YEREMIA 6:25 - WUKE SUSI WATTI'U AL᷊AL᷊USASSA

²⁵ I mangitou tawe waṛṛani lumintukka watukku lal᷊anna ara'e inai su wailla, ana waugu suapan tampa seetta apan pia ahidde sidutu mammate.

YEREMIA 6:25 Referans Kwoze

YEREMIA 49:29

Aṛṛote manga domba, unta, see lai manga rasanni mangitou ringannu al᷊awo'u lal᷊oṛṛone, wuṛṛu panginutul᷊ite si mangitou, ‘Pangalo uapal᷊iwutte si yamiu!’

YEREMIA 20:10

Niaringiṛṛanna taumata sussal᷊imburunga suapan tampa, “Atata'utta suapan tampa! Wette alaea'e udde siapa pia taṛṛinone!” Ewe'e lai anambon hawe'u ate uaṛṛaddo ananawo'u. Unni mangitou, “Asinungka ringannu sasal᷊o'a, i tou wotongnge iawaddo, tadea'u wotongngete i ite mabbal᷊issa atataddu'u naungnga si tou.”

YEREMIA 14:18

Napawe i ya'u inai watukku wadda'a, i ya'u naasilo manga winal᷊unanna sol᷊on pangalo. Sulal᷊ummu soa i ya'u naasilo asasusa, taumata mateten al᷊al᷊unussa. Nabi wuṛṛu imam mappaamattu manarane ringannu tawe apa apan a'olaanni mangitou.”

DARALO 31:13

I ya'u tinimbul᷊iananna naal᷊ihidda taumata nate, wuṛṛu nabbal᷊i ere saranapa nirammete.

AYUB 18:11

Taumata lal᷊eo niṛṛumoron atata'utta wuassu al᷊awo'u pappi'uanne; atata'utta uatantalongnga su manga lempangnga.

LUKAS 19:43

I'o sarun maapendamma su sambau tempo, suapan manga seennu ma'ola'a anambon asasusa su pabbiaṛṛannu miallo-miallo; i mangitou sarun mamangalo malliwunna si'o wuṛṛu manessengngu wuassu al᷊awo'u pabbuuanne.

YEREMIA 8:14

“Anio i ite mangke mal᷊anna-l᷊annabba?” unnu umattu Ruata. “Wette i ite suaddio'a inaite massal᷊iu watukku manga soa apan pia tanda batune wala'e i ite mate poiaroddi. Mawu Ruatang kite buatte nanantunna manungku i ite ṛinone mate. I tou buatte nangonggolla si ite racunna iapa'inumma ana waugu i ite marosa si Tou.

YEREMIA 4:10

Wua'udde i ya'u nabbisara, “Mawu Apan Atanggaṛṛanne, I'o buatte namahia taumatan Yehuda wuṛṛu tumana'u Yerusalem! I'o nabbisara manungku sarun pia paddarame, wutte'e orassa indi niawan kami su pentakku hal᷊ele.”

YEREMIA 4:5

Paniuppe trompetta su ahewallu wanua! Pangikkuitte ringannu ma'ikkatta wuṛṛu matelengnga. Doloṛṛa'e tumana'u Yehuda wuṛṛu Yerusalem tumal᷊angnga watukku manga soa pia tanda batune.

YESAYA 1:20

Arawe amungkangngu i yamiu lullawangnga si Ya'u, i yamiu sarun mate sulal᷊ummu pangalo. I Ya'u, Mawu, buatte nabbisara.”

2 TAWARIKH 15:5

Sutempo udde taumata tawe maamatta ringannu matammudda, ana waugu su al᷊awo'u wanua pia pangalo apan wahewalla.

YEREMIA 30:5

“I Ya'u buatte naaringikka auaren taumata apan sussinggawanga, auaren taumata apan matta'utta apan tawe uatahuanna paddarame.

YEREMIA 46:5

Arawe i Ya'u, Mawu, ma'asilo si mangitou sinumoṛṛotta matta'utta. Manga tantara mangitou niwaddo, wuṛṛu tinumal᷊angngu atata'utta ringannu tawe nanaille liudde.

LAL᷊ALLU 2:22

I'o namaggo manga seetta apan iaata'utti yami niapaola'a andeangngu araṛṛagissa su tampan kami. I mangitou namate sarangkanambone apan papadul᷊iananna wuṛṛu arangnguanni yami. Su allo asasa'u-Nu, tawe saran sangkatou apan wotongne tumal᷊angngu watanganne.

YEREMIA 8:15

Tawe gunane i ite mangngantimma paddarame wuṛṛu tempon pangangapia, ana waugu pia tumba'u araṛṛagissa.

YEREMIA 49:5

I yamiu sarun aṛṛiaannu araṛṛagissa apan Ta'u iaparanta wuassu anambon tampa. I yamiu sarun tumal᷊angnga, sambau-sambau maddea'a manal᷊amatta watanganne sassane, wuṛṛu tateddu lai manggemonna yamiu apia.

YEHEZKIEL 7:18

I mangitou sarun malluṛṛen nasa karongnga wuṛṛu ahewallu wadangnge sarun mangiladda. Pua mangitou sarun lungguṛṛanna wuṛṛu i mangitou sarun pansilianna.

YEHEZKIEL 21:17

I Ya'u sarun mattal᷊o'appa lai, ana see asasa'u-U sarun umompo'a. I Ya'u, Mawu buatte nabbisara.”