YEREMIA 6:26 - WUKE SUSI WATTI'U AL᷊AL᷊USASSA

²⁶ Mawu nabbisara su uman-Ne, “palluṛṛete laubba karongnga wuṛṛu tattal᷊inggite su awu. Lallal᷊ote wuṛṛu lalluaite ringannu massusa ere taumata apan lulluai niapateannu anangnge man sambau, ana waugu mamamate sarun mamangalo si yamiu ringannu mamaṛṛoro.”

YEREMIA 6:26 Referans Kwoze

ZAKARIA 12:10

Wua'udde papapulunni Daud see tumana'u Yerusalem sarun Ta'u onggol᷊annu naungnga masingkatta umakkanna wuṛṛu mappulu umal᷊iomanna. I mangitou sarun ma'ellega si tou apan buatte niusu'i mangitou wuṛṛu lumallu ere taumata lulluain anangnge man sambau. I mangitou sarun lumallu ringannu sussangitta, naal᷊ihidda ere taumata apan niawul᷊iannu ana'a pahul᷊u.

YEREMIA 4:8

Ana waugu udde, luaite wuṛṛu lallute, palluṛṛeten karongnga tatialan lullal᷊o. Ana waugu asasa'u Mawu apan nangillembo taambe lai nompo'a wuassu Yehuda.

YAKOBUS 5:1

Manga tuṛṛangnga, manga taumata ala! Padaringikka tatantiro'u. Ṛinone i yamiu lumuai wuṛṛu lumallu ana waugu i yamiu sarun matataṛṛanga asasusa!

YAKOBUS 4:9

Ṛinone atonna-tonna i yamiu sumassilla wuṛṛu lumuai lapiddu lumal᷊o; ṛinone lal᷊agenu maola'a lal᷊uai wuṛṛu al᷊al᷊uannu maola'a asasusa!

LUKAS 7:12

Su tempo Mawu Yesus na'omate marani ngara pasallungannu su soa udde, pia taumata manambo uapasanna asuangnga watukku liuddu soa. Taumata nate udde ana'a esakka man sambau wuassu sangkatou wawine wal᷊u. Manambo taumata lal᷊oṛṛon soa uaṛṛundingannu inangnge.

AMOS 8:10

Manga rameanu sarun Ta'u wal᷊uanna mabbal᷊i lullal᷊o, wuṛṛu manga aantarinu mabbal᷊i lal᷊uai. I Ya'u sarun ma'ola'a si yamiu mangiṛṛi utangngu wuṛṛu malluṛṛen laubba karongnga tattialan massusa. I yamiu sarun maola'a ere iamangnga inangnga apan lulluain papaten anangnge tinggassa. Allo udde sarun umuddussa ringannu lembon maasusa.”

LAL᷊ALLU 4:10

Tumaniten bahewalla asasilaka udde apan naṛṛia'a su uma'u na'oman sara manga inangnga apan masaṛṛionto'a nantunnu anangnge su urinna ipalloṛṛo tianna.

LAL᷊ALLU 4:6

Uma'u buatte niṛṛuumanna mabbakkatanna wuassu tumana'u Sodom apan tumba'u sulal᷊ummu sangkaṛṛondapa naṛṛimunsa'u liman Duata ringannu tawe inolaannu taumata.

LAL᷊ALLU 4:3

Sumbal᷊i inangngu serigala mammasusu anangne, arawe umaku tumaniten maṛṛagissa ere manu'a unta su wadda'a.

LAL᷊ALLU 3:48

Allon mata'u mangngelekka ere sal᷊ukka ana waugu walahangku naṛṛimunsa'e.

LAL᷊ALLU 2:11

Mata'u hinumanne ana waugu lulluai tawe illol᷊one, ṛimuu'u massusa tawe sumandingnge. Naungku natuno naasilo ahahohakku walahanna; naasilo al᷊aṛṛana'a see bayi ana'a maradio'a napinsanna su manga lal᷊annu soa.

