YEREMIA 51:53 - WUKE SUSI WATTI'U AL᷊AL᷊USASSA

⁵³ Salaiwe Babel ma'asaa langitta wuṛṛu ma'ola'a tanda'a apan tawe a'omanna, i Ya'u sidutu sarun mandolokku taumata inai manggohakka. I Ya'u, Mawu, buatte nabbisara.”

YEREMIA 51:53 Referans Kwoze

YEREMIA 49:16

I'o niawusuannu awawunganu. Taweddu mata'unnu ere su sunnanu. I'o uatana'a su manga wallattu watu, marau su puiddu wowone. Arawe, salaiwe i'o ma'ola'a wal᷊enu sutampa apan atanggaṛṛanne, ere atanggakku salakku manu'a asiaṛṛe, Mawu sarun mapal᷊intukku wua isudde. Tumba'u Mawu apan namasingkattu sarangkanambone udde.”

PANDARIADDI 11:4

Unni mangitou, “Wette i ite mapararisikku soa ringannu sambau candi apan puidde maddatingngu langitta, tadea'u i ite tumelengnga wuṛṛu tawe massal᷊iawukka su ahewallu runia.”

YEREMIA 51:25

Ei Babel, i'o naal᷊ihidda wowone apan nanggohakku ahewallu runia. Arawe i Ya'u, Mawu, sarun mando'appa si'o. I'o sarun Ta'u wol᷊enganna wuṛṛu Ta'u ital᷊inggi see Ta'u iwala matambunna maola'a awu.

AMOS 9:4

Amungkangngu i mangitou niatawannu seetta, i Ya'u sarun mamarenta tadea'u i mangitou pateanna. I Ya'u naddiandi tadea'u manginsue si mangitou, wuṛṛu sarun tawe massumbala si mangitou.”

DANIEL 4:30

i ya'u nabbisara, “Pa'ellege, apiawe eteapa soa Babel! Eta i ya'u apan na'ola'a nabbal᷊i inangngu araratuanna ipammasingkattu taṛṛino wuṛṛu atatoha'u, awawantuga wuṛṛu atatelengku!”

YEREMIA 51:58

Darandungngu Babel apan mangkatohassa sarun Ta'u hohaṛṛanna ma'oman sara maddatakku leta'a. Ngarane apan mangkatanggakka sarun Ta'u soṛṛowanna sara masue. Tawe gunane inasaharannu manga walahanna, ana waugu anambon hessin manaran mangitou sarun ametannu ara'e masorobbu putungnga. I Ya'u, Mawu Apan Lembontaṛṛino, buatte nabbisara.”

YEREMIA 51:48

Al᷊awo'u saranapa su langitta wuṛṛu su runia sarun lumuassa napawe Babel manawo su liman balahanna wuassu sawannakka apan nirumanta mapa'unone.

YEREMIA 51:11

Mawu buatte nanondo manga ratu Media, ana waugu i Tou mappulu makkimunsa'a Babel. Eteudde lal᷊an-Ne i Tou mabbal᷊issa inolaannu manga taumata apan nakkimunsa'a wal᷊e-Ne. Manga tembonannu wuntuannu tantaran pangalo namarenta, “Takko'e anaanna! Riahite allungnga!

YEREMIA 50:45

Ana waugu udde, paddaringikke apa apan Ta'u ihol᷊aga su saruannu soan Babel, wuṛṛu apa apan Ta'u olaanna su saruannu tumanange. Al᷊aṛṛana'i mangitou lai sarun wol᷊enganna inai, wuṛṛu anambon taumata sarun mata'utta.

YEREMIA 50:25

Gudangu ahi-U buatte Ta'u niwu'a, wuṛṛu ringannu nasa'u Ta'u nisabbangnga manga ahidda udde, ana waugu i Ya'u Mawu Apan Lembontaṛṛino ṛinone ma'ola'a sambau manara su Babel.

YEREMIA 50:21

Mawu nabbisara su sambau walahanna wuassu sawannakka, “Pangaloite tumana'u Merataim wuṛṛu Pekod. Pate wuṛṛu insuete i mangitou. Amata'e parenta-U. I Ya'u, Mawu, buatte nabbisara.”

YESAYA 47:7

I'o massunna manungku i'o maola'a ratu sarangkal᷊o'enge, wuṛṛu tawe maatutukka ara'e maṛṛingiddu panginsueanne.

YESAYA 47:5

Mawu nabbisara su Babel, “Paal᷊annabba, wuṛṛu suttate sulal᷊ummu ararandumma. I'o tate lai isaggo ‘Ratu manga araratuanna.’

YESAYA 41:25

I Ya'u buatte nangal᷊oren sangkatou wuassu ra'i: i Ya'u niwaggoanna i tou iapapangalo wuassu sawannakka. Manga tembonanne sarun ṛindanna ere labbo, ere mandarunna urinna maṛṛinda leta'a maddeetta.

YESAYA 13:17

Mawu nabbisara, “i Ya'u nangal᷊oren walahannu Madai iapapangalo Babel. I mangitou tawe aonggol᷊annu sal᷊a'a ara'e wul᷊awanna.

AYUB 20:6

Salaiwe awawantuge naddatingngu winalanganna, na'oman sara puane nangeṛṛetta winabbawa,

YEREMIA 51:56

I mangitou nirumanta manggohakku Babel, mannametta manga tantarane wuṛṛu namaddi manga ahiddi mangitou. Ete i Ya'u Mawu apan makkuumannu al᷊al᷊eo, wuṛṛu Babel sarun Ta'u wal᷊isanna uasul᷊ungngu inolaanne.

AMOS 9:2

Salaiwe i mangitou sumuṛṛi inai watukku runian taumata nate, i Ya'u sarun mamol᷊engnga si mangitou. Salaiwe i mangitou ire'e umawitta su langitta, i Ya'u sarun manossokki mangitou wua poiaroddi.

HABAKUK 2:9

Niawontohante i'o! I'o napaalan amonannu ringannu auntunganna apan niasombangannu ringannu araṛṛagissa, tadea'u wal᷊enu sassane mal᷊angnganna wuṛṛu maliu wuassu asasusa wuṛṛu asasilaka.