YEREMIA 6:24 - WUKE SUSI WATTI'U AL᷊AL᷊USASSA

²⁴ Naaringikka watti'a udde, tumana'u Yerusalem nabbal᷊i nallome. I mangitou naapendamma atata'utta, wuṛṛu uatataṛṛangnga ere wawine apan mangunsiwete.

YEREMIA 6:24 Referans Kwoze

YEREMIA 50:43

Naaringikka watti'a udde, ratun Babel nabbal᷊i nallome. I tou papal᷊iwutannu atata'utta, wuṛṛu uatataṛṛangnga ere wawine apan mangunsiwete.

YEREMIA 49:24

Tumana'u Damsyik nallome, wuṛṛu tuttal᷊angngu atata'utta. I mangitou sussal᷊iomanna wuṛṛu uatataṛṛangnga ere wawine apan mangunsiwete.

YEREMIA 4:31

I ya'u naaringikka tingikku sasal᷊iomanna ere wawine apan mangunsiwete; ere wawine wakku mangunsiwen anangnge apan paarorone, etearoddi lal᷊uain Yerusalem apan maappu sasangngone. Limane ia'uawa wuṛṛu i tou sussal᷊ande, “Nasilakate i ya'u – i ya'u pateanten seetta!”

YEREMIA 30:6

Ṛingira'o wuṛṛu tutuṛṛe'o! Wotongngewe esakka mangunsiwen ana'a? Amungkangngu aroddi, anio i Ya'u naasilo suapan esakka hatine namillossa wuṛṛu maṛṛaddannu tianne ringannu lima ere wawine apan mangunsiwete?

YEREMIA 13:21

Apa apan sarun iwisarang kamiu amungkangngu manga taumata apan haggaweanni yamiu namaddo wuṛṛu uataṛṛino si yamiu? I yamiu sarun maapendamma hiadda ere wawine apan tantal᷊anna mangngunsiwe.

YESAYA 28:19

I yamiu sarun aṛṛiaannu asasusa mal᷊annu-l᷊annu wuṛṛu ṛinone maola'a bawawanna mamiallo, maruallo, allattune wuṛṛu ṛabbi. I yamiu sarun mangindon atata'utta napawe i yamiu maasunna tanatan Duata.

YESAYA 21:3

Sondappa udde nangal᷊iwu'u na'oman sara tate maasilo wuṛṛu maaringikka lai. I ya'u matta'utta wuṛṛu nataddu'a, naal᷊ihidda sangkatou wawine apan tantal᷊anna mangngunsiwe.

1 TESALONIKA 5:3

Amungkangu taumata mabbisara, “Sarangkanambone mal᷊annabba wuṛṛu matammudda,” ne ete su tempo udde inaṛṛombanganne i mangitou sarun aṛṛiaannu papate wuṛṛu tawe saran sangkatou apan wotongnge maatal᷊angnga. Olangnge udde sarun mariaddi sangkaṛṛondapa, ere taddu'u sangkatou wawine apan sarun mangunsiwe.

HABAKUK 3:16

Naaringikka udde, naungku mangngiladda wuṛṛu wiwi'u mangngindo. I ya'u nabbal᷊i lome tate ikkata, ledda'u mattara, suapa i ya'u umamatta. I ya'u sarun maṛṛaddo ringannu matammudda ṛuumannu Ruata su taumata mammangalo.

YEREMIA 22:23

I yamiu matana'a ringannu mal᷊angnganna papal᷊iwutannu manga diṛṛi cemaran Libanon, arawe sal᷊immurine napawe i yamiu aṛṛiaannu atataddu'a, i yamiu sarun matataṛṛangnga ere wawine apan tantal᷊anna mangngunsiwe.”

DARALO 48:6

Arawe naasilo wuidda udde, i mangitou niagukke; i mangitou nata'utta wuṛṛu tinumal᷊angnga nial᷊iwune.

DANIEL 5:9

Ratu Belsyazar lembon sussinggawangnga wuṛṛu namillossa lai; see lai manga tembonanne lembon nabbingote.

YEREMIA 48:41

Manga soa wuṛṛu manga tanda batune sarun aṛṛoanna wuṛṛu tantarane sarun mata'utta ere wawine apan mangunsiwete.

YEHEZKIEL 7:17

Suapan taumata sarun mallome limane wuṛṛu lumongkokka wuune.