YEREMIA 6:19 - WUKE SUSI WATTI'U AL᷊AL᷊USASSA

¹⁹ Panutukke, ei runia! Uma-U maddiri manengkamma al᷊aṛṛa-U wuṛṛu maddiri tumuṛṛutta si Ya'u. Maola'a pangillul᷊eannu hol᷊agi mangitou i Ya'u nandantan asasilaka si mangitou.

YEREMIA 6:19 Referans Kwoze

YESAYA 1:2

Paddaringikka ei langitta, panutukke ei runia! Mawu nabbisara, “Manga al᷊aṛṛana'a apan buatte nipaddul᷊ianang-Ku namangalo si Ya'u.

WATTI'U MANGA RASUL 8:22

Ana waugu udde tantanga'e pandumannu apan lal᷊eo udde, wuṛṛu padorongke su Mawu tadea'u i Tou mangampungnga ṛingiṛṛannu apan lal᷊eo udde!

YEREMIA 17:10

I Ya'u, Mawu, mannaṛṛassidda naungnga, naungngu taumata Ta'u i uji. Suapan taumata sarun Ta'u wal᷊isanna tumuṛṛuttu pallal᷊agune, wuṛṛu Ta'u olaanna uasul᷊ungngu inolaanne.”

YEREMIA 8:9

Manga mapapande suwallatti yamiu sarun pansilianna. I mangitou sarun awul᷊iannu ṛingidda wuṛṛu asametanna. I mangitou maddiri manengkamma tatantiro-U; orassa indi, asingkatta apa apan ta'e pia si mangitou?

YOHANES 12:48

Taumata apan mannol᷊a-U wuṛṛu maddiri maddaringikka wisara-U, piate mallaṛṛuungnge. Wisara apan Ta'u iapaasingkatta, eteudde sarun ipamarikissa si tou su Allong Kiamatta.

MIKHA 6:2

Ei manga wowone, ei manga wantan dunia, paddaringikke aansillu Mawu! I Tou pia gatto ringannu Israel uman-Ne wuṛṛu manassu si mangitou.

HOSEA 10:13

Arawe i'o na'ola'a al᷊aṛṛaene; i'o maddea'a ma'ola'a al᷊al᷊eo, wuṛṛu maddea'a pallal᷊inga. I'o buatte niumanna manga pabbawuan awusunu.” Mawu nabbisara apia, “Ei walahannu Israel, ana waugu i yamiu mangngasakku manga keretan pangalonu wuṛṛu anambon manga tantaranu,

HOSEA 4:6

I yamiu, manga imam, tate maddaringikka si Ya'u, ne uma-U lai tate maddaringikka si Ya'u na'oman sara i mangitou nasilaka. I yamiu mannola'u manga al᷊aṛṛa-U. Nariaddi, i Ya'u sarunmanol᷊a'i yamiu, wuṛṛu manga anangu tawe Ta'u a'uanna maola'a manga imammu Mawu.

YEREMIA 22:29

Ore wanua'u, paddaringikka wisara Mawu,

YEREMIA 6:10

I ya'u sinumimbakka, “Mawu, ete sisai i ya'u ṛinone maggahatto, wuṛṛu isai apan ṛinone ta'u iapanaungnga? I mangitou puane maattikka wuṛṛu maddiri maddaringikka. I mangitou mallage'u wuṛṛu maddantinnu tanata-Nu apan ta'u niwal᷊o si mangitou.

YEREMIA 19:15

manungku Mawu Apan Lembontaṛṛino, Ruatan Israel, nabbisara arendi, “Ana waugu mal᷊awangnga wuṛṛu maddiri maddaringikka, ne i Ya'u sarun mandantan su soa indi wuṛṛu su anambon ampungnga maranine al᷊awo'u asasilaka apan buatte Ta'u nihol᷊aga.”

