YEREMIA 7:18 - WUKE SUSI WATTI'U AL᷊AL᷊USASSA

¹⁸ Manga al᷊aṛṛana'a mangngammullu alung kanna, ingana'a esakka makkunuttu putungnga, wuṛṛu ingana'a wawine mangngompengngu taponna olaanna kukisse ionggolla su monganna apan isassaggo mangitou Ratun Surga. Wuṛṛu tadea'u ipandal᷊eo naung-Ku, i mangitou lai nangonggollu anggore su manga mawu waine.

YEREMIA 7:18 Referans Kwoze

YEREMIA 19:13

Anambon bal᷊e su Yerusalem anambon wal᷊en manga ratun Yehuda sarun mabbal᷊i luhudda ere Tofet; ana waugu su wowon atuppu manga wal᷊en udde taumata buatte nanambunnu amania huna manga monganna su langitta, wuṛṛu nangonggollu anggore su manga monganna waine.”

1 KORINTUS 10:22

Ara'e i ite maapulu Mawu naung-Nge mal᷊al᷊eo? Apa i ite mattohasanna wuassu Mawu?

1 MARARATU 14:9

Arawe i'o ma'ola'a al᷊al᷊eo apan maggewal᷊anna wuassi mangitou apan namarenta dorone wuassi'o. I'o nanantang-Ku wuṛṛu nandantan asasa'u-U ringannu na'ola'a pasasubbanna wuṛṛu manga paal᷊uanna wuassu atta'a tadea'u subbanna.

YEREMIA 32:29

wuṛṛu manoṛṛobba na'oman sara masue suadio'a ringannu manga wal᷊en manga taumata ma'asabbangngu asasa'u-U, ana waugu su wowon atuppu manga wal᷊en udde i mangitou mannambunnu amania si Baal wuṛṛu mallal᷊innu ua'e anggore ipassubba manga monganna.

YEREMIA 25:7

Arawe Mawu sassane nabbisara manungku i yamiu tawe maddaringikka si Tou. I yamiu ewe'e napaarantan asasa'u-Ne ana waugu manga paal᷊uannu udde. Ete i yamiu sassane apan nandatan ṛuman-Ne su watangannu sassane.

YEREMIA 11:17

Ete i Ya'u apan napararisikku Israel wuṛṛu Yehuda, i Ya'u, Mawu Apan Lembontaṛṛino. Arawe, orassa indi i Ya'u buatte nakkiinna mandantan asasilaka si mangitou. Ete i mangitou sassane apan naarantaran sarangkanambone udde, ana waugu i mangitou buatte na'ola'a al᷊al᷊eo, eteudde mangngonggollu sasamba si Baal na'oman sara i Ya'u nasa'u.”

YESAYA 3:8

Atonna, Yerusalem nanawote! Yehuda nahohakke! Ana waugu al᷊awo'u wisara wuṛṛu inolaanni mangitou lullawangnga Mawu wuṛṛu mannal᷊are taṛṛino-Ne.

1 MARARATU 16:2

‘Dorone i'o tawe gunane, arawe i'o buatte Ta'u nitenega naola'a piaṛṛa'u uma-U Israel. Orassa indi i'o narosate ere lai Yerobeam wuṛṛu pangillul᷊eanne uma-U Israel narosa lai, na'oman sara naasopan asasa'u-U.

TAHIUL᷊E 32:21

I mangitou na'ola'a i Ya'u nasa'u su saranapa apan wal᷊ine Ruata, wuṛṛu massa'u su paal᷊uanna sassubbanni mangitou. Ne i Ya'u na'ola'a manga al᷊aṛṛana-U nasa'u su apa apan wal᷊ine walahanna, wuṛṛu nasa'u su walahanna apan longonna.

TAHIUL᷊E 32:16

I mangitou massubba paal᷊uanna, na'oman sara Mawu nasa'u, asasa'u-Ne nawitta ana waugu al᷊al᷊eo udde.

TAHIUL᷊E 4:19

Ariete i yamiu marosa ana waugu massubba wuṛṛu mattaṛṛamawu su al᷊awo'u apa apan niasiloanni yamiu su langitta; matannallo, wul᷊anna wuṛṛu manga anumpitanna. Mawu Ruatanu namalan manga walahanna waine massubba manga saranapa udde.

