YEREMIA 8:14 - WUKE SUSI WATTI'U AL᷊AL᷊USASSA

¹⁴ “Anio i ite mangke mal᷊anna-l᷊annabba?” unnu umattu Ruata. “Wette i ite suaddio'a inaite massal᷊iu watukku manga soa apan pia tanda batune wala'e i ite mate poiaroddi. Mawu Ruatang kite buatte nanantunna manungku i ite ṛinone mate. I tou buatte nangonggolla si ite racunna iapa'inumma ana waugu i ite marosa si Tou.

YEREMIA 8:14 Referans Kwoze

YEREMIA 23:15

Mawu Apan Lembontaṛṛino nabbisara, “Sarun Ta'u ionggolla su manga nabi su Yerusalem udde sasuanna mapetta iapaanna wuṛṛu pasangkadda iapa'inumma, ana waugu i mangitou buatte naaola'a taumata su ahewallu wanua tate mangaddatta si Ya'u.”

YEREMIA 9:15

Ana waugu udde, paddaringikke apa apan i Ya'u, Mawu Apan Lembontaṛṛino, Ruatan Israel, sarun ma'ola'a: uma-U sarun Ta'u onggol᷊annu sasuanna mapetta annananna wuṛṛu pasangkadda iapa'inumma.

LAL᷊ALLU 3:19

Maṛṛingiddu al᷊alallele wuṛṛu asasusa'u ere na'inumma racunna apan mapetta.

YEREMIA 35:11

Arawe sutempo i Ratu Nebukadnezar namangalo wanua indi, i yami nakkawessa mappianne tumal᷊angnga wuassu tantaran Babel wuṛṛu tantaran Siria, wuṛṛu inaite mangingkatta su Yerusalem. Ana waugu udde i yami orassa indi uatana'a isindi.”

MATIUS 27:34

Isudde i mangitou napa'inummu anggore su Mawu Yesus apan nilo'annu paddu. Arawe napawe Mawu Yesus naattemma anggore udde, i Tou madiri ma'inumma.

DARALO 69:21

Aal᷊uandaga naadio'a naungku, wuṛṛu i ya'u tate antimma. I ya'u maddea'a darangngu, arawe tawe gunane, i ya'u maddea'a mallal᷊imbata, arawe i ya'u tawe naasomba.

2 SAMUEL 20:6

Wua'udde ratu nabbisarate si Abisai, “i Seba udde tumaniten mapaasusan kite maddal᷊eoanna wuassi Absalom. Ana waugu udde apira'e tantara'u wuṛṛu enggenete i tou, tadea'u arie ma'oman sara i tou maapamanua su soa apan pia tanda'a watune, wuṛṛu maatal᷊angnga wuassi ite.”

TAHIUL᷊E 29:18

Nariaddi paatehamma imbaṛṛangnga pia sangkatou suwallati yamiu, esakka ara'e wawine, tuṛṛangnga ara'e ṛuanganna apan uarisikka isindi, tumal᷊iudda Mawu Ruatan kite wuṛṛu massubba manga Mawu balahanna waine. Inolaanna udde naal᷊ihidda ṛamutta apan tinumuwo naola'a sasuanna mapetta wuṛṛu ere pasangkada.

ZAKARIA 2:13

Paal᷊annabbe i yamiu sarangkanambone su saruannu Mawu! Ana waugu i Tou buatte nanantangngu tampa wawanuan-Ne su surga.

HABAKUK 2:20

Mawu udde sulal᷊ummu Wal᷊en-Ne apan susi; ṛinone anambon taumata su runia uma'ukku'u watanganne su saruan-Ne.

AMOS 6:10

Sangkatou reengannu amonanna apan mammanara pallal᷊abbinge, sarun dumanta wuṛṛu mangapidda su liuddu winal᷊uanannu tuṛṛangnge. I tou sarun mangintul᷊i su taumata apan poi su liuddu wal᷊en udde, “Apa ta'e piaddu wiakka wal᷊ine wuassi'o?” Ne sarun aringiṛṛanna sasimbakke, “Tate!” Reengannu amonanna mammanara mallabbingu winal᷊unanna udde sarun mabbisara, “Imbaṛṛangnga mabbisara apia! I ite tawe wotongnge managgon arannu Mawu.”

YEREMIA 14:20

Mawu, tumba'u su saruan-Nu i yami buatte na'ola'a rosa. I yami manga'u rosan kami sassane wuṛṛu rosan al᷊amonang kami.

DARALO 39:2

Ṛingi'u, “I ya'u maapulu mallu'adda waddangnga tadea'u tawe marosa ringannu lila'u. I ya'u maddiri mabbisara tantal᷊anna taumata lal᷊eo ta'e marani.”

TAHIUL᷊E 32:32

Ana waugu i mangitou lal᷊eo ere Sodom wuṛṛu Gomora, ere punnu anggore apan mapetta wuṛṛu wuane ma'apate.

IMAMATTA 10:3

Ana see i Musa nabbisara si Harun, “Eteudde apan niapasingkattu Mawu su tempo i Tou nabbisara, ‘Sarangkanambone apan mangngimbe si Ya'u ṛinone mangaddata asasusi-U. I Ya'u sarun mapal᷊iatta'u awawantu-U su ahewallu walahanna-Ku.’ ” Arawe i Harun mal᷊anna-l᷊annaba.

YESAYA 47:5

Mawu nabbisara su Babel, “Paal᷊annabba, wuṛṛu suttate sulal᷊ummu ararandumma. I'o tate lai isaggo ‘Ratu manga araratuanna.’

YEREMIA 3:25

Nariaddi, wala'e i yami mamasanna asasili, wuṛṛu wala'e i yami mabbal᷊i lal᷊ebbone. Ana waugu, i yami wuṛṛu al᷊amonan kami narosate su lantakku hati Mawu Ruatang kami, wuṛṛu taambe saran paassa tumuṛṛutta manga parenta-Ne.”

YEREMIA 14:7

Uma-U ma'ial᷊are, ‘Mawu, salaiwe rosan kami mammaṛṛansilla si yami arawe ontol᷊ewe i yami ere buatte nipa'ine-Nu. I yami buatte nanantang-Ngu masokka-sokka; atonna, i yami narosate su Mawu.

YEREMIA 9:14

I mangitou puane maattikka wuṛṛu massubba manga paal᷊uanni Baal ere buatte niaṛṛa'u al᷊amona mangitou.