YEREMIA 6:16 - WUKE SUSI WATTI'U AL᷊AL᷊USASSA

¹⁶ Mawu nabbisara uman-Ne, “Darisikke su pappengannu lal᷊anna, wuṛṛu panutudde paapia-pia! Pa'iwal᷊ote manga lal᷊annu al᷊amona, wuṛṛu suapa apan apianne suwallanne. Amatte su lal᷊anna udde, tadea'u i yamiu mabbiakka matammudda.” Arawe i mangitou nabbisara, “Tawe, i yami maddiri umamatta su lal᷊anna udde!”

YEREMIA 6:16 Referans Kwoze

YESAYA 30:21

Amungkangngu i yamiu sumewadda wuassu lal᷊anna, su liuddu sarun aringiṛṛanna tingik-Ke apan mabbisara, “Eteindi lal᷊anne; amatte su lal᷊anna indi.”

YEREMIA 18:15

Arawe uma-U buatte naabul᷊i-U, wuṛṛu mannambunnu amania su paal᷊uanna. I mangitou nitara su lal᷊anna paarorone apan ṛinone amatanni mangitou, wua'udde sinumewadda su lal᷊anna apan taambe nilaukka.

TAHIUL᷊E 32:7

Paanaungete tempo dorone panutukke tempon manga taumata apan nangkal᷊iu. Iwal᷊oite su hagurangngu, tadea'u i mangitou mamasingkatta si yamiu.

YEREMIA 7:23

I Ya'u tumba'u namarenta si mangitou tadea'u tuttuṛṛutta si Ya'u tadea'u i Ya'u maola'a Ruata mangitou, wuṛṛu i mangitou maola'a uma-U. I Ya'u nandolokki mangitou mabbisakka tumuṛṛuttu manga parenta-U tadea'u i mangitou su lal᷊ummanna'a.

KOLOSE 2:6

Manga tuṛṛangnga suete nanengkamma si Kristus Yesus maola'a Mawu. Ana waugu udde ṛinone i yamiu mabbiakka su sambau ringanni Tou,

YESAYA 2:5

Ei, papapulunni Yakub, wette i ite umamatte sulal᷊ummu asasemakku Mawu!

YOHANES 12:35

Mawu Yesus sinumimbakka, “Tumba'u tantal᷊anna adio'a semakka udde su wallatti yamiu. Nariaddi amatte tantal᷊anna semakka udde ta'e pia, tadea'u i yamiu tawe aratingannu randumma. Taumata apan u'amatta su ararandumma wagga suapa pattudanne.

YEREMIA 18:12

Arawe i mangitou sarun sumimbakka, ‘Apa hunane? I yami sidutu mannan tuṛṛutta apulung kami sassane! I yami sambau-sambau sarun ma'ola'a apulun naungngi yami apan dal᷊eo!’ ”

YEREMIA 22:21

I Ya'u buatte nabbisara si'o sutempo olangngu mapia, arawe i yami maddiri maddaringikka. Atonna etearoddi pallal᷊agunu ro'en dorone naddatingngu orassa indi; taambe saran paassa iemiu tumuṛṛutta si Ya'u.

YEREMIA 44:16

“I yami maddiri maddaringikka apa apan iwabbisaranu si yami ringannu arannu Mawu.

IBRANI 11:2

Ana waugu pangangimanna, ne manga taumata su tempo nal᷊iu iaal᷊uassu Ruata.

YOHANES 13:17

Amungkangngu i yamiu maasingkatten sarangkanambone indi, al᷊al᷊uassa si yamiu apan suete na'ola'a manara udde.

MALEAKHI 4:4

Naungete manga al᷊aṛṛa'u allang-Ku Musa, naungete manga tita wuṛṛu manga parenta apan Ta'u nionggolla si tou su Wowon Sinai tadea'u tattuṛṛutannu anambon umattu Israel.

IBRANI 6:12

I yami maddiri yamiu mabbal᷊i wolo'a. Arawe i yami maapulu tadea'u i yamiu mabbiakka ere manga taumata apan mannengkama apa apan suete pina'iren Ruata, ana waugu mangngimanna si Tou wuṛṛu ana waugu uaraṛṛaddo ringannu asasabare.

YESAYA 8:20

Simbakke arendi, “Paddaringikke al᷊aṛṛa'u Mawu! Taumata apan tawe mabbisara uasul᷊ungngu al᷊aṛṛa'a udde, tawe antimma.”

LUKAS 16:29

I Abraham sinumimbakka, ‘I mangitou lai piate manga wuke Musa wuṛṛu wuke manga nabi! Wala'e i mangitou tumuṛṛutta apa apan uawoṛṛetta sulal᷊ummu manga wuke udde!’

YESAYA 28:12

Mawu nangonggollu tampa pangillol᷊oanna si yamiu sarangkanambone, arawe i yamiu maddiri maddaringikka si Tou.

YOHANES 5:39

I yamiu mangngurumma Wuke Susi ana waugu mangngantimma manungku ringannu olangnge udde i yamiu maatahuanna wiakka tutune wuṛṛu saran mal᷊annu-l᷊annu. Wuṛṛu Wuke Susi udde sassane mattiala su ola'u riri-U.

WATTI'U MANGA RASUL 17:11

Manga taumata su Berea masaṛṛionto'a naungnge wuassu manga taumata su Tesalonika. Ringannu naungnga mal᷊uassa i mangitou madaringikka watti'u Mawu Yesus, wuṛṛu miallo-miallo i mangitou mannaṛṛassida lal᷊oṛṛon Wuke Susi tadea'u maasingkatta tanne al᷊aṛṛa'i Paulus udde atonna.

ROMA 4:12

Abraham lai iamangngu manga taumata mangngimanna apan tuttuṛṛutta atorannu sunatta. I tou lai iamangngu manga taumata mangngimanna wal᷊ine tumba'u ana waugu i mangitou tuttuṛṛutta atorannu sunatta, arawe i mangitou lai apan mabbiakka ringannu mangngimanna Ruata, ere lai Abraham su tempo i tou taambe tinumuṛṛutta atorannu sunatta.

YEREMIA 2:25

Israel, imbaṛṛangnga i'o tumal᷊angnga mangenggenna manga monganna, wuṛṛu imbaṛṛangnga mangintul᷊i mamaggo si mangitou, sal᷊immurine leddanu mal᷊essa wuṛṛu tonggol᷊annu mamara ana waugu marou. ‘Tawe, i ya'u tawe suṛṛinone maawelengnga,’ i'o mabbisara, ‘ana waugu i ya'u marangngu manga monganna, wuṛṛu mappulu tumantalongnga si mangitou.’ ”

1 MARARATU 8:36

antimanna wuassu surga I'o maddaringikka si mangitou. Wuṛṛu ampungewe rosan uman-Nu Israel wuṛṛu ratun mangitou. Aṛṛa'ete i mangitou ma'ola'a apa apan mapia. Wua'udde, oh Mawu, panossokken uranna su wanua-Nu indi, wanua apan buatte nionggollu Mawu su uman-Nu maola'a pussaane saran mal᷊annu-l᷊annu.

DARALO 116:7

I'o napatammudu naungku, ana waugu Mawu mapia si ya'u.

YEREMIA 12:16

Amungkangngu i mangitou ringannu ahewallu naungnga mappulu manengkamma agaman uma-U wuṛṛu mappulu massalu ringannu mabbisara, ‘Riangannu arannu Mawu apan biakka,’ – ere lai dorone i mangitou mangngaṛṛa'a uma-U massalu ringannu aranni Baal – ne i mangitou lai sarun mareengnga uma-Ku wuṛṛu maola'a ala.

YEREMIA 31:21

Tialaite manga lal᷊anna, pasia'e manga tatialane paddea'e lal᷊anna apan amatannu paarorone. Ei, Israel, apul᷊ete! Apul᷊ete su manga soanu apan dorone.

YEREMIA 42:3

tadea'u Mawu Ruata mapal᷊iatta'a si yami watukku apa ṛinone i yami inai wuṛṛu apa apan ṛinone manaranni yami.”

YEREMIA 50:5

I mangitou sarun maiwal᷊on lal᷊anna watukku Sion, ana see niumamatte su lal᷊anna udde. I mangitou sarun ma'ola'a pa'aire sarangkal᷊o'enge si Ya'u, wuṛṛu sidutu uaagassa pa'aire udde.

MAL᷊AṚṚUUNGNGA 2:17

Arawe i mangitou tawe maddaringikka manga piaṛangnge udde. I mangitou massubbate manga monganna waine, wuṛṛu maddirite tumuṛutta Mawu. I mangitou tawe mattanno tul᷊addan iupungnga al᷊amonan mangitou apan sidutu tuttuṛutta parentan Mawu.

2 TAWARIKH 19:11

Imam Wahewalla i Amarya ta'u nionggol᷊annu taṛṛino apan atanggaṛṛanne su ola'u hatto apan pia sasampangnge su manga titan agama. Zebaya ana'i Ismael, eteudde gubernuren Yehuda, ta'u nionggol᷊annu taṛṛino apan atanggaṛṛanne su ola'u manga hatto waine. Manga taumatan Lewi manarane mallu'adda tadea'u laṛṛawessu mallaṛuungnga udde iapaamatta. Daringiṛṛete manga tatantiro indi wuṛṛu pammamarate ringannu mapia. Antimanna Mawu uatantalongnga taumata apan mammanara ringannu matul᷊idda!”

YESAYA 46:9

Naungete manga apan nariaddi sutempon dorone; panga'ute manungku i Ya'u Ruata, wuṛṛu tawe baine, i Ya'u Ruata, wuṛṛu taweddu ere i Ya'u.

YEREMIA 7:24

Arawe i mangitou maddiri maddaringikka wuṛṛu maddiri massunna. Ewe'e lai i mangitou tuttuṛṛutta apulu naungngi mangitou sassane apan maattikka wuṛṛu lal᷊eo udde. I mangitou wal᷊inewe nabbal᷊i mapia ewe'e nabbal᷊i lembon maddal᷊eoanna.