YEREMIA 7:29 - WUKE SUSI WATTI'U AL᷊AL᷊USASSA

²⁹ Mawu nabbisara, “Ei tumana'u Yerusalem, lallal᷊ote! Pol᷊ote utangngu wuṛṛu rammea'e! Pangantariten aantarin asasusa roso su manga puiddu panenteanna ana waugu i Ya'u Mawu, tantal᷊anna massa'u wuṛṛu nano'eten kami nambo.

YEREMIA 7:29 Referans Kwoze

AYUB 1:20

Ana see i Ayub dirumarisikke wuṛṛu nanggesa'a laungnge tatialan massusa. I tou nallunggukka puane, ana see niumal᷊intudda

MIKHA 1:16

Ei taumatan Yehuda, pol᷊ote utangngu maola'a tatiala lullal᷊o su manga anangngu apan arangnguani yamiu. Iṛṛite puanu ma'oman sara mal᷊unggukka ere manu'u winalanganna apan u'inassa winal᷊unanna, ana waugu manga anangngu sarun ṛuwoanna watukku pamamuanganna.

YEREMIA 6:30

I mangitou sarun isaggo sal᷊a'a niramme, ana waugu i Ya'u, Mawu, buatte nandamme mangitou.”

YEREMIA 16:6

Taumata ala wuṛṛu taumata asiangnga su wanua indi sarun mate ringannu taweddu mallabbingngi mangitou. Taweddu saran sangkatou apan manansara watanganne ara'e mallunggukka puanne tatialan lullal᷊o mangitou.

WATTI'U MANGA RASUL 2:40

Ete aroddi i Petrus mannal᷊a'a si mangitou. Wuṛṛu ringannu wisara apan manambo waine lai i tou nandolokki mangitou tadea'u i mangitou mapaal᷊iun watanganne wuassu walahanna apan dal᷊eo indi apan sarun iṛṛuumannu Ruata.

MATIUS 23:36

Pangimante: sarangkanambone udde sarun maola'a winabbawa manga taumata su tempo indi!”

MATIUS 16:4

“Tumaniten dal᷊eo manga taumata tempo indi. I yamiu maddorongnga i Ya'u ma'ola'a al᷊aṛṛindu'a. I yamiu tawe onggol᷊anna saran sambau al᷊aṛṛindu'a, tumba'u al᷊aṛṛindu'i Nabi Yunus.” Napawe suete nabbisara aroddi, Mawu Yesus nanantangke mangitou, see napul᷊ete.

MATIUS 12:39

“Aral᷊eo wuṛṛu al᷊awangnga eteapa, manga taumata su tempo indi!” sasimbakku Mawu Yesus. “I yamiu maddorongnga i Ya'u ma'ola'a al᷊aṛṛindu'a? I yamiu tawe onggol᷊annu sambau al᷊aṛṛindu'a udde, tumba'u al᷊aṛṛindu'a wuassi Nabi Yunus.

MATIUS 3:7

Manambo lai taumatan Farisi wuṛṛu Saduki nirumanta ringanni Yohanes maisaṛṛani. Arawe su tempo i tou naasilo si mangitou nirumanta, i tou nabbisara si mangitou, “I yamiu taumata lal᷊eo! Isai suete nabbal᷊o manungku i yamiu mal᷊iudda wuassu ṛuumannu Ruata apan sarun rumanta?

YEHEZKIEL 28:12

“Ei taumata apan mattate, lalluaite si ratun Tirus. Pasingkata'e apa apan i Ya'u, Mawu Apan Atanggaṛṛanne mabbisara si tou, ‘I'o buatte naola'a waneṛṛan asasuungnga; dorone i'o mangke pande wuṛṛu maṛṛamaga!

YEHEZKIEL 19:1

Ruata nandolo'u niapaantarin sasangitta indi hunan duang katou parinsin Israel:

YEREMIA 48:37

I mangitou sarangkanambone buatte nangiṛṛi uta'u pua wuṛṛu omengnga, nallessa ta'iakka, wuṛṛu nalluṛṛe nasa tatiala massusa.

YEREMIA 47:5

Taumatan Gaza niaṛṛiaannu asasusa wahewalla; tumna'u Askelon nimoune. Sara tingngera taumatan Filistin lambene udde sidutu lullal᷊o?

2 MARARATU 17:20

ne Mawu lai tate nanga'u anambon walahannu Israel. I Tou nakkuumanna wuṛṛu nanantili mangitou su manga seetti mangitou apan mal᷊aṛṛaga. I Tou tate lai umakkanni mangitou, ewe'e i mangitou niramme wuassu leta'a apan buatte nionggoli Tou si mangitou.

TAHIUL᷊E 32:5

Arawe ete i yamiu walahanna apan mal᷊awangnga, wuṛṛu tate lai sulal᷊anne maola'a al᷊aṛṛanang-Nge, walahanna apan napenen pallal᷊inga wuṛṛu rosa.

YESAYA 22:12

Sutempo udde Ruata Apan Atanggaṛṛanne wuṛṛu Lembontaṛṛino nandolokki yamiu lumuai wuṛṛu lumallu, mallunggukka pua wuṛṛu malluṛṛe nasa karongnga.

YEREMIA 3:2

Annama'o paningngara, su manga puiddu wuidda! Tampa suapa apan taambe niddantannu inai sumandaga? Ere taumatan Arab su wadda'u anne, etearoddi lai i'o ua'ianna si winggin dal᷊anna uaṛṛaddo taumata apan uaa apulunu. I'o nalluhudda wanua indi ringannu sasandaga wuṛṛu al᷊al᷊eonu.

YEREMIA 3:21

Roso su manga puiddu wowone niaringikka tingikku hio; udde tingikku walahannu Israel apan lulluai wuṛṛu mangke sussal᷊ande, ana waugu i mangitou narosate, wuṛṛu naabul᷊ite Mawu Ruata mangitou.

YEREMIA 9:10

I ya'u, Yeremia, nabbisara, “I ya'u lumuaite wuṛṛu lumal᷊o ana waugu nannal᷊o su wadda'a wuṛṛu su manga wowone apan naṛṛangute wuṛṛu naṛṛaggassa see lai tate amatannu taumata. Tingikku winatangnga tate aringiṛṛanna lai, manu'u winalanganna wuṛṛu manga winatangnga waine tinumalangke wuṛṛu nawul᷊ite.”

YEREMIA 12:7

Mawu nabbisara, “Tampa atatanaang-Ku tate lai iṛṛingi-U, wanua apan maola'a pussa'a-U buatte nitantang-Ku, wuṛṛu uma-U apan arangnguang-Ku buatte Ta'u nitantilla su lima manga seenne.

YEREMIA 14:19

Mawu, apa Yehuda buatte nito'e-Nu atonna-tonna wuṛṛu tumana'u Sion iaarantin-Nu? Anio aroddi aikkanne I'o namuulla si yami na'oman sara i yami tate lai mapia? Tate gunane i yami maddea'a paddarame, tate gunane i yami mangngantimma aaul᷊en baddangnga, ana waugu nallambe ete tumba'u araṛṛagissa.

LAL᷊ALLU 5:22

Arawe i yami buatte niramme-Nu atonna-tonna? Tawe pattaal᷊anne asasa'u-Nu si yami?

AMOS 5:1

Paddaringikke ei umattu Israel! I Ya'u mangantararite si yamiu sambau aantarin lullal᷊o:

YEREMIA 9:16

I mangitou sarun Ta'u isal᷊iawukka suwallattu manga walahanna apan awagananni mangitou ara'e al᷊amona mangitou. I Ya'u sidutu sarun mandolokku tantara apan mammangalo si mangitou ma'oman sara i Ya'u mamate si mangitou abbi.”