YEREMIA 6:23 - WUKE SUSI WATTI'U AL᷊AL᷊USASSA

²³ Ahiddi mangitou ana'anna wuṛṛu sambeangnga; i mangitou maṛṛagissa wuṛṛu wagga mangonggollu ampungnga. Ere tingikku tahal᷊oangnga apan mattandi'a etearoddi tingikku lal᷊empangngu awal᷊o mangitou apan tantal᷊anna iappatal᷊angnga inai mamangalo Yerusalem.”

YEREMIA 6:23 Referans Kwoze

YESAYA 13:18

Ringannu al᷊ati'anna wuṛṛu anaanne i mangitou sarun mamate manga taumata saṛṛen tumuwo. I mangitou tawe umakkannu ana'a maṛṛamutta wuṛṛu tawe tumal᷊antuppu dario'a.

YEREMIA 50:42

Ahiddi mangitou anaanna wuṛṛu tambakka; i mangitou maṛṛagissa wuṛṛu wagga mangampungnga. Ere tingikku tahal᷊oangnga mattandi'a aroddi lai tingikku lempangngu awal᷊o i mangitou apan tantal᷊anna sassasanna inai mamangalo Babel.

YEREMIA 30:14

Anambon hawenu arangnguannu naabul᷊inute; i mangitou maddirite maṛṛingiddu watangannu. Naal᷊ihidda seetta i Ya'u buatte namangalo wuṛṛu nakkuumanni yamiu ringannu maṛṛagissa, ana waugu tumanite manambo rosanu wuṛṛu wahewalla pasasal᷊anu.

YEREMIA 5:16

wuṛṛu manga taṛṛa piti'i mangitou waṛṛani wuṛṛu matohassa; i mangitou mammate tawe aakkanne.

YEREMIA 4:29

Niaringikka hion tantara uasa'e awal᷊o wuṛṛu mamamiti'a, naaola'a suapan taumata tuttal᷊angnga ussal᷊arenga. Manga mahurangnge nisuttanni mangitou, wuidda watu ni'awitanni mangitou. Anambon soa nabbal᷊i mal᷊annabba, tateddu mappulu lai matana'a isudde.

YEREMIA 4:13

Pa'ellege, seetta sinumabbangnga ere winabbawa. Manga keretan pangalone ere anginna al᷊isusu, manga awal᷊one mallihaṛṛanna wuassu manu'a rajawali. Uare, i ite nasilakate! I ite matete!

YESAYA 19:4

Mesir sarun Ta'u itantilla su liman sangkatou ratu apan maṛṛaggissa apan mamarenta si mangitou ringannu mal᷊aṛṛaga. I Ya'u, Mawu Apan Lembontaṛṛino, buatte nabbisara.”

TAHIUL᷊E 28:49

Sambau walahanna apan tawe asunnanni yamiu wisarane sarun iaparantan Mawu wuassu pentakku runia iaparoappa si yamiu. Naal᷊ihidda manu'a iamba i mangitou mangametta si yamiu.

YESAYA 10:32

Allo indi seetta poite su soa Nob, wuṛṛu isudde i mangitou mammansagu angkumma watukku Wuiddu Sion, su soa Yerusalem.

YESAYA 17:12

Manga walahanna apan matohassa tantal᷊anna maggio; tingikke maddallu'a naal᷊ihidda tingikku lua'a mabbasse.

YEREMIA 6:4

I mangitou sarun mabbisara, “Wette, pandiahite inai mamangalo Yerusalem! Wette i ite mamangalote allo indi!” Arawe wua'udde i mangitou nabbisara apia, “Uare, nal᷊iwuete! Allo maranite marandumma, manga lintau mannattakke mallo'engnga.

YEREMIA 25:9

‘I Ya'u sarun mamaggo anambon balahanna wuassu sawannakka, wuṛṛu lai allang-Ku, i Nebukadnezar ratun Babel. I mangitou sarun Ta'u parentanna iapapangalo mando'appa Yehuda wuṛṛu tumanangnge see lai al᷊awo'u walahanna maranine. Walahannu Yehuda suadio'a ringannu manga walahanna al᷊indonganne sarun Ta'u pateanna wuṛṛu Ta'u iwala maṛṛimunsa'a saran mal᷊annu-l᷊annu. Manga taumata apan naasilo udde sarun ṛumindu'a wuṛṛu maapendamma atata'utta. I Ya'u, Mawu, buatte nabbisara.

YEHEZKIEL 21:31

I Ya'u sarun mapassabbangu asasa'u-U apan lukkenggamma si yamiu. Wuṛṛu i yamiu sarun Ta'u itantilla su manga taumata apan maṛṛagissa wuṛṛu nal᷊atite mammate.

YEREMIA 4:16

I mangitou mapaanaungngu manga araratuanna wuṛṛu namasingkatta tumana'u Yerusalem manungku seetta inawarendite nirumanta wuassu wanua apan marau. I mangitou mangikkuittu gahoressan pangalo su manga soan Yehuda

YEREMIA 8:16

Seetta poite su soan Dan; tingikku awal᷊o mangitou niaringiṛṛante wuṛṛu ahewallu wanua nabbal᷊i matta'utta. Seetta nirumanta tadea'u makkimunsa'a ahewallu wanuang kite, see lai manga soang kite wuṛṛu anambon tumanangne.”

YEREMIA 25:32

Mawu Apan Lembontaṛṛino nabbisara, “Wuassu manga pentakku runia anginna ma'ikkatta sussal᷊induṛṛunga; asasilaka naṛṛia'a su manga araratuannu sambau-sambau.”

YEREMIA 50:41

Sambau walahanna apan matohassa tantal᷊anna u'amatta wuassu wanua apan marau su sawannakka. I mangitou nirumanta suadio'a ringannu mararatu inai mapapangalo.