YEREMIA 8:1 - WUKE SUSI WATTI'U AL᷊AL᷊USASSA

¹ Sutempo udde manga duṛṛin mararatu wuṛṛu manga tembonannu wanua su Yehuda, aroddi lai duṛṛi manga imam, nabi wuṛṛu tumana'u Yerusalem baine sarun iapasabbangnga wuassu labbingngi mangitou,

YEREMIA 8:1 Referans Kwoze

YEHEZKIEL 6:5

I Ya'u sarun ma'ola'a manga winal᷊unannu taumatan Israel uasal᷊iawukka; wuṛṛu manga duṛṛi mangitou sarun Ta'u isal᷊iawukka ipamal᷊iwutta mezbah udde.

AMOS 2:1

Mawu nabbisara, “Tumana'u Moab masokkate ma'ola'a rosa, ana waugu udde i Ya'u sarun makkuumanni mangitou. I mangitou mallobbossa si Ratun Edom apan natete ude; ringannu namongkakku labbingnge see nanganu manga duṛṛine wuṛṛu nitambunna nabbal᷊i awu.

YEHEZKIEL 37:1

I ya'u naapendamma taṛṛino Mawu, wuṛṛu Ghaṛṛaho-Ne nangapi'u sinumossokka su wawal᷊anne apan napene manga duṛṛi.

2 MARARATU 23:20

Anambon imam apan mammanara su manga tampa pasasubbanna monganna nipaten tou su wowon manga mezbah udde. Wuṛṛu suapan mezbah, i Yosia nanambunnu manga duṛṛin taumata. Wua'udde i tou napul᷊ete watukku Yerusalem.

2 MARARATU 23:16

Wua'udde i Yosia nanaile, wuṛṛu naasilo manga pira labbinga su puiddu wowone. Ne i tou nandolokku taumata niapahohakku labbinga udde, wuṛṛu niapasabbanga manga duṛṛine ana see nitambunna su mezbah apan tantal᷊anna lukkenggama. Etearoddi olange i tou nanapadda mezbah udde. Ne natipusse sarangkanambone apan buatte niwal᷊on nabi Mawu sutempo i Ratu Yerobeam tantal᷊anna uarisikka maranin mezbah udde su sambau allon damea. Wua'udde i Yosia naasilo lai sambau labbinga waine.

1 MARARATU 13:2

Wuassu parentan Mawu nabi nabbisarate su mezbah udde, “Ei mezbah, ei mezbah! Arendi wisaran Mawu, ‘Sangkatou ana'a apan isassaggo Yosia sarun iasungkangnga sulal᷊ummu amonanni Daud. Uarandangnga si'o, ei mezbah, i tou sarun mamate manga imam apan mammanara su manga tampan patataṛṛamawuanna monganna, wuṛṛu apan lai buatte nangonggollu sasamba uarandangnga si'o. Wuṛṛu su wowonu lai i tou sarun manambunu manga duṛṛin taumata.’ ”

2 MARARATU 9:37

wuṛṛu manga lamben binal᷊unanne udde uasal᷊iawukka ere tain binatangnga, na'oman sara tawe saran sangkatou apan wotongnge maaillal᷊a tanne winal᷊unanni sai udde.’ ”

DARALO 53:5

Wisaran Mawu, “Manga taumata lal᷊eo udde tawe matimpu'o lai? I mangitou mabbiakka ringannu mangngaṛṛo su al᷊aṛṛana-U, wuṛṛu tawe saran paassa umal᷊iomanna si Ya'u.”

YEREMIA 14:16

Manga taumata apan buatte nanengkamma manga pani'atti mangitou udde lai sarun Ta'u pateanna ringannu olangnge apan uasul᷊ungnga. Winal᷊unanni mangitou sarun iwareta su manga lal᷊anna su Yerusalem ringannu taweddu mallabbinga. Etearoddi nasippi mangitou wuṛṛu ana'a awingngi mangitou. I mangitou sarun Ta'u olaanna maapendamma pangillul᷊eannu al᷊al᷊eo mangitou.”

YEHEZKIEL 6:4

Manga mezbahne sarun iṛṛa'a wuṛṛu manga pananambunannu amaniane sarun waanna. Anambon taumata isudde sarun pateanna su saruannu paal᷊uanne.