YEREMIA 51:6 - WUKE SUSI WATTI'U AL᷊AL᷊USASSA

⁶ Panal᷊amatte watangannu! Tal᷊angke wuassu Babel, arie i yamiu lai iapate ana waugu paddarosane! Ana waugu indete tempone i Ya'u mabbal᷊issa al᷊al᷊eon Babel, wuṛṛu makkuumanni tou uasul᷊ungngu inolaanne.

YEREMIA 51:6 Referans Kwoze

YEREMIA 50:8

Ei uma-U Israel, tal᷊angke watukku Babel! Ete i yamiu apan ṛinone paarorone inai, tadea'u ingana'a waine manantuṛṛutta.

YEREMIA 50:28

Manga taumata apan tinumal᷊angnga watukku Yerusalem wuassu Babel mabbatti'a ereapa Mawu Ruatang kite mabbal᷊issa inolaannu taumatan Babel su Wal᷊en Babel.)

YEREMIA 50:15

Intul᷊ia'e hahoressan pangalo pamal᷊iwuta'a soa udde! Orassa indi Babel nawaddote. Manga darandungnge buatte nihohakka wuṛṛu naṛṛaate. I Ya'u tantal᷊anna mabbal᷊issa Babel. Ana waugu udde sansaraite i mangitou ere lai i mangitou mannansara taumata waine.

YEREMIA 51:45

Ana waugu udde pangingkatte wua isudde, ei umattu Israel! Panal᷊amatte watangannu wuassu asasa'u-U apan bahewalla.

YEREMIA 25:14

Manga inolaannu taumatan Babel sarun Ta'u wal᷊isanna; i mangitou sarun allangngannu manga ratu wahewalla wuṛṛu anambon balahanna.’ ”

REENGANNA 16:26

I Musa nabbisara su manga taumatan Israel, “Pangingkatte wuassu rasannu manga taumata lal᷊eo indi wuṛṛu imbaṛṛangnga mangeṛṛetta saranapa pussa'a mangitou. Amungkangngu i yamiu tawe maddaringikka, i yamiu sarun pateanna suadio'a ringanni mangitou ana waugu manga rosa mangitou.”

SONDAPPA 16:19

Soa wahewalla udde natahia tallung kaadoanna, wuṛṛu naṛṛimunsa'e lai manga soa su anambon araratuanna su runia. See Ruata naanaungnga Babel apan wahewalla udde. Ne Ruata napa'inummi tou anggore wuassu cawannu Ruata – eteudde anggoru asasa'u-Ne apan nangillembo.

1 TIMOTIUS 5:22

Arie tumaniten mal᷊ihakka mangal᷊amatta sangkatou itenega maola'a mangangimbe su Mawu. Amungkangu taumata waine marosa, arie lai al᷊iuannu rosa udde. Paariagai ririnu tadea'u sidutu waresi.

YEREMIA 51:50

Mawu nabbisara su taumatan Israel apan uatana'a su Babel, “I yamiu nal᷊iute wuassu pamamate! Nariaddi, roote orassa indi lai! Arie paṛṛaddo! Salaiwe i yamiu marau wuassu wal᷊en, pannaungke si Ya'u, Mawunu, wuṛṛu su Yerusalem.

YEREMIA 51:11

Mawu buatte nanondo manga ratu Media, ana waugu i Tou mappulu makkimunsa'a Babel. Eteudde lal᷊an-Ne i Tou mabbal᷊issa inolaannu manga taumata apan nakkimunsa'a wal᷊e-Ne. Manga tembonannu wuntuannu tantaran pangalo namarenta, “Takko'e anaanna! Riahite allungnga!

YEREMIA 51:9

Manga taumata raho apan uatana'a poiaroddi uahahatto sangkatou ringannu waine, ‘I ite buatte nattinsahadda mantul᷊ungngu Babel, arawe nal᷊iwue! Mappianne i ite manantangken banua indi wuṛṛu mapul᷊ete su wanuang kite sambau-sambau. Mawu nakkuumanten Babel ringannu maṛṛagissa, wuṛṛu mangke nakkimunsa'a.’ ”

YEREMIA 50:31

Babel, naungngu tumaniten matanggakka! Ana waugu udde i Ya'u, Mawu Apan Atanggaṛṛanne, Ruata Apan Lembontaṛṛino, mando'appa si'o. Nia'omante tempone i'o Ta'u iṛṛuumanna.

