YEREMIA 52:11 - WUKE SUSI WATTI'U AL᷊AL᷊USASSA

¹¹ Wua'udde i Zedekia matane nilasso'a, ana see niṛṛapussa wuṛṛu niapidda watukku Babel. Poiaroddi i tou nitaṛṛo sulal᷊ummu tuttupanna, wuṛṛu tate naasabbangnga wua isudde na'oman sara i tou nate.

YEREMIA 52:11 Referans Kwoze

YEHEZKIEL 12:13

Arawe i Ya'u sarun mantaingngu soma-U ipanametta si tou. See Ta'u iapidda i tou su soan Babel, wuṛṛu poiaroddi i tou sarun nate ringannu tawe maasilo soa udde.

YEREMIA 39:7

Wua'udde i Zedekia nilasso'a matane, see niṛṛapussa wuṛṛu niapidda su Babel.

YEHEZKIEL 17:16

Ana waugu i Ya'u, Ruata apan biakka, Mawu Apan Atanggaṛṛanne, ratun Yehuda sarun mate su Babel, ana waugu i tou buatte nassinaaddu sasalune wuṛṛu nilumawangnga paairene ringannu ratun Babel apan buatte niapa'aianni tou su adderan araratuanna.

YEREMIA 21:7

I'o wuṛṛu manga mammamanaran araratuannu see manga taumata apan naatal᷊angnga wuassu pangalo, ṛutumma wuṛṛu al᷊aṛṛusa'itta, sarangkanambone sarun Ta'u iwala sametanni Ratu Nebukadnezar wuṛṛu manga seetta apan mappulu mamate si yamiu. I Nebukadnezar sarun mamate si yamiu sarangkanambone ringannu tawe ampungnge wuṛṛu tawe aakanne. I Ya'u, Mawu, buatte nabbisara.”

LAL᷊ALLU 2:6

I Tou nakkimunsa'a wal᷊e-Ne tampan uman-Ne maammulla massubba si Tou. I Tou na'ola'a taumata maabul᷊i Sabat wuṛṛu manga allo wahewalla. Ana waugu Mawu lembon nasa'u, imam wuṛṛu ratu buatte nitol᷊ang-Ne.

YEHEZKIEL 23:24

I mangitou sarun mamangalo si'o wuassu sawannakka ringannu tantara apan bahewalla, ringannu manga keretan pangalo wuṛṛu manga kereta uaapiddu wal᷊unna. Ringannu lal᷊indumannu allungnga wuṛṛu manga araposa waja, i mangitou sarun mamangalo si'o. Sarun Ta'u iwala i mangitou makkuungngu tumuṛṛuttu manga tita mangitou sassane.