YEREMIA 51:57 - WUKE SUSI WATTI'U AL᷊AL᷊USASSA

⁵⁷ I Ya'u sarun mapawu'annu manga mangangumbele parenta su Babel – manga mapapande, mamamiaṛṛa'a wuṛṛu tantara. I mangitou sarun tate mapabbangunna apia, matiille saran mal᷊annu-l᷊annu. I Ya'u buatte nabbisara; ete i Ya'u ratu, i Ya'u Mawu Apan Lembontaṛṛino.

YEREMIA 51:57 Referans Kwoze

YEREMIA 46:18

I Ya'u Ruata apan biakka, i Ya'u ratu, Mawu Apan Lembontaṛṛino. Ere Wowon Tabor nanampal᷊iu manga wowone waine, wuṛṛu Wowon Karmel ual᷊iatta'a su wowon tahal᷊oangnga, etearoddi atohanne i tou rumanta mamangalo si'o.

YEREMIA 48:15

Moab wuṛṛu manga soane buatte niṛṛimunsa'a, wuṛṛu manga umbasanna apan apianne buatte nipate. I Ya'u buatte nabbisara. I Ya'u ratu, Mawu Apan Lembontaṛṛino.

YEREMIA 25:27

Wua'udde Mawu nabbisara si ya'u, “Wal᷊oa'e su manga taumata udde manungku i Ya'u, Mawu Apan Lembontaṛṛino, Ruatan israel, nandolokki mangitou ma'inumma ma'oman sara iwu'anne wuṛṛu mammuta. I mangitou Ta'u olanna mal᷊iundu'a wuṛṛu tate maapabbangunna apia ana waugu pangalo apan Ta'u niaparanta si mangitou.

YEREMIA 51:39

Tantal᷊anna apulu mangitou umanna niatambanna, i Ya'u sarun manaddia wiakki mangitou, wuṛṛu mapawu'anni mangitou wuṛṛu lumiṛṛibba ma'oman sara amatiil᷊anna wuṛṛu tate maatimpu'o apia.

SONDAPPA 18:9

Manga ratun runia apan suadio'a sulal᷊ummu inolaanne sussandaga wuṛṛu apulu naungngu wawine udde sarun lumuai wuṛṛu lumallun soa udde napawe i mangitou naasilo timbulla sussal᷊oi wuassu putungnga apan mannutungnga si tou.

MALEAKHI 1:14

Niawontohante iapa taṛṛa wahia apan mangngonggollu sasamba si Ya'u winatangnga apan tawe aregane, amungkangngu suwallattu winatangnga papadul᷊iananna pia binatangnga apan mapia apan buatte nipa'irene si Ya'u! Ana waugu ete i Ya'u Ratu Mawantuga, wuṛṛu aaddatannu anambon balahanna.”

NAHUM 1:10

I'o sarun soṛṛowanna ere laṛṛami apan namarate ere aputta ṛoaanna apan uaandongnga.

YESAYA 37:36

Ṛabbi udde lai mala'ekattu Mawu nirumanta su paddasanannu taumatan Asyur wuṛṛu namate 185.000 su atoune tantara. Tiṛṛabbine marua allo manga winal᷊unanni mangitou uatal᷊eṛṛonga.

YESAYA 6:5

Wua'udde i ya'u nabbisara, “Nasilakate! Tate antimma lai si ya'u, ana waugu moṛṛongku kotore ana waugu rosa, wuṛṛu i ya'u uatana'e su pattangngannu walahanna ereudde lai. Sallaiwe aroddi, ringannu mata'u sassane i ya'u buatte naasilo Ratu, Mawu Apan Lembontaṛṛino!”

YESAYA 44:25

Ete i Ya'u apan nanal᷊are sasi'attu taumata manani'atta, wuṛṛu nannal᷊angnga manga taumata taṛṛa pasangkadda. Manga wisaran taumata pande tinompol᷊ang-Ku, apapande mangitou Ta'u niola'a awawoddo.

YEREMIA 13:13

Ne wal᷊oa'e si mangitou manungku manga taumatan wanua indi, manga ratune papapulunni Daud, manga imam, nabi, wuṛṛu anambon tumana'u Yerusalem sarun Ta'u loṛṛoannu anggore ma'oman sara mapene tadea'u iwu'anne.

YEREMIA 50:30

Su allo udde manga saṛṛentumuwone sarun mate su manga lal᷊annu soane, wuṛṛu anambon tantarane ṛimunsaanna. I Ya'u, Mawu, buatte nabbisara.

YEHEZKIEL 20:33

“Sulal᷊ummu arang-Ku, Ruata apan biakka, Mawu Apan Atanggaṛṛanne, i yamiu Ta'u iapanaungnga manungku ana waugu asasa'u-U, i yamiu sarun parentang-Ku ringannu maṛṛagissa wuṛṛu matotogga ma'oman sara i yamiu maasingkatta taṛṛino-U. I yamiu apan buatte Ta'u nisal᷊iawukka.

NAHUM 3:18

Ei ratun wanua Asyur! Manga gubernurenu natete, wuṛṛu manga bupatinu niamatiil᷊ante saran mal᷊annu-l᷊annu. Tumanangngu nassal᷊iawukke su panenteanna, wuṛṛu tawe saran sangkatou apan mapangapiddi mangitou mapul᷊e apia.