YEREMIA 52:7 - WUKE SUSI WATTI'U AL᷊AL᷊USASSA

⁷ darandungngu soa nihohakku seetta. Ṛabbi udde, salaiwe taumatan Babel tantal᷊anna malliwunna soa udde, anambon tantaran Yehuha tinumal᷊angngu watanganne mattuddan Bawal᷊annu Yordan. I mangitou niumamattu lal᷊anna sumabbi waillu araratuanna, wua'udde sinumabbangnga wuassu ngara pasallanganna apan uasampa'u darandungnga darua su tampa udde.

YEREMIA 52:7 Referans Kwoze

YEREMIA 51:32

Tampa palliuanna aintaṛṛoanten seetta, wuṛṛu manga tanda batu pattilindumanna nisoṛṛobba. Tantaran Babel nassongkakka.

2 MARARATU 25:4

tanda'a watu su soa nihohakku seetta. Ṛabbi udde, salaiwe taumatan Babel tantal᷊anna ual᷊iwunna soa udde, anambon tantaran Yehuda tinumal᷊anga nattudda Wawal᷊annu Yordan. I mangitou nanganu lal᷊anna sumabbi kintallu wal᷊en araratuanna, ana see sinumabbangu ngara passallanganna apan uasampa'u tanda'a watu darua su tampa udde.

YEREMIA 49:26

Su ollo udde manga umbasanne sarun mate su manga lal᷊annu soane, wuṛṛu anambon tantarane mate abbi.

TAHIUL᷊E 32:30

Ereapa wotongnge sangkatou ma'aenggenna saṛṛiwu su atoune, wuṛṛu ruan katou maaola'a mapul᷊o ṛiwu su atoune tumal᷊angnga? Mawu, Ruata mangitou, buatte nabbal᷊u'i mangitou; i mangitou tinantangken Duata apan matohassa.

TAHIUL᷊E 28:25

Amungkangngu i yamiu tawe maddaringikka Mawu Ruatanu, i Tou sarun ma'ola'a si yamiu mawaddo su manga seennu. I yamiu sarun mamangalo ringannu uaatokka arawe tumal᷊angnga ringannu uasongkakka. Anambon balahannu su runia sarun maapendamma atata'utta maasilo asasusanu.

IMAMATTA 26:36

Manga taumatanu apan uatana'a sulal᷊ummu pamuanganna su wanua waine, sarun Ta'u olaanna tumaniten matta'utta, na'oman sara tingikku rongnga apan nitiuppu anginna na'atal᷊anga si mangitou. I yamiu sarun tumal᷊anga naal᷊ihida a'enggenanna sulal᷊ummu pangalo, ana see nal᷊iundu'a salaiwe tawe seetta maraninu.

IMAMATTA 26:17

I yamiu sarun Ta'u iṛṛuumanna, na'oman sara i yamiu lawaddon manga seennu wuṛṛu paparentannu manga taumata maddantinnu. I yamiu mabbal᷊i lembon matta'utta na'oman sara i yamiu tumal᷊angnga, salaiwe taweddu.

YEREMIA 34:22

I Ya'u sarun mangongollu darolokka tadea'u i mangitou mabbelengnga su soa indi, ana see malliwunna, mangaṛṛo, wuṛṛu manoṛṛobba soa udde. Manga soan Yehuda sarun Ta'u olaanna ere wadda'u anne apan tawe tanaannu taumata. I Ya'u, Mawu, buatte nabbisara.”

YEREMIA 39:2

Su allo assione wul᷊anna aiappanne tonna mapul᷊o assa sutempo i Ratu Zedekia uaparenta, darandungngu soa nihohakku seetta,

YEHEZKIEL 12:12

Su al᷊ummu ṛabbi wasa ratu mangitou sarun mamasanna pinampiunanna su wambangnga see inaite umamatta. Manga taumata sarun mallassutta loṛṛangnga su manga darandunga tadea'u i tou wotongnge maasabbangnga. I tou sarun manutubba matane ma'oman sara tawe maasilo lal᷊anna apan amatanne.

YEHEZKIEL 33:21

Su allo al᷊imane wul᷊anna mapul᷊o, sulal᷊ummu tonna mapul᷊o dua sutempo i yami niwuanga, sangkatou apan naal᷊assanga wuassu Yerusalem nirumanta wuṛṛu namasingkatta si ya'u manungku soa udde nanawote.

AMOS 4:3

I yamiu sarun wolenganna watukku Hermon wuṛṛu ituntungnga su liudde, sangkatou-sangkatou wuassu loṛṛangngu darandungnga apan aranianne. I Ya'u Mawu buatte nabbisara.”

YEREMIA 6:5

Mappianne i ite mamangalote sutempo ṛabbi, wuṛṛu makkimunsa'a manga tanda batu su soa udde.”