YESAYA 66:18

I Ya'u masingkattu ṛingiranna wuṛṛu inolaanni mangitou. I Ya'u nirumanta tadea'u mangammullu manga taumata wuassu al᷊awo'u walahanna. Sutempo i mangitou uaammulle, i mangitou sarun maasilo taṛṛino-U.

YESAYA 59:7

I ya'u tawe illol᷊one makkiinnu al᷊al᷊eo, wuṛṛu mangke mappulute mal᷊ihakka olaanna. Ringannu tawe go'ane i yamiu mammate taumata apan tawe sal᷊ane; suapan tampa i yamiu inai, i yamiu mannantangngu ahaho akka wuṛṛu awawinasa.

AMSAL 28:9

Amungkangngu i'o tawe tumuṛṛutta titan Duata, Ruata lai sarun masamballu aal᷊iomannu.

AMSAL 15:26

Mawu maddantinnu hol᷊aga apan dal᷊eo; arawe manga wisara apan mapia maal᷊uassa naung-Nge.

1 SAMUEL 15:26

Arawe i Samuel sinumimbakka, “I ya'u maddiri mabbelengnga suadio'a ringanni Tuangnga. I Tuangnga buatte nilumawangnga parentan Mawu, ne orassa indi i Tou tate manga'u si Tuangnga maola'a ratun Israel.”

1 SAMUEL 15:23

Ana waugu lullawangnga Mawu al᷊al᷊eone nassul᷊ungngu ere taṛṛa wal᷊i'immata, wuṛṛu naungnga mawunga al᷊al᷊eone ere massubba monganna. Ana waugu i Tuangnga buatte nilumawangnga parentan Mawu, ne Mawu lai tate manga'u si Tuangnga sangkatou ratu.”

TAHIUL᷊E 32:1

“Padaringikke, ore langitta, i ya'u ma'apulu mabbisara; ei runia, pantaingken tal᷊inga!

TAHIUL᷊E 30:19

Orassa indi yamiu wotongnge mamile suwallatu wiakka wuṛṛu mate, suwallatu al᷊amattu Mawu wuṛṛu wontoga. Langitta wuṛṛu runia ta'u wagoanna maola'a tatialane su ipaapuluna Pamilete i yamiu wiakka.

TAHIUL᷊E 4:26

Antimanna langitta wuṛṛu runia allo indi maola'a matatialane manungku amungkangngu i yamiu tawe matuṛṛutta si ya'u, i yamiu sarun mal᷊ihakka mawul᷊i wuassu leta'a apan wawanuanni yamiu su samba'an Sal᷊ukku Yordan udde. Yamu tawe mal᷊annu uatana'a isudde; i yamiu sarun insueanna pateanna.

YEREMIA 4:4

Agasse pa'airenu si Ya'u, Mawunu, wuṛṛu ṛaea'e watangannu tumba'u huna-U, ei tumana'u Yehuda wuṛṛu Yerusalem. Amungkangngu tawe, ne asasa'u-U sarun ṛumopa wuṛṛu manoṛṛobba ere putungnga apan tawe iapaddummu isai-sai. Sarangkanambone udde sarun maṛṛia'a su watangannu ana waugu manga inolaannu apan dal᷊eo.”

YEREMIA 4:14

Yerusalem, rammea'e al᷊al᷊eonu wuassu naungngu tadea'u i'o masal᷊amatta. Ma'oman sara tingngera manga ṛingiranna lal᷊eo udde sahipunanna sulal᷊ummu naungngu?

YEREMIA 6:18

Ana waugu Mawu nabbisara, “Paddaringikka, ei manga walahanna! I yamiu ṛinone masingkattu apa apan sarun mariaddi su uma-U.

YEREMIA 11:11

Ana waugu udde, i Ya'u, Mawu, mapanaungnga manungku i Ya'u sarun mandantan asasilaka si mangitou wuṛṛu i mangitou tawe maal᷊inda'a. Amungkangngu i mangitou mailal᷊are maiontolla si Ya'u, i Ya'u maddiri maddaringikka.

