YEREMIA 6:8 - WUKE SUSI WATTI'U AL᷊AL᷊USASSA

⁸ Ei tumana'u Yerusalem, ṛinone anambon hal᷊ahe udde maola'a pananaungannu! Arie ma'oman sara i Ya'u manantangngi yamiu wuṛṛu Ta'u wal᷊uanna soanu mabbal᷊i wadda'u anne apan tawe wanuannu taumata.”

YEREMIA 6:8 Referans Kwoze

HOSEA 9:12

Arawe salaiwe pia al᷊aṛṛana'a apan niasungkangnga wuṛṛu niwuwunna, i mangitou sarun Ta'u al᷊apanna, tawe saran sangkatou apan Ta'u iwala wiakka. Nasilakate i yamiu, ei walahannu Israel, napawe i Ya'u manantangken kamiu!”

YEHEZKIEL 23:18

Napawe wua'udde ringannu uahahati i tou sinumandaga wuṛṛu napa'ellegu watanganne su awada'alla. I ya'u maddantinna su saruannu iaangnge.

YEREMIA 17:23

Arawe al᷊amonanu maddiri maddaringikka ara'e mappandumma manga wisara-U. Naungngi mangitou maattikka, wuṛṛu maddiri tumuṛṛutta wuṛṛu tagguanna.

ZEFANYA 3:7

I Ya'u maṛṛingidda, ‘Orassa indi uma-U sarun mangaddatta si Ya'u wuṛṛu maddaringikka al᷊awo'u tatagu-U. I mangitou sarun mannaungnga al᷊aṛṛa'a apan Ta'u nionggolla si mangitou.’ Arawe wutte'e, i mangitou lembon maṛṛimadda lai ma'ola'a al᷊al᷊eo wuassu paarorone.

YEREMIA 32:33

I mangitou buatte nanantang-Ku salaiwe I Ya'u sidutu mangngenggenna si mangitou, i mangitou maddiri maddaringikka wuṛṛu mangimanna.

DARALO 50:17

Ana waugu i'o maddiri maddaringikka tatagu-Ku, wuṛṛu mannol᷊a'u manga parenta-Ku.

YEREMIA 31:19

I'o buatte tinal᷊i'uranni yami, arawe inolaanna udde iassasilli yami. Napawe I'o nakkuumanni yami, puang kami niumaruutta ana waugu massusa. I yami massili wuṛṛu nahelo ana waugu buatte na'ola'a rosa sutempo dario'a.’

YEREMIA 9:11

Mawu nabbisara, “Yerusalem Ta'u olaanna napapussa'a tampa pa'imbuniannu asun ahuranganna. Manga soan Yehuda sarun mabbal᷊i mal᷊annabba, tampa apan tate lai atanaanna.”

YEREMIA 7:34

Wanua indi sarun maola'a wadda'a lol᷊okka. Tingikku al᷊aluassa wuṛṛu tingikku andeangngu awingnga sarun Ta'u iaddo su manga soan Yehuda wuṛṛu su manga lal᷊annu Yerusalem.

YEREMIA 7:20

I Ya'u, Mawu Apan Atanggaṛṛanne, sarun mangema'u asasa'u-U apan bahewalla su wal᷊en patataṛṛamawuanna indi, su taumata wuṛṛu su winatangnga, see lai su manga aaluanna wuṛṛu hessin bawail᷊anna. Asasa'u-U sarun ṛumenggamma ere putungnga apan tawe iapaddumma.”

YEREMIA 4:14

Yerusalem, rammea'e al᷊al᷊eonu wuassu naungngu tadea'u i'o masal᷊amatta. Ma'oman sara tingngera manga ṛingiranna lal᷊eo udde sahipunanna sulal᷊ummu naungngu?

YEREMIA 2:15

Seenne mammiṛṛonganna ere singa, letangnge niola'a mamara wuṛṛu tawe loṛṛone, manga soane nasue nisoṛṛobbu putungnga, niwala aroddi tawe tumanangnge.

AMSAL 4:13

Paanaungete sidutu al᷊aṛṛa'a apan buatte nisengkammu wuassia'u. Pal᷊u'are udde mapia-pia, ana waugu ringannu al᷊aṛṛa'a udde pabbiaṛṛannu pia hessine.

DARALO 94:12

Lal᷊umanna'a su taumata apan niaṛṛaan-Nu, oh Mawu, taumata apan niaṛṛaannu manga tita-Nu.

DARALO 2:10

Nariaddi panutukke, ei mararatu, paanaungete, ei manga tembonannu runia!

TAHIUL᷊E 32:29

Unnu wisara i mangitou pande, i mangitou sarun maasunna, wuṛṛu maṛṛingiddu panguddusannu allon mangitou.

IMAMATTA 26:34

Sutempo udde tantal᷊anna i yamiu ta'e sulal᷊ummu tampan pamuanganna su wanua manga seennu, letangu apan tawe niapaillol᷊onu sutempo i yamiu uatana'a isude, sarun tawe paddul᷊iananna wuṛṛu maasomba tempone mangillol᷊o.

YEREMIA 7:28

Nariaddi, wal᷊oa'e si mangitou manungku i mangitou uddewe sambau walahanna apan maddiri tumuṛṛutta si Ya'u, Mawu, Ruata mangitou. I mangitou maddiri manutukka wuassu ṛuumanna apan buatte niapendamanne. Tatuṛṛutta si Ya'u nawul᷊ite, ewe'e tate iwatti'a lai.”

AMSAL 19:20

Amungkangngu i'o mappulu mangurumma wuṛṛu maddaringikka tatantiro, sal᷊immurine i'o mabbal᷊i taumata apan pia apande.

HOSEA 2:5

Inangngu sumasandaga apan tawe masili. I tou mabbisara, ‘I Ya'u sarun inai ringannu manga arangnguangku apan mangngonggolla si ya'u anna wuṛṛu ua'e, wol wuṛṛu linen, lanan zaitun wuṛṛu anggore.’