YEREMIA 52:6 - WUKE SUSI WATTI'U AL᷊AL᷊USASSA

⁶ Su allo assione wul᷊anna aiappanne tonna udde lai, sutempo al᷊aṛṛutumma tumaniten masaddatta na'oman sara tumanangnge tate lai anna saran addio'a,

YEREMIA 52:6 Referans Kwoze

YEREMIA 39:2

Su allo assione wul᷊anna aiappanne tonna mapul᷊o assa sutempo i Ratu Zedekia uaparenta, darandungngu soa nihohakku seetta,

YESAYA 3:1

Mangke atonna, Mawu Apan Lembontaṛṛino sarun manganu wuassu Yerusalem wuṛṛu Yehuda al᷊awo'u anna wuṛṛu ua'e apan sasahipunanna. Aroddi lai anambon taumata apan ia'bansakki mangitou:

YEREMIA 38:9

“Tuangnga Apan Mawantuga, inolaannu manga taumata udde dal᷊eo. I mangitou buatte nantaṛṛon Nabi Yeremia sulal᷊ummu paṛṛihi; i tou sarun mate amal᷊unusanna isudde, ana waugu anna nasuete su soa indi.”

2 MARARATU 25:3

Su allo assione wul᷊anna aiappane tonna udde lai ṛutumma aroddite ahewalle na'oman sara tumanange tate maasomba anna sarangkadio'a,

ZAKARIA 8:19

“Puasa apan a'olaanna su wul᷊anna aippanne, al᷊imane, appitune, wuṛṛu appul᷊one sarun maola'a manga ramea apan napenen al᷊al᷊uassa wuṛṛu lal᷊umanna'a su tumana'u Yehuda. Pandangngute atatul᷊idda wuṛṛu paddarame!”

YEHEZKIEL 14:21

Mawu Apan Atanggaṛṛanne nabbisara, “I Ya'u mangema'u appatta ṛuumang-Ku apan asaddatanne su Yerusalem ipamate mawae taumata aroddi lai winatangnga. Ṛuumanna udde eteudde: pangalo, al᷊aṛṛutumma, winatangnga mal᷊aṛṛaga wuṛṛu ṛiwutta.

YEHEZKIEL 7:15

Su manga lal᷊annu soa pia pangalo, su manga wal᷊en pia ṛiwutta wuṛṛu al᷊al᷊unussa. Suapan taumata apan su liuddu soa sarun mate sulal᷊ummu pangalo, wuṛṛu isai uatana'a su soa sarun naten radda'a wuṛṛu lunussa.

LAL᷊ALLU 5:10

I yami uatataṛṛangu al᷊al᷊unussa, na'oman sara pisi ere waṛṛa su sunggilla.

YEREMIA 25:10

Manga tingikki mangitou apan lullala'a wuṛṛu ramean andeangngu awingnga sarun Ta'u iapaaddo. I mangitou sarun tawe maatahuanna lana ipande'omma sol᷊o, wuṛṛu gandummi mangitou sarun masue.

YEREMIA 21:9

Suapan taumata apan uatana'a sulal᷊ummu soa sarun mate ana waugu pangalo, ṛutumma, al᷊aṛṛusa'itta. Arawe i mangitou apan sinumabbangnga nanantillu watanganne su taumatan Babel apan tantal᷊anna mammangalo soa indi, sarun mal᷊iu wuṛṛu tawe pateanna.

YEREMIA 19:9

Seetta sarun maaliwunna soa indi, wuṛṛu maddea'a mamate tumanangnge. Patatalliwunna udde aroddi ahewalle, na'oman sara manga taumata sulal᷊ummu soa indi uaa'inassa hawene, ewe'e lai manga ana'i mangitou sassane.”

YEREMIA 15:2

Amungkangngu i mangitou maiwal᷊o si'o watukku apa i mangitou massal᷊iu, simbakke arendi, ‘Mawu nabbisara, apan nitantunna mate ana waugu maradda'a wala'e i tou mate ana waugu sa'itta. Apan nitantunna mate sulal᷊ummu pangalo wala'e i tou mate sulal᷊ummu pangalo! Apan nitantunna mate ana waugu mal᷊unussa wala'e i tou maten al᷊al᷊unussa! Apan nitantunna maola'a tawananna wala'e i tou iluranna maola'a tawananna!’

TAHIUL᷊E 32:24

I mangitou sarun mate ana waugu sal᷊iubba wuṛṛu al᷊al᷊unussa, wuṛṛu ana waugu radda'a apan ma'ata'utta. Ta'u iwala i mangitou aṛṛatannu winatangnga mal᷊aṛṛaga, wuṛṛu pul᷊isannu atoanna mawisa.

IMAMATTA 26:26

I yamiu sarun asueannu anna, na'oman sara siri mapul᷊o bawine tumba'u mappanduma sambau pallol᷊oanna ipallol᷊o roti apan pia si mangitou. Anna udde sarun tahianna, wuṛṛu napawe i yamiu buatte niumanna, i yamiu lai ta'e maapendamma lunussa.

YEREMIA 37:21

Ne i Ratu Zedekia namarenta tadea'u i ya'u iṛṛuumanna su rallakku wal᷊en araratuanna. Nariaddi i ya'u uatana'a isudde, wuṛṛu allo-allo a'onggol᷊annu roti wuassu tampa pa'olaanna roti na'oman sara saddian roti su soa udde nasue abbi.

LAL᷊ALLU 1:11

Ringannu sussal᷊iomanna tumanangne maddea'a anna; saranapa maarega ipannal᷊iun mangitou roti, tumba'u tadea'u i mangitou sidutu wiakka wuṛṛu tawe mate. Yerusalem sinumal᷊ande, “Oh Mawu, ellehete i ya'u, intannoi'o al᷊awo'u asasusa'u.”

YEHEZKIEL 5:16

I Ya'u sarun makkimunsa'a wal᷊ingkakku annu wuṛṛu mamalan tumanangngu amal᷊unusanna. I mangitou sarun mamendamma aroddi asasusane mal᷊unussa, ere anaanna apan maṛṛoro nallappassa wuṛṛu namate si'o.

YEHEZKIEL 14:13

amungkangngu sambau wanua pia dosane wuṛṛu tawe satia si Ya'u, i Ya'u sarun makkuumannu wanua udde. I Ya'u sarun makkimunsa'a wal᷊ingkakku pangadoannu anna, mandantan al᷊aṛṛutumma wuṛṛu mamate mawae taumata aroddi lai winatangnga.

YEHEZKIEL 31:1

Su allo paarorone wul᷊anna atallune sulal᷊ummu tonna mapul᷊oassa sutempo i yami niwuangnga, Mawu nabbisara si ya'u,