Biblia Todo Logo
Bib sou entènèt

- Piblisite -




YEREMIA 52:4 - WUKE SUSI WATTI'U AL᷊AL᷊USASSA

4 ana waugu udde i Nebukadnezar ringannu anambon buntuannu pangalone nirumanta wuṛṛu namangalo Yerusalem su allo appul᷊one wul᷊anna appul᷊one sulal᷊ummu tonna assione sutempo i Zedekia uaparenta. I mangitou napararisikku atanaanni mangitou su liuddu soa, na'ola'a darandungngu pamangaloanna

Gade chapit la Kopi




YEREMIA 52:4
22 Referans Kwoze  

Su wul᷊anna appul᷊one tonna assione i ratu Zedekia uaparenta Yehuda, i Nebukadnezar ratun Babel ringannu anambon tantaran pangalone nirumanta wuṛṛu namangalo Yerusalem.


“Puasa apan a'olaanna su wul᷊anna aippanne, al᷊imane, appitune, wuṛṛu appul᷊one sarun maola'a manga ramea apan napenen al᷊al᷊uassa wuṛṛu lal᷊umanna'a su tumana'u Yehuda. Pandangngute atatul᷊idda wuṛṛu paddarame!”


darandungngu soa nihohakku seetta. Ṛabbi udde, salaiwe taumatan Babel tantal᷊anna malliwunna soa udde, anambon tantaran Yehuha tinumal᷊angngu watanganne mattuddan Bawal᷊annu Yordan. I mangitou niumamattu lal᷊anna sumabbi waillu araratuanna, wua'udde sinumabbangnga wuassu ngara pasallanganna apan uasampa'u darandungnga darua su tampa udde.


Manga taumatan Babel buatte napararisikku manga tanda'a batu palliwunanna mipamal᷊iwutta soa huna ipangaṛṛo, wuṛṛu orassa indi i mangitou mammangalote. Pangalo, ṛutumma, wuṛṛu al᷊aṛṛusa'itta maola'a pangillul᷊ennu soa indi manawo su lima mangitou. I'o maasilo manungku sarangkanambone apan niwisara-Nu nilumiatta'e.


“Napawe i yamiu naasilo Yerusalem tatalliwunannu tantara, i yamiu sarun maasingkatta manungku soa udde tate mal᷊annu lai mahohakka.


I'o sarun maapendamma su sambau tempo, suapan manga seennu ma'ola'a anambon asasusa su pabbiaṛṛannu miallo-miallo; i mangitou sarun mamangalo malliwunna si'o wuṛṛu manessengngu wuassu al᷊awo'u pabbuuanne.


Inauranna manungku anaanna apan nianun lima aikkatanne pia tatialan Yerusalem! Udde atappasanne manungku ratu ṛinone mamangalo soan Yerusalem, manggoressan pangalo wuṛṛu mandolokku tantarane mangatokku ahidda ipanggohakka, itaingnga su manga ngaran Yerusalem, mangombon leta'a maola'a darandungnga pamangaloanna wuṛṛu maal᷊i manga hote.


Ruata sarun mamangalo soa udde wuṛṛu pangaloanne wuassu al᷊awo'u pappi'uanne.


I Ya'u sarun mandantan pangalo su pattangngannu ipakkuumanni yamiu ana waugu i yamiu buatte nilumawanga pa'aire-U si yamiu. Wuṛṛu amungkangngu i yamiu ma'ammula su soanu maddea'a pattillummanna, i Ya'u sarun mandantan radda'a apan tawe iapapia, na'oman sara i yamiu sarun manantilu watangannu su seennu.


Sutempo i Nebukadnezar ratun Babel ringannu tantarane apan nitohassu manga tantara wuassu al᷊awo'u walahanna wuṛṛu araratuanna apan nassuṛṛubbawa si tou nirumanta mamangalo Yerusalem wuṛṛu manga soa maranine, Mawu nabbisara si ya'u.


Manga tumana'a su al᷊awo'u soa su leta'a ratakke sarun pateanna sulal᷊ummu pangalo udde. Seetta sarun maal᷊i manga hote pattillindumanna, wuṛṛu mangombo manga darandungnga pamangaloanna wuṛṛu mangatokku manga allungnga wahewalla apan ipaatti mangitou maola'a tanda'a batu ipamangalo si'o.


Su allo al᷊imane wul᷊anna mapul᷊o, sulal᷊ummu tonna mapul᷊o dua sutempo i yami niwuanga, sangkatou apan naal᷊assanga wuassu Yerusalem nirumanta wuṛṛu namasingkatta si ya'u manungku soa udde nanawote.


Sutempo allo appul᷊one wul᷊anna paarorone, sulal᷊ummu tonna ruam pul᷊o l᷊ima sutempo i yami niwuangnga, mapul᷊o appatta su tonnane napawe Yerusalem niawaddo, i ya'u naapendamma taṛṛino Mawu, see i ya'u niapiddu Mawu inai.


wuṛṛu malliwunna Yerusalem ere taumata uariagga wailla. Sarangkanambone udde mariaddi ana waugu walahannu Yehuda buatte nilumawangnga Mawu. Mawu buatte nabbisara.


“Paddorongke tatantiro wuassu Mawu si ite, ana waugu i Nebukadnezar ratun Babel ringannu tantarane tantal᷊anna malliwunna soang kite. Asinungka Mawu sarun ma'ola'a al᷊aṛṛindu'a si ite, wuṛṛu mamata'i Nebukadnezar mantal᷊angngu tantarane.”


Soa indi sarun Ta'u ṛamunsaanna sara masue, na'oman sara suapan tampa pia manga winalal᷊anna. Arawe olangnge udde wakkute mariaddi napawe taumata apan Ta'u nipile ipakkuumannu soa indi nirumantate. Ete si tou Ta'u itantilla soa indi.’ ”


Swiv nou:

Piblisite


Piblisite