAYA 1:4

Nasilakate i yamiu walahanna apan marosa, manga taumata apan mapontol᷊osanna wuṛṛu lal᷊eo! I yamiu nanawote su manga rosang kamiu. I yamiu buatte nanol᷊a'u Mawu wuṛṛu tinumal᷊iudda Ruata Apan Lembonna'ukkassa apan ṛinone subbanni yamiu.

DARALO 149:2

Lallala'e, ei Israel ana waugu Mandariaddinu; lalluasse, ei tumana'u Sion ana waugu Ratunu!

DARALO 146:10

Mawu uddewe Ratu saran mal᷊annu-l᷊annu. Ei Sion, Ruatanu uataṛṛino al᷊annune su al᷊awo'u tempo. Paddalote Mawu!

DARALO 135:21

Paddalote Mawu su Sion, su Yerusalem tampa atatanaan-Ne. Paddalote Mawu!

YEREMIA 9:16

I mangitou sarun Ta'u isal᷊iawukka suwallattu manga walahanna apan awagananni mangitou ara'e al᷊amona mangitou. I Ya'u sidutu sarun mandolokku tantara apan mammangalo si mangitou ma'oman sara i Ya'u mamate si mangitou abbi.”

WATTI'U MANGA RASUL 14:15

“Ei, anio i yamiu ma'ola'a arendi? I yami indi taumata ere lai yamiu! I yami rudanta mamasingkattu Watti'u Al᷊al᷊uassa si yamiu tadea'u i yamiu manantangngu inolaanna lal᷊eo indi wuṛṛu rumanta ringannu Ruata apan biakka, nandiadi langitta wuṛṛu runia wuṛṛu tahal᷊oangnga wuṛṛu anambon lal᷊oṛṛone.

DARALO 31:6

Sulal᷊ummu lima-Nu ta'u itantilla watangangku; i ya'u nipallosu Mawu, oh Mawu, Ruata apan setia.

YEREMIA 2:5

Mawu nabbisara, “Pasasal᷊a apate apan niasombangannu al᷊amonanu si Ya'u, na'oman sara i mangitou nandal᷊eo si Ya'u? I mangitou sidutu massubba paal᷊uanna apan tawe gunane wuṛṛu panginsueanne i mangitou sassane nabbal᷊i nahelo.

YEREMIA 7:19

Arawe mangke atonna, wal᷊inewe i Ya'u apan raddal᷊eoanni mangitou, ewe'e watanganni mangitou sassane na'oman sara i mangitou nasili.

YEREMIA 8:20

Umattu Israel ma'ialal᷊ore, “Tempo mangitingnga wuṛṛu tempon paddissa indi nal᷊iudde, arawe i ite taambe lai nasal᷊amatta.”

YEREMIA 10:15

Manga paal᷊uanna udde tawe aregane, ṛinone a'al᷊uandahanna wuṛṛu lobbosanna. Napawe nia'omante tempone i mangitou sarun mate.

YEREMIA 14:9

Anio I'o ere taumata apan niul᷊awune; ere pahlawanna apan tawe ma'ontolla? Arawe, natantunna I'o su pattangnganni yami, Mawu! I yami uman-Nu, ariewe i yami itantang-Ngu!’ ”

YEREMIA 27:10

I mangitou namahia si yamiu na'oman sara i yamiu niapidda wuassu wanuanu. I ya'u sarun mallimbuakka si yamiu wuassu wanuanu wuṛṛu i yamiu nate.

YEREMIA 32:30

Ro'en pinanattaṛṛannu watti'i mangitou, taumatan Israel wuṛṛu taumatan Yehuda buatte na'ola'a si Ya'u tawe mal᷊uassa. I mangitou mapasabbangngu asasa'u-U ringannu manga inolaanni mangitou apan dal᷊eo.

YEHEZKIEL 48:35

Ahewallu darandunga udde al᷊o'engnge si'o kilometere. Wuṛṛu manatakka orassa indi taumata nanagon soa udde: “PIA Mawu ISUDDE!”

MIKHA 4:9

Anio i'o nilumuai ete maggontol᷊anna? Anio i'o tawe uatahuanna ratu, wuṛṛu manga mananantironu natete?

TAHIUL᷊E 31:17

Amungkangngu udde mariaddi, i Ya'u sarun masa'u nipangillembo su saruanni mangitou. I mangitou sarun Ta'u itantangnga wuṛṛu Ta'u pateanna. Manambo asasusa apan masaddata maṛṛia'a si mangitou, ana see i mangitou maatutukka manungku sarangkanambone udde nariaddi ana waugu i Ya'u, Ruatan mangitou, tate lai ual᷊u'adda si mangitou.

DARALO 137:1

Su winggin manga sal᷊ukku Babel i yami ua'ianna wuṛṛu lulluai napawe maananungnga Sion.

ZEFANYA 3:15

Ana waugu Mawu nangillol᷊ote makkuumanni yamiu; i Tou buatte nallimbuakka al᷊awo'u seennu. I yamiu lal᷊u'arannu ratun Israel, Mawunu sassane. Orassa indi i yamiu ariete mata'utta apia.

ZAKARIA 2:9

“Mawu sassane sarun mando'appa si yamiu! Wuṛṛu i yamiu sarun pangaṛṛoannu manga allangngu dorone. Amungkangngu olangnge udde mariaddi, i yamiu sarun maasingkatta manungku Mawu Apan Lembontaṛṛino buatte nandolo'u.”