YEREMIA 7:30 - WUKE SUSI WATTI'U AL᷊AL᷊USASSA

³⁰ Taumatan Yehuda buatte na'ola'a al᷊al᷊eo. Manga paal᷊uanni mangitou apan ipaddanting-Ku udde buatte niaddon mangitou sulal᷊ummu Wal᷊e-U, na'oman sara nal᷊al᷊eote wal᷊en udde.

YEREMIA 7:30 Referans Kwoze

YEHEZKIEL 7:20

Dorone i mangitou lulluassu permata apan maṛṛamaga, arawe ana waugu i mangitou mapaatta ipa'ola'a manga paal᷊uanna apan maarantinna, Mawu na'ola'a darotongngi mangitou udde nabbal᷊i sambau apan maata'utta.

YEREMIA 32:34

Ewe'e lai wal᷊en apan niola'a hunan tampan patataṛṛamawuanna si Ya'u buatte niluhuranni mangitou ringannu pinangaddoannu manga paal᷊uanni mangitou apan maarantinna su tampa udde.

DANIEL 9:27

Ratu udde sarun makkiinnu pa'aire apan matohassa ringannu manambo taumata al᷊annune pitu tonna. Su pattangngannu tempo udde, i tou sarun mangingaddu mpangangapiddu sasamba wuṛṛu aonggolla. Wua'udde sambau apan maata'utta apan isassaggo Al᷊al᷊eo apan makkimunsa'a sarun iaddo su Wal᷊en Mawu wuṛṛu sidutu poiaroddi ma'oman sara i tou apan nangaddo isudde aṛṛiaannu papate apan buatte nitantunnu Ruata si tou.”

2 TAWARIKH 33:7

Paal᷊uanna sassubbanna niaddone sulal᷊ummu Wal᷊en Mawu, sumbal᷊i su ola'u tampa udde Ruata buatte nabbisara si Daud wuṛṛu si Salomo anangnge, “Wal᷊e-U su Yerusalem indi, apan buatte Ta'u nipile suwallattu mapul᷊o dua leta'u ṛuangannu Israel, eteudde tampa apan Ta'u tinantunna maola'a tampa patataṛṛamawuanna si Ya'u saran mal᷊annu-l᷊annu.

2 MARARATU 21:7

Hambarannu Monganni Asyera niaddo su Wal᷊en Mawu, sumbal᷊i su ola'u tampa udde Mawu buatte nabbisara si Daud wuṛṛu si Salomo anangnge, “Wal᷊e-U wuṛṛu soan Yerusalem indi, buatte Ta'u nipile wuassu wallatu leta'u siri mapul᷊o dua ruangannu Israel, eteudde tampa apan nipile-U, maola'a tampa patataṛṛamawuanna si Ya'u.

2 MARARATU 21:4

Mawu buatte nabbisara manungku udde tampan daranta-Ne wuṛṛu tampan patataṛṛamawuanna si Tou, arawe poiaroddi su Wal᷊en Mawu, i Manasye buatte napararisikku manga mezbah hunan manga monganna.

YEREMIA 23:11

Mawu nabbisara, “Nabi wuṛṛu imam maddiri tumuṛṛutta si Ya'u. Ewe'e lai su Wal᷊e-U i Ya'u buatte naasangkalla i mangitou ma'ola'a al᷊al᷊eo.

2 TAWARIKH 33:15

I tou nandammen manga paal᷊uannu mongannu walahanna waine see lai manga paal᷊uanna apan buatte niaddone su Wal᷊en Mawu. I tou nanggohakku manga mezbah pasasubbanna su wuiddu Wal᷊en Mawu, wuṛṛu su manga tampa waine su Yerusalem. Sarangkanambone udde niapidde watukku liuddu soa ana see niramme.

2 MARARATU 23:12

Manga mezbah apan niola'u manga ratun Yehuda su atuppa su wowon manga wallo'an Datu Ahas, nihohakka. See lai manga mezbah apan niola'i Ratu Manasye su darua rallaku Wal᷊en Mawu, nihohakki Yosia, ana see niramme su Wawal᷊annu Kidron.

2 MARARATU 21:3

Manga tampa pasasubbanna monganna apan buatte nihohakki Hizkia iamange niapararisikki tou apia. I tou na'ola'a manga mezbah patataṛṛamawuanna si Baal, wuṛṛu nallanginnu paal᷊uannu Monganni Asyera, ere buatte niola'i Ahab ratun Israel. I Manasye lai massubba manga anumpitanna.

2 TAWARIKH 33:3

Manga tampa pasasubbanna paal᷊uanna apan buatte nihohakki Hizkia, iamangnge, niolangnge apia. I tou nallanginnu manga mezbah passubbanna si Baal, wuṛṛu nallanginnu manga paal᷊uanni Asyera, ana see lai massubba manga anumpitanna.

YESAYA 66:4

Ana waugu udde i Ya'u ma'ola'a walate apulu-U wuṛṛu mangema'a si mangitou manga asasilaka apan iaata'utti mangitou. Anawe sutempo i Ya'u mammaggo, taweddu sumimbakka; sutempo i Ya'u mabbisara, taweddu maddaringikka. I mangitou apulune lullawangnga si Ya'u i Ya'u sarun ma'ola'a al᷊al᷊eoanne.”

YEREMIA 16:18

Rosa wuṛṛu al᷊al᷊eo mangitou sarun Ta'u iwal᷊issa ringannu ṛuumanna paarua anambone, ana waugu i mangitou buatte nandal᷊eo wanua-U ringannu manambo paal᷊uanna. Manga paal᷊uanna udde tawe niawane ere asuangnga.”

YEREMIA 32:35

I mangitou napararisikku manga mezbah hunam Baal su Wawal᷊annu Hinom, wuṛṛu nangonggollu manga ana'i mangitou si Dewa Molokh. Sumbal᷊i, i Ya'u taambe saran paassa nandolokki mangitou ma'ola'a inolaanna udde, ewe'e lai tawe nilumapputa sulal᷊ummu ṛingirang-Ku manungku i mangitou ma'ola'a inolaanna al᷊al᷊eone udde wuṛṛu naarosa taumatan Yehuda.”

DANIEL 11:31

Wua'udde i tou nangirimmu tantarane iapal᷊al᷊eo Wal᷊en Mawu. I mangitou sarun mamappassa sasamba miallo-miallo wuṛṛu mapararisikku sambau apan maata'utta apan isassaggo Alaleo apan makkimunsa'a.

YEHEZKIEL 8:3

I tou nangul᷊ukku sambau saranapa ere ta'iakka, see nangametta uta'u. Wua'udde sulal᷊ummu sondappa udde, i ya'u niwengkettu Ghaṛṛahon Duata watukku winalanganna wuṛṛu niapidda su Wal᷊en Mawu su Yerusalem, su ngara sasuttanna su rallakku lal᷊umme apan su samba'an sawannakka. Isudde pia paal᷊uanna sassubbanna apan buatte naaranta asasa'un Duata.