LAL᷊ALLU 1:16

Ana waugu udde allon mata'u mappinapi, taweddu mangonggollu sasasa ara'e al᷊al᷊uassa. Walahangku niawul᷊ianten al᷊awo'a, ana waugu seetta lembon uataṛṛino.

LAL᷊ALLU 1:2

Su al᷊o'engngu ṛabbi i tou lulluai massusa, allon matane mangngelekka su wambala. Tawe saran sangkatou wuassu arangnguanne apan mappulu maminalatta si tou. I tou nil᷊al᷊eon manga hawene apan nabbal᷊i'e nabbal᷊i ro'appa.

YEREMIA 15:8

Wanuanu sarun mapenen inawal᷊uanna, lumebbe wuassu anne su apanne anambone. Manga taumata sarun Ta'u pateanna sutempo ta'e umbasanna na'oman sara inangngi mangitou massusa. Sutempo allo i Ya'u mandanta sangkatou taṛṛa pate si mangitou ma'oman sara i mangitou maapendamma atata'utta wuṛṛu ussinggawangnga.

YEREMIA 14:17

I ya'u nirolokku Mawu mamasingkattu asasusa'u su uman-Ne. I ya'u ṛinone mabbisara arendi, “Wala'ewe i ya'u lumuai tawe illol᷊one, allo ṛabbi mangngelekka allom mata. Ana waugu walahangku nal᷊essa wahewalla wuṛṛu tumaniten uatataṛṛangnga.

YEREMIA 13:17

Amungkangngu i'o tawe maddaringikka, i ya'u sarun lumuai tawe tingikke. Ringannu apendamma massusa ta'u luaianna awawunganu udde. Allo mata'u mangngelekka ana waugu umattu Mawu niapidda naola'a atawanna.

YEREMIA 12:12

Wuassu samba'an wadda'u anne su panenteanna, manga taumata nirumanta maddea'a mangaṛṛo. I Ya'u nandantan pangalo panggohakku ahewallu wanua ma'oman sara tate sangkatou apan botongnge mabbiakka su paddarame.

YEREMIA 9:10

I ya'u, Yeremia, nabbisara, “I ya'u lumuaite wuṛṛu lumal᷊o ana waugu nannal᷊o su wadda'a wuṛṛu su manga wowone apan naṛṛangute wuṛṛu naṛṛaggassa see lai tate amatannu taumata. Tingikku winatangnga tate aringiṛṛanna lai, manu'u winalanganna wuṛṛu manga winatangnga waine tinumalangke wuṛṛu nawul᷊ite.”

YEREMIA 8:21

Naungku naṛṛimunsa'a ana waugu walahangngu maradda'a mawakkatta; i ya'u lullal᷊o wuṛṛu u'ambul᷊isadda.

YEREMIA 8:19

Paddaringikka! Su ahewallu wanua pia sanseongnga aintul᷊i lal᷊uain balahangku apan ma'iwal᷊o, “Mawu tate lai su Sion? Suapate ratune orassa indi?” Sasimbakku Mawu, ratu mangitou, “Anio i'o massubba manga monganna apan mangke tawe gunane? Anio i'o mannaddu'a naung-Ku? ringannu massubba manga paal᷊uanna?”

YEREMIA 6:14

Manga lessan uma-U antimanni mangitou tumba'u lessa addio'a. ‘Ah, tawe apane,’ unni mangitou, ‘sarangkanambone mapia wuṛṛu mal᷊angnganna.’ Sumbal᷊i tawe aroddi.

YEREMIA 4:20

Asasilaka nirumanta ualal᷊intuṛṛutta nanggohakku ahewallu wanua. Niaṛṛombanganne rasangku nihohakka, manga pampelene ringanna nihesa'a.