YEHEZKIEL 20:28

I Ya'u nangapiddi mangitou su leta'a apan buatte niriandi-U si mangitou. Sutempo i mangitou maasilo manga wuidda apan matanggakka wuṛṛu manga aal᷊uanna apan mapaṛṛampunga, i mangitou mangonggollu sasamba su manga tampa udde. I mangitou napasa'u-U ana waugu manga sasamba itattambunna wuṛṛu anggore sasamba mangitou.

YESAYA 65:11

Arawe wal᷊ine aroddi pal᷊addu manga taumata apan nanantang-Ku, apan tawe pandumme su Sion, wui-U apan susi, apan mannengokku anna si Gad wuṛṛu si Meni, manga mongannu auntunganna wuṛṛu pal᷊addu taumata.

YESAYA 65:3

I mangitou sidutu ma'ola'a si Ya'u massa'u ana waugu mangngonggollu sasamba su manga wawail᷊anna huna manga monganna wuṛṛu mannambunnu amania su manga mezbahne.

YESAYA 57:6

Nariaddi naṛṛinote i yamiu mangammullu manga watu mal᷊ewakka wua isudde. Eteudde wageangngu! Ete su manga watu udde lai i yamiu nallal᷊innu anggore wuṛṛu nangonggollu gandumma. Unnu pahinu i Ya'u mal᷊uassu sarangkanambone udde?

DARALO 16:4

Wala'ewe taumata apan massubba manga monganna aatambanna asasusane. I ya'u maddiri mangonggolu sasamba su manga monganna, ewe'e lai maddiri managon aranni mangitou.

YEREMIA 7:17

I'o buatte naasilo sassane apa apan a'olaanni mangitou su manga soan Yehuda wuṛṛu su manga lal᷊anna su Yerusalem!

YEREMIA 17:2

Manga taumatanu mattaṛṛamawu su manga mezbah wuṛṛu manga diṛṛin paal᷊uanna apan buatte nilanginna hunan Dewi Asyera su anambon aaluanna apan mapaṛṛampunga, su manga puiddu wuidda,

LAL᷊ALLU 5:13

Manga umbasanni yami niwata'a mammanara su panggahilinganna, al᷊aṛṛana'a esakka niumpisanannu alu papasannanna na'oman sara napinsanna.

YEHEZKIEL 8:17

Mawu nabbisara si ya'u, “Ei taumata apan mattate, i'o maasilo udde? Manga taumatan Yehuda indi tawe mawusa amungkangngu tumba'u ma'ola'a manga inolaanna apan maarantinna udde wuṛṛu ma'ola'a pallal᷊agu apan tawe umakkannu sansul᷊ungnga taumata su ahewallu wanua. I mangitou ewe'e lai ma'ola'a sarangkanambone udde isindi, sulal᷊ummu Wal᷊e-U wuṛṛu naaola'a i Ya'u lembon nasa'u lai. Pa'ellege ereapa i mangitou mallobbossa si Ya'u ringannu olangnge apan al᷊al᷊eone indi!

YEHEZKIEL 16:26

Mesir, al᷊indongannu apan bahewalla apulune udde, buatte niringanannu mattiilla. I'o mattatudda sussandaga tadea'u i Ya'u masa'u.

YEREMIA 1:16

I Ya'u sarun makkuumannu uma-U, ana waugu i mangitou na'ola'a rosa wuṛṛu tinumal᷊iudda si Ya'u. I mangitou buatte nangonggollu manga sasamba su manga mawu waine, wuṛṛu nallanginnu manga paal᷊uanna lapiddu massubba si tou.

YEREMIA 44:4

I Ya'u ṛinone sidutu mandolokka ringanni yamiu manga allang-Ku manga nabi, apan manningaddi mangitou ma'ola'a al᷊al᷊eo apan iaaranting-Ku udde.

YEHEZKIEL 8:16

I ya'u niapid-De watukku rallakka sulal᷊ummu Wal᷊en Mawu. Marani ngara sasuttanna watukku wabbo'a susi, suwallattu mezbah wuṛṛu lal᷊anna, pia duan pul᷊o l᷊ima su atoune taumata. I mangitou uatal᷊iudda wabbo'a na'ukkassa, wuṛṛu ual᷊intudda watukku ra'i massubba matannallo sumabbangnga.