YEREMIA 51:43 - WUKE SUSI WATTI'U AL᷊AL᷊USASSA

⁴³ Manga soane nabbal᷊i tampa apan maata'utta, ere wadda'u anne apan maṛṛasa. Tawe taumata apan mappulu matana'a ara'e sumabbi isudde.

YEREMIA 51:43 Referans Kwoze

YEREMIA 2:6

I Ya'u tate pandumanna; i Ya'u, apan buatte nangehetta si mangitou su lal᷊anna, wuṛṛu nangapiddi mangitou sinumabbangnga wuassu Mesir niumamattu wadda'u anne, wageangngu leta'a maṛṛasa apan manambo liobbongnge, see lai mamara wuṛṛu ma'asilaka – wadda'a apan taweddu uatana'a