YEREMIA 4:11

Tempone sarun dumanta taumatan Yehuda wuṛṛu tumana'u Yerusalem maasomba watti'a manungku anginna mal᷊oso wuassu wadda'u anne sarun tumiuppa watukku ringanni mangitou. Anginna udde wal᷊ine anginna wiasa apan tumba'u ma'atalla'u wal᷊a'a,

YESAYA 32:11

Maddatingngu orassa indi i yamiu mabbiakka matemangnga, nal᷊iudda wuassu asasusa. Arawe orassa indi, mangngiladden atata'utta! Luatte laungngu wuṛṛu reṛṛota'e nasa su lawannu.

YESAYA 30:13

Ana waugu udde i yamiu nassal᷊a. I yamiu naal᷊ihidda tanda'a matanggakka apan nawa'a wua doso naddatingngu wowane; ringannu sangkaṛṛondappa i yamiu sarun maṛṛa'a.

YESAYA 22:12

Sutempo udde Ruata Apan Atanggaṛṛanne wuṛṛu Lembontaṛṛino nandolokki yamiu lumuai wuṛṛu lumallu, mallunggukka pua wuṛṛu malluṛṛe nasa karongnga.

YESAYA 22:4

Imbaṛṛangnga ma'innunu si ya'u; wala'e i ya'u lumuai manga taumata wuassu pabbawala'u apan natete. Arie maannamma maminalatta si ya'u.

PANDARIADDI 21:16

ana see inuma'ianna iraṛṛangngo maṛṛasutta su meteṛṛene wuassu tampa udde. Wisarane sulal᷊ummu naungnga, “I ya'u tawe maataṛṛangnga ma'ellega ana'u mate.” Ana see i tou nilumuaiten.

AYUB 2:8

See i Ayub niuma'ianna maranin undu'u sapadda wuṛṛu nanganu pesangngu saṛṛuminanna ipaaṛṛo wadangnge.

YEREMIA 9:1

Apiawe eteapa amungkangngu pua'u ere paṛṛihi apan napeneng kua'e, wuṛṛu mata'u ere sal᷊ossogga apan sidutu mangngelekka! Ne i ya'u wotongnge lumuai allo wuṛṛu ṛabbi, lullalu manga taumata sambalahangku apan nipaten ro'appa.

YEREMIA 18:22

Doloṛṛa'e manana'o rumanta ringannu tawe bawal᷊one su wal᷊e mangitou, ma'oman sara i mangitou mangintul᷊in atata'utta. I mangitou buatte naal᷊i loṛṛangnga tadea'u i ya'u manawo sulal᷊umme, wuṛṛu i mangitou buatte nantaingngu sedda ipanametta si ya'u.

LAL᷊ALLU 3:16

Hati'u niesoggu Mawu su leta'a, isi'u nitenggokku Mawu su watu sara napaddi.

YUNUS 3:6

Sutempo ratun Niniwe naaringikka watti'a udde, i tou nasasaṛṛawutta sinumossokka wuassu adderan araratuanne. I tou nalluatta juban araratuanne wuṛṛu nalluṛṛe nasa karongnga, see niuma'ianna su wowon awu.

AYUB 15:21

Manga tingikka ma'ikkatta mammengella tal᷊ingane; sutempo apan malangnganna maraṛṛampassa rumanta mamangalo si tou.

YESAYA 3:24

Orassa indi i mangitou mappaatten lana mawangngi, sal᷊immurine hal᷊uru mangitou mawukku'a. Papeṛṛeti mangitou al᷊ussa sarun hantianni mangitou tal᷊i apan masalla. Puan mangitou apan pia utangnge maṛṛamaga sarun lungguṛṛanna. Laubbi mangitou apan maṛṛansangnga sarun hantiannu laubba nahahesa'a. Orassa indi i mangitou maṛṛamaga, tawe mal᷊anna'a addio'a hati mangitou mal᷊al᷊eo ana waugu cappanna.

YEREMIA 30:5

“I Ya'u buatte naaringikka auaren taumata apan sussinggawanga, auaren taumata apan matta'utta apan tawe uatahuanna paddarame.