YEREMIA 7:32 - WUKE SUSI WATTI'U AL᷊AL᷊USASSA

³² Ana waugu udde, sarun a'omanna tempane tampa udde tate lai isaggo Tofet ara'e Wawal᷊annu Hinom ewe'e Wawal᷊annu Pamamototanna. Leta'a udde sarun maola'a leta'a pallabbinganna ana waugu tate tampa apan baine.

YEREMIA 7:32 Referans Kwoze

YEREMIA 19:11

I ya'u ṛinone mamasingkatta si mangitou manungku Mawu Apan Lembontaṛṛino nabbisara arendi, “Walahanna wuṛṛu soa indi sarun Ta'u ṛimunsaanna ma'oman sara maola'a ere wensadda apan napesangnga udde apan tate iasul᷊e apia. Taumata sarun mallabbingngu manga winal᷊unanni mangitou su Tofet, ana waugu tate tampan pallabbinganna waine.

YEREMIA 19:6

Ana waugu udde, sarun a'omanna tempone tampa indi tate lai isaggo Tofet ara'e Wawal᷊annu Hinom, Wawal᷊annu Pamamototanna.

2 MARARATU 23:10

Tofet, eteudde tampa passubbanna monganna su Wawal᷊annu Hinom, nisaparanna. Ringannu aroddi tate taumata lai apan botongnge mangonggolu anangnge maola'a sasamba itattambuna si Monganna Molokh.

YEREMIA 19:13

Anambon bal᷊e su Yerusalem anambon wal᷊en manga ratun Yehuda sarun mabbal᷊i luhudda ere Tofet; ana waugu su wowon atuppu manga wal᷊en udde taumata buatte nanambunnu amania huna manga monganna su langitta, wuṛṛu nangonggollu anggore su manga monganna waine.”

YEREMIA 7:31

Sambau mezbah aranne Tofet buatte niaparisikki mangitou su Wawal᷊annu Hinom tadea'u pangonggol᷊annu al᷊aṛṛana'i mangitou maola'a sasamba itattambunna. Sumbal᷊i Ya'u taambe saran paassa nandolokki mangitou ma'ola'a olangnge udde, ewe'e lai taambe saran paassa olangnge ereudde sinumabbangnga wuassu ṛingirang-Ku.

IMAMATTA 26:30

I Ya'u sarun makkimunsa'a manga tampa patataṛamawuanu su wowon manga wuidda, manggohakku manga mezbahnu tampa panutunganna amania, wuṛṛu mallombo manga winal᷊unannu su manga mongannu apan naṛaate udde. Ringannu maddantinna

YEREMIA 19:2

tadea'u inai suadio'a ringanni mangitou watukku Wawal᷊annu Hinom umamattu Ngara Pasallangannu Beling. Poiaroddi i ya'u ṛinone mangal᷊iata tanata Mawu si ya'u.

YEREMIA 31:40

Ahewallu wawal᷊anne udde, apan nipaatta naola'a pallabbinganna wuṛṛu tampa pandammeannu sapadda, wuṛṛu anambon wawail᷊anna su wiwikku Sal᷊ukku Kidron maddatingngu Ngara Pasallanganna Awal᷊o watukku ra'i, sarun iṛṛa'e si Ya'u. Soan Yerusalem tate ihohakka apia ara'e ṛimunsaanna.”

YEHEZKIEL 6:4

Manga mezbahne sarun iṛṛa'a wuṛṛu manga pananambunannu amaniane sarun waanna. Anambon taumata isudde sarun pateanna su saruannu paal᷊uanne.