YEREMIA 51:58 - WUKE SUSI WATTI'U AL᷊AL᷊USASSA

⁵⁸ Darandungngu Babel apan mangkatohassa sarun Ta'u hohaṛṛanna ma'oman sara maddatakku leta'a. Ngarane apan mangkatanggakka sarun Ta'u soṛṛowanna sara masue. Tawe gunane inasaharannu manga walahanna, ana waugu anambon hessin manaran mangitou sarun ametannu ara'e masorobbu putungnga. I Ya'u, Mawu Apan Lembontaṛṛino, buatte nabbisara.”

YEREMIA 51:58 Referans Kwoze

HABAKUK 2:13

Manga walahanna apan niawaddonu mattinsahadda tawe gunane, al᷊awo'u saranapa apan niapararisikki mangitou nasue niepoddu putungnga. Sarangkanambone uddewe apulun Mawu Apan Lembontaṛṛino.

YEREMIA 51:64

lapiddu mabbisara, ‘Etearendi sarun mariaddi ringannu Babel. Wanua indi sarun lumakkubba wuṛṛu tate lumapputta apia ana waugu asasusa apan niṛṛia'u Mawu si tou.’ ” Manga wisaran Yeremia naddusse isindi.

YEREMIA 51:44

Bel, mongannu wanua Babel, sarun Ta'u iṛṛuumanna. I tou sarun Ta'u olaanna mapawelengngu apa apan buatte niaṛṛone. Manga walahanna tate massubba si tou apia. Manga darandungngu Babel naṛṛaate.

YEREMIA 50:15

Intul᷊ia'e hahoressan pangalo pamal᷊iwuta'a soa udde! Orassa indi Babel nawaddote. Manga darandungnge buatte nihohakka wuṛṛu naṛṛaate. I Ya'u tantal᷊anna mabbal᷊issa Babel. Ana waugu udde sansaraite i mangitou ere lai i mangitou mannansara taumata waine.

YEREMIA 51:30

Taumatan Babel naddote mapapangalo wuṛṛu uatana'e su manga tanda batu. I mangitou niawul᷊iannu awawaṛṛani wuṛṛu tate maa'al᷊iore. Manga ngara pasallangannu soa buatte nihohakka, wuṛṛu manga wal᷊en nisoṛṛobba.

YEREMIA 51:9

Manga taumata raho apan uatana'a poiaroddi uahahatto sangkatou ringannu waine, ‘I ite buatte nattinsahadda mantul᷊ungngu Babel, arawe nal᷊iwue! Mappianne i ite manantangken banua indi wuṛṛu mapul᷊ete su wanuang kite sambau-sambau. Mawu nakkuumanten Babel ringannu maṛṛagissa, wuṛṛu mangke nakkimunsa'a.’ ”

DARALO 127:1

Aantarin Salomo. Amungkangu wal᷊ine Mawu apan napararisikku wal᷊en, tawe gunane manga basene mammanara. Amungkangu wal᷊ine Mawu apan uariaga soa, tawe gunane mandariagane uataṛṛapa.

YESAYA 65:23

Sarangkanambone apan a'olaanni mangitou sarun mahessi, wuṛṛu al᷊aṛṛana'i mangitou tawe aṛṛombanganne mate. I mangitou wuṛṛu papapulunni mangitou sarun Ta'u al᷊amatanna saran mal᷊annu-l᷊annu.

YESAYA 13:2

Elea'e manga waneṛṛan pangalo su puiddu wuidda lunggukka! Pamaggote manga tantara, wuṛṛu wattea'e pulal᷊annu tadea'u i mangitou mamangalo manga ngaran soa apan mawunga udde.

YESAYA 47:13

I'o masahadda ana waugu tumanite manambo tatantiro. Doloṛṛa'e manga manani'atta iapasal᷊amatta si'o; i mangitou apan buatte nanaṛṛassidda al᷊awo'u pappi'uannu langitta wuṛṛu nassi'ol᷊a manga anumpitanna, wuṛṛu suapan bul᷊anna wakku manni'attu apa apan sarun maola'a pal᷊addu pabbiaṛṛannu.

YEREMIA 9:5

Sarangkanambone mangke uawawahia taweddu mabbisara matul᷊idda. Moṛṛongnge ninumarampe mangngawusu, i mangitou tate lai maatantangngu rosane. Araṛṛagissa ringannu araṛṛagissa, wawahia ringannu pangangawusu sidutu a'olaanni mangitou, i mangitou mangke sidutu mannol᷊a'u Mawu.

LAL᷊ALLU 5:5

Naal᷊ihidda winatangnga, i yami niwata'a mammanara mawakkatta, i yami nal᷊otakke, arawe tawe nionggol᷊annu tempo mangillol᷊o.