YEREMIA 7:33 - WUKE SUSI WATTI'U AL᷊AL᷊USASSA

³³ Manga winal᷊unanni mangitou sarun maola'a inassu manu'u winalanganna wuṛṛu winatangnga mal᷊aṛṛaga, ringannu taweddu mallimbuakka.

YEREMIA 7:33 Referans Kwoze

YEREMIA 12:9

I mangitou ere manu'u winalanganna apan a'aṛṛatannu asiaṛṛe wuassu al᷊awo'u tampa. Waggoite anambon winatangngu ahuranganna iapainsue si mangitou.

TAHIUL᷊E 28:26

Amungkangngu i yamiu mate, winal᷊unannu maola'a inassu manga manu'u winalanganna wuṛṛu winatangnga mal᷊aṛṛaga, wuṛṛu taweddu mallimbuakka manga winatangnga udde.

YEHEZKIEL 39:4

Su puiddu manga wowonen Israel, i Gog suadio'a ringannu anambon tantarane wuṛṛu walahanna hawene sarun mate, wuṛṛu manga winal᷊unanni mangitou sarun Ta'u ionggolla su al᷊awo'u manu'u winalanganna wuṛṛu winatangnga mal᷊aṛṛaga iapa'inassa si mangitou.

YEREMIA 34:20

I Ya'u sarun manantilli yamiu su seetta apan mappulu mamate si yamiu. Winal᷊unannu sarun inasannu manu'u winalanganna wuṛṛu winatangnga mal᷊aṛṛaga.

YEREMIA 25:33

Su allo udde winal᷊unannu manga taumata apan nipate Mawu uatal᷊eṛṛongnga su ahewallu runia. I mangitou tawe luaianna, tawe lai wengketanna ilabbinga, arawe iwala aroddi su leta'a ere sapadda ua'ombo.

YEREMIA 22:19

Yoyakim sarun wol᷊enganna wuṛṛu iramme su liuddu ngara pasallanaannu su Yerusalem, ere buatte niola'u taumata su winal᷊unannu keledai.”

YEREMIA 19:7

Sutampa indi Ya'u sarun manal᷊are anambon hol᷊agu taumatan Yehuda wuṛṛu tumana'u Yerusalem. I mangitou sarun Ta'u iwala iwaddo manga seetti mangitou wuṛṛu pateanna sulal᷊ummu pangalo. Winal᷊unanni mangitou sarun Ta'u iwala inasannu manu'u winalanganna wuṛṛu winatangnga mal᷊aṛṛaga.

YEREMIA 16:4

I mangitou sarun mate amatannu sa'itta apan mangipiddi mangitou su papate, wuṛṛu i mangitou sarun mate sulal᷊ummu pangalo ara'e maten al᷊aṛṛutumma. Tawe saran sangkatou apan lumuai ara'e mallabbingngi mangitou. Winal᷊unanni mangitou sarun massal᷊iawukka ere pupukka su leta'a, wuṛṛu inasannu manu'u winalanganna wuṛṛu winatangnga mal᷊aṛṛaga.

YEREMIA 9:22

Winal᷊unanna uatal᷊eṛṛonga suapan tampa ere sapadda ua'ombo su leta'a; ere gandumma apan buatte niitingnga ana see nitantangnga wuṛṛu tate lai iammulla. Eteudde tanata Mawu apan ṛinone ta'u iapasingkatta.”

YESAYA 18:6

Manga winal᷊unannu tantarane sarun itantangnga mabbal᷊i inassu manga manu'u winalanganna sutempo paddissa, wuṛṛu winatangnga mal᷊aṛṛaga sutempo masunge.”

YEREMIA 14:16

Manga taumata apan buatte nanengkamma manga pani'atti mangitou udde lai sarun Ta'u pateanna ringannu olangnge apan uasul᷊ungnga. Winal᷊unanni mangitou sarun iwareta su manga lal᷊anna su Yerusalem ringannu taweddu mallabbinga. Etearoddi nasippi mangitou wuṛṛu ana'a awingngi mangitou. I mangitou sarun Ta'u olaanna maapendamma pangillul᷊eannu al᷊al᷊eo mangitou.”

YEREMIA 15:3

I Ya'u, Mawu, buatte nanantunna manungku appatta ṛuumanna apan ma'ata'utta sarun mariaddi si mangitou: i mangitou sarun mate sulal᷊ummu pangalo, winal᷊unanni mangitou sarun wol᷊engannu asu, inasannu manu'u winalanganna, wuṛṛu insueannu winatangnga mal᷊aṛṛaga.

YEHEZKIEL 29:5

Wua'udde i'o wuṛṛu al᷊awo'u inassa udde Ta'u ituntungnga su wadda'u anne. Wadangngu sarun mawantingnga su leta'a wuṛṛu tumal᷊allada isudde. Tawe sarang sangkatou apan mallabingu. Wadangngu sarun Ta'u ionggolla su manga manu'u winalanganna wuṛṛu manga winatangnga waine iapa'inassa.

TAHIUL᷊E 8:20

Amungkangngu i yamiu tawe tumuṛṛutta Mawu Ruatanu, i yamiu lai pateanni Tou, ere manga walahanna apan nipate-Ne su saruannu matanu.”

YEREMIA 9:21

Papate sinumuttate wuassu jandela, nasal᷊ate sulal᷊ummu wal᷊en araratuanna; i tou mannametta al᷊aṛṛana'a su lal᷊anna see ana'a umbasanna maṛṛuala su lapanganna.