YESAYA 48:20

Roote wuṛṛu tal᷊angke su Babel, al᷊iata'e watti'a indi su al᷊awo'u tampa. Pasingkata'e ringannu aintul᷊in al᷊al᷊uassa: “Mawu buatte nanal᷊amatta Israel, allang-Nge!

YEREMIA 46:10

Arawe i ya'u, Yeremia mabbiisara manungku eteindi allo Mawu Ruata Apan Atanggaṛṛane wuṛṛu Lembontaṛṛino; su allo udde i Tou ma'ola'a pabbawal᷊issa su anambon seen-Ne. Hal᷊ele-Ne sarun uminassa si mangitou ma'oman sara mal᷊aidda, wuṛṛu ma'inumma daṛṛa mangitou ma'oman sara mawusa. Allo indi Mawu Apan Lembontaṛṛino, naṛṛata manga sasamba-Ne su sawannakka, su winggin Sal᷊ukku Efrat udde.

YEREMIA 27:7

Al᷊awo'u walahanna sarun mattaṛṛamawu si tou, su parinsine, wuṛṛu su pulunne maddatingngu tempone araratuanne sassane manawo. Sutempo udde walahannu Babel sarun mattaṛṛamawu su manga walahanna apan matohassa wuṛṛu manga ratu apan bahewalla.

YEREMIA 25:16

Napawe i mangitou ma'inumma anggore udde, i mangitou mabbal᷊i sumassendekka wuṛṛu awul᷊ianten ṛingidda ana waugu pangalo apan Ta'u iaparanta si mangitou.”

AMSAL 13:20

Taumata apan uahahawen taumata pande, sarun maola'a pande; taumata apan uahahawen taumata woddo, sarun masilaka.

TAHIUL᷊E 32:43

Wette manga walahanna, paddalote al᷊aṛṛana'u Mawu, ana waugu Mawu makkuumannu sarangkanambone apan namate si mangitou. I Tou nabbal᷊issa taddu'u naungnga su manga se'en-Ne arawe nangampungnga rosan manga al᷊aṛṛanang-Nge.”

TAHIUL᷊E 32:41

I Ya'u sarun mandampassu hal᷊ele-U apan lullendappa, wuṛṛu mappaamattu pallaṛṛuumanna. Ta'u wal᷊isanna anambon se'e-U wuṛṛu Ta'u iṛṛuumanna anambon apan maddanting-Ku.

TAHIUL᷊E 32:25

Pangalo sarun mangapiddu papate su manga lal᷊anna; atata'utta sarun maṛṛia'a su manga taumata su wal᷊en. Umbasanna wuṛṛu maṛṛuala sarun pateanna, wuṛṛu lai ana'a maradio'a see lai taumata timmadete.

YESAYA 63:4

I Ya'u buatte nanggol᷊agu allo ipabbal᷊issa, wuṛṛu tempon pamamallossu uma-U.

YEREMIA 48:6

Unni mangitou, ‘Paal᷊ihakka! Panal᷊amatte niawanu! Tal᷊angke ere keledai matengnga su wadda'a!’

YEREMIA 51:36

Ana waugu udde Mawu nabbisara su tumana'u Yerusalem, “I Ya'u sarun manahekku hattonu wuṛṛu mabbal᷊issa inolaannu manga seennu si'o. Manga al᷊imatang kua'e wuṛṛu manga sal᷊ukku Babel sarun Ta'u iapaamara.

YEREMIA 51:56

I mangitou nirumanta manggohakku Babel, mannametta manga tantarane wuṛṛu namaddi manga ahiddi mangitou. Ete i Ya'u Mawu apan makkuumannu al᷊al᷊eo, wuṛṛu Babel sarun Ta'u wal᷊isanna uasul᷊ungngu inolaanne.

LAL᷊ALLU 3:64

Ṛuumana'e i mangitou uasul᷊ungngu inolaanni mangitou, oh Mawu.

DARALO 94:1

Oh Ruata, ete I'o Ruata apan mabbal᷊issa, pal᷊iatta'e wawal᷊in-Nu, oh Mawu.