YEREMIA 51:48 - WUKE SUSI WATTI'U AL᷊AL᷊USASSA

⁴⁸ Al᷊awo'u saranapa su langitta wuṛṛu su runia sarun lumuassa napawe Babel manawo su liman balahanna wuassu sawannakka apan nirumanta mapa'unone.

YEREMIA 51:48 Referans Kwoze

SONDAPPA 18:20

Ei surga, lala'e ana waugu aṛṛaṛṛimunsa'u soa udde! Ei, al᷊aṛṛana'u Ruata, manga rasul, manga nabi, lala'e! Ana waugu Ruata suete naṛṛuumanni tou maola'a sambau bawal᷊issu sarangkanambone apan niola'i mangitou si yamiu!

YESAYA 44:23

Paggiote ringannu al᷊al᷊uassa, ei langitta, paggiote, ei wantan dunia! Paggioten lal᷊uassa, ei manga wowone! see lai mahurangnge wuṛṛu suapan punnu alu sulal᷊umme! Ana waugu Mawu buatte napal᷊iatta'u awawantu-Ge ringannu nanubbussa Israel uman-Ne.

YEREMIA 50:3

Sambau walahanna wuassu sawannakka sarun dumanta mamangalo Babel wuṛṛu ma'ola'a wanua udde mabbal᷊i wadda'a apan maṛṛasa. Taumata wuṛṛu winatangnga sarun tumal᷊angnga, wuṛṛu tate lai apan maapulu matana'a poiaroddi.”

YESAYA 49:13

Pangantarite ei langitta, paggiote ei runia, ei manga wowone, paggioten al᷊al᷊uassa! Ana waugu Mawu nirumanta mallimbatta uman-Ne, I Tou mandangngu uman-Ne apan niallangnga.

YESAYA 48:20

Roote wuṛṛu tal᷊angke su Babel, al᷊iata'e watti'a indi su al᷊awo'u tampa. Pasingkata'e ringannu aintul᷊in al᷊al᷊uassa: “Mawu buatte nanal᷊amatta Israel, allang-Nge!

YEREMIA 50:41

Sambau walahanna apan matohassa tantal᷊anna u'amatta wuassu wanua apan marau su sawannakka. I mangitou nirumanta suadio'a ringannu mararatu inai mapapangalo.

YEREMIA 50:9

I Ya'u sarun mangal᷊oren anambon balahanna apan mangkatohassa wuassu sawannakka tadea'u i mangitou mamangalo Babel. I mangitou sarun mangatokku barisanna mapapangalo mando'appa Babel wuṛṛu mamaddone. I mangitou udde manga taṛṛa piti'a pande apan anaanne tawe massal᷊a.

AMSAL 11:10

Soa maṛṛamaga amungkangngu taumata matul᷊idda maasomba wiakke; tumana'u soa lullala'a napawe taumata lal᷊eo nate.

YEREMIA 51:56

I mangitou nirumanta manggohakku Babel, mannametta manga tantarane wuṛṛu namaddi manga ahiddi mangitou. Ete i Ya'u Mawu apan makkuumannu al᷊al᷊eo, wuṛṛu Babel sarun Ta'u wal᷊isanna uasul᷊ungngu inolaanne.

YEHEZKIEL 35:14

I Ya'u Mawu Apan Atanggaṛṛanne nabbisara: Ahewallu runia sarun mal᷊uassa sutempo ahewallu wanuanu Ta'u olaanna wadda'a apan mal᷊annabba,