YEREMIA 51:9 - WUKE SUSI WATTI'U AL᷊AL᷊USASSA

⁹ Manga taumata raho apan uatana'a poiaroddi uahahatto sangkatou ringannu waine, ‘I ite buatte nattinsahadda mantul᷊ungngu Babel, arawe nal᷊iwue! Mappianne i ite manantangken banua indi wuṛṛu mapul᷊ete su wanuang kite sambau-sambau. Mawu nakkuumanten Babel ringannu maṛṛagissa, wuṛṛu mangke nakkimunsa'a.’ ”

YEREMIA 51:9 Referans Kwoze

SONDAPPA 18:5

Ana waugu rosane ua'ombo sara langitta, wuṛṛu Ruata uanaungnga al᷊al᷊eone.

YEREMIA 50:16

Arie pabbala'a taumata mabbailla ara'e mangitingnga su wanua udde. Anambon taumata raho apan uatana'a isudde sarun mapul᷊e su wanuane, ana waugu i mangitou matta'uttu tantara apan mammangalo.”

YESAYA 13:14

Taumata raho apan uatana'a su Babel sarun massal᷊iawukka wuṛṛu tumal᷊angnga su wanuane sambau-sambau. I mangitou naal᷊ihidda rusa apan tinumal᷊angngu matataṛṛiasu, ara'e ammul᷊annu domba apan tawe mallal᷊u'adde.

YEREMIA 46:16

Manambo tantaranu natara wuṛṛu nadduma'a. I mangitou uahahatto, ‘Wette i ite mapul᷊ete ringannu walahanni ite tadea'u i ite mal᷊iu wuassu asasilakan hal᷊elen seetta.’

EZRA 9:6

I ya'u nabbisara, “Oh Ruata'u, i ya'u indi massili mamatti'u pua'u su saruan-Nu. Rosan kami mangke ua'ombo su puan kami na'oman sara nangeṛṛetta langitta.

YEREMIA 46:21

Ewe'e lai manga tantara apan nisewanne tawe naail᷊ore ere ana'u sapi apan tumanite matawa. I mangitou tawe naataṛṛangnga. Sarangkanambone nabbal᷊i'a wuṛṛu tinumal᷊angnga tadea'u masal᷊amatta. Allo ṛuumanni mangitou nia'omante; temponete i mangitou aṛṛiaannu asasilaka.

YEREMIA 8:20

Umattu Israel ma'ialal᷊ore, “Tempo mangitingnga wuṛṛu tempon paddissa indi nal᷊iudde, arawe i ite taambe lai nasal᷊amatta.”

YESAYA 47:15

Eteudde huna manga taṛṛa si'atta si'o apan ma'anambo manaranu ro'en i'o ta'e addio'a; sangkatou-sangkatou inaite nanantangngu; taweddu nirumanta mantul᷊ungngu.”

2 TAWARIKH 28:9

Sangkatou Nabi Mawu aranne i Oded uatana'a su Samaria. Sutempo tantaran Israel nabelengnga uaapiddu taumata niatawanna wuassu Yehuda, Oded naisasomban mangitou sutempo i mangitou sumuttate su soa. I tou nabbisara, “I yamiu buatte namaddon taumatan Yehuda ana waugu Mawu Ruatan al᷊amonanu nasa'ute si mangitou. Arawe Mawu naddaringikka tumaniten maṛṛagissa i yamiu namate tantaran Yehuda udde.

SONDAPPA 18:4

See i ya'u naaringikka tingikka waine wuassu surga nabbisara, “Sabbangke, al᷊aṛṛana-U! Sabbangke wuassu lal᷊umme! Imbaṛṛanga i yamiu tumantalongnga manga rosane, wuṛṛu tumuṛṛutta mamasanna ṛuumanne!

HOSEA 7:13

Nasilakate i mangitou, ana waugu i mangitou buatte nanantang-Ku. I mangitou sarun maṛṛimunsa'a ana waugu buatte nilumawangnga si Ya'u. I Ya'u mappulu manal᷊amatta si mangitou, arawe patataṛṛamawun mangitou mangke awusu atonna.