YEREMIA 6:11 - WUKE SUSI WATTI'U AL᷊AL᷊USASSA

¹¹ Asasa'u-Nu si mangitou lai lukkenggamma sulal᷊ummu waddangku, Mawu! Tawe iaṛṛaddanna.” Wua'udde Mawu nabbisara, “Sopa'e asasa'unu udde su al᷊aṛṛana'a su manga lal᷊anna wahewalla wuṛṛu su manga taumata umbasanna maṛṛuala apan tantal᷊anna uaammulla. Esakka wuṛṛu wawine sarun sametanna, wuṛṛu ingana'a timmadde lai tawe mal᷊iudda.

YEREMIA 6:11 Referans Kwoze

YEREMIA 20:9

Arawe napawe sulal᷊ummu naungku i ya'u mabbisara, “Wala'e Mawu timbul᷊ianangkute, i ya'u maddirite lai maggahatto ringannu aran-Ne,” ne tanata-Nu naal᷊ihidda putungnga apan lukkenggamma sulal᷊ummu naungnga. I ya'u buatte naannamma manaṛṛangnga, arawe inauranna i ya'u tawe auatanna.

YEREMIA 9:21

Papate sinumuttate wuassu jandela, nasal᷊ate sulal᷊ummu wal᷊en araratuanna; i tou mannametta al᷊aṛṛana'a su lal᷊anna see ana'a umbasanna maṛṛuala su lapanganna.

MIKHA 3:8

Arawe su ola'u watangangku indi, Mawu buatte nalloṛṛo ringannu ghaṛṛaho-Ne wuṛṛu taṛṛino-Ne. I ya'u nionggol᷊an-Ne pasasunna su ola'u atatul᷊idda, wuṛṛu lai awawaṛṛani tadea'u mapal᷊iatta'a su taumatan Israel manga rosa apan buatte niolangnge.

SONDAPPA 16:1

Ana see i ya'u naaringikka tingikka wahewalla wuassu lal᷊ummu Wal᷊en Ruata nabbisara su sire pitu mala'ekatta udde, “Roote wuṛṛu lal᷊ina'e lal᷊oṛṛon pitu cawanna asasa'u Ruata udde su wowon runia!”

WATTI'U MANGA RASUL 18:5

Napawe i Silas wuṛṛu i Timotius naranta wuassu Makedonia, i Paulus nappaattu anambon allone mammasingkattu Watti'a wuassu Ruata su manga taumatan Yahudi manungku Mawu Yesus udde Ratum Punnu Sal᷊amatta apan suete pina'iren Ruata.

WATTI'U MANGA RASUL 17:16

Tantal᷊anna i Paulus uaraṛṛaddo si Silas wuṛṛu si Timotius su Atena, naungnge massusa naasilo soa udde napene manga paal᷊uanna.

WATTI'U MANGA RASUL 4:20

Ana waugu i yami tawe maaillol᷊o mabbisara su ola'u apa apan suete niasiloanni yami wuṛṛu niaringiṛṛanni yami sassane.”

LUKAS 17:34

Pangimante: Su ṛabbi udde ruang katou apan mattiilla su atatiil᷊anna sambau, sangkatou sarun iapidda wuṛṛu sangkatou lai itantangnga.

YEHEZKIEL 9:6

Patete anambon taumata esakka wuṛṛu wawine, timmade wuṛṛu dario'a, hagurangnge wuṛṛu al᷊aṛṛanangnge. Arawe arie waṛṛani mangeṛṛetta sangkatou apan pia tatiala su pakkanne. Panattakke wua isindi, wuassu Wal᷊e-U indi.” Ne i mangitou nanatakke manara mangitou ringannu mammate manga piaṛṛa'u Israel apan tantal᷊anna uarisikka su Wal᷊en Mawu.

YEHEZKIEL 3:14

Taṛṛino Mawu nirumanta si ya'u ringannu masaddata, wuṛṛu sutempo i ya'u niwengketta wuṛṛu niapiddu Ghaṛṛaho-Ne, naungku pendamanna mapetta wuṛṛu masal᷊ihamma.

YEREMIA 18:21

Arawe orassa indi, Mawu, wala'awe manga ana'i mangitou mate amal᷊unusanna wuṛṛu nate sulal᷊ummu pangalo. Wala'e manga wawinen mangitou awul᷊iannu iamangngu ana'a wuṛṛu ana'a; wala'ewe manga esakka nate ana waugu al᷊aṛṛusa'itta wuṛṛu ingana'a umbasanna nate sulal᷊ummu pangalo.

YEREMIA 7:20

I Ya'u, Mawu Apan Atanggaṛṛanne, sarun mangema'u asasa'u-U apan bahewalla su wal᷊en patataṛṛamawuanna indi, su taumata wuṛṛu su winatangnga, see lai su manga aaluanna wuṛṛu hessin bawail᷊anna. Asasa'u-U sarun ṛumenggamma ere putungnga apan tawe iapaddumma.”

YESAYA 40:30

Manga umbasanna maṛṛuala nallome wuṛṛu nal᷊otakka manga dario'a nanawo nal᷊iundu'a.

YEREMIA 15:6

I yamiu buatte nanol᷊a'a wuṛṛu nanantang-Ku, ana waugu udde i Ya'u namatten lima-U ipakkimunsa'a si yamiu, ana waugu i Ya'u nawusate maṛṛaddannu asasa'u-U.

YEREMIA 15:17

I ya'u tawe suadio'a mallal᷊umanna'a ringannu manga taumata apan uaammulla mallal᷊akkangnga. Ana waugu matuṛṛutta Si'o, ne i ya'u nanginsassa ringannu apendamma massa'u.

LAL᷊ALLU 1:15

Mawu ma'ellega mawawo anambon tumannaṛṛangku apan waṛṛani. I Tou nangeṛṛon tantara tadea'u taumata'u saṛṛen tumuwo nate. I Tou mangke maṛṛinda walahangku na'oman sara naṛṛimunsa'a, naal᷊ihidda taumata mammakkan wuan anggore.

LAL᷊ALLU 2:21

Timmadde dario'a nate uatal᷊allada su lal᷊anna, manga saṛṛen tumuwo naten hal᷊ele. Su allo I'o masa'u, I'o naṛṛata si mangitou ringannu tawe apendamma umakkanna.

YEHEZKIEL 3:3

Wisara-Ne, “Ei taumata mattate, ante! Loṛṛoite tiannu ringannu wuke lalul᷊unanna indi.” Ana see wuke udde ta'u nianna wuṛṛu pendamanna matemangnga naal᷊ihidda pul᷊a.

YEHEZKIEL 24:21

iapapasingkattu tanata indi si yamiu: I yamiu mammungan atatohassu Wal᷊e Mawu. I yamiu apulune ma'ellega wuṛṛu inai isudde, arawe Mawu sarun mandal᷊eo Wal᷊en-Ne. Wuṛṛu lal᷊oṛṛon amonannu apan ta'e dario'a, apan uatana'a su Yerusalem, sarun pateanna sulal᷊ummu pangalo.

YEREMIA 5:9

Apa tawe suṛṛinone i Ya'u makkuumannu walahanna ereudde wuṛṛu mabbal᷊issa anambon inolaanni mangitou?

YEREMIA 9:20

I ya'u nabbisara, “Paddaringikke manga wisara Mawu, ei wawine sarangkanambone! Su manga sinangiannu aṛṛa'en antarin lalal᷊o, su manga hawenu antarin asasusa.