YEREMIA 15:6

I yamiu buatte nanol᷊a'a wuṛṛu nanantang-Ku, ana waugu udde i Ya'u namatten lima-U ipakkimunsa'a si yamiu, ana waugu i Ya'u nawusate maṛṛaddannu asasa'u-U.

YEREMIA 19:3

I Ya'u ṛinone mabbisara arendi, “Ei manga ratun Yehuda wuṛṛu tumana'u Yerusalem! Paddaringikka si Ya'u, Mawu Apan Lembontaṛṛino, Ruatan Israel, apan mabbisara si yamiu. I Ya'u sarun mandantan asasilaka apan bahewalla su tampa indi ma'oman sara taumata apan maaringikka ṛumindu'a.

YEREMIA 29:19

Sarangkanambone udde sarun mariaddi si mangitou, ana waugu i mangitou tawe tumuṛṛutta tanata-U apan sidutu Ta'u iapappasingkatta si mangitou wuassu manga nabi manga allang-Ku. I mangitou maddiri manutukka tanata-U udde.

YEREMIA 49:37

i ya'u sarun ma'ola'a taumatan Elam matta'uttu seetta apan mamate si mangitou. I Ya'u tumaniten nasa'u si mangitou wuṛṛu sarun makkimunsa'a si mangitou. Sarun Ta'u irolokka tantara iapapangalo si mangitou ma'oman sara i mangitou maṛṛadda'a abbi.

AMOS 2:4

Mawu nabbisara, “Taumatan Yehuda masokkate ma'ola rosa, ana waugu udde i Ya'u sarun makkuumanni mangitou. I mangitou nilumawangnga manga parenta-U wuṛṛu tawe maddaringika manga al᷊aṛṛa-U. I mangitou nilamamiṛṛannu manga mawu waine apan sassubbannu al᷊amonan mangitou.

MIKHA 1:2

Paddaringikke, ei manga walahanna! Panutukke, ei tumanangnge su ahewallu runia! Mawu Apan Atanggaṛṛanne rumanta maola'a tialane lumawangnga si yamiu sarangkanambone! Paddaringikke i Tou mabbisara Wuassu Wal᷊en-Ne apan susi su surga.

YESAYA 5:24

I yamiu buatte nanol᷊a'u al᷊aṛṛa'u Mawu Apan Lembontaṛṛino, wuṛṛu mallobbossa parentan Duata susin Israel. Ana waugu udde, naal᷊ihidda laṛṛami wuṛṛu nannal᷊o mamara nasue natutungnga sulal᷊ummu putungnga, aroddi lai manga ṛamunnu sarun mabbal᷊i mawukku'a, manga wunganu maṛṛagassa wuṛṛu masue italla'u anginna.

YEREMIA 4:16

I mangitou mapaanaungngu manga araratuanna wuṛṛu namasingkatta tumana'u Yerusalem manungku seetta inawarendite nirumanta wuassu wanua apan marau. I mangitou mangikkuittu gahoressan pangalo su manga soan Yehuda

YEREMIA 8:5

Arawe anio i yamiu, uma-U, sidutu sussempalla wuṛṛu mannantang-Ku? I yamiu uaagassa matohassa su manga paal᷊uannu, wuṛṛu maddiri mabbelengnga ringang-Ku!

YEREMIA 21:14

arawe i Ya'u sarun makkuumannu ana waugu inolaannu. Wal᷊en araratuannu sarun Ta'u soṛṛowanna, wuṛṛu al᷊awo'a maranine sarun masoṛṛobba lai. I Ya'u, Mawu, buatte nabbisara.”

DANIEL 9:11

Ahewallu Israel buatte nilumawangnga manga tita-Nu wuṛṛu maddiri maddaringikka tingik-Ku. I yami narosate su saruan-Nu, wuṛṛu ana waugu udde I'o nandantan wawotoga si yami apan uawoṛṛetta sulal᷊ummu Buken Musa, allang-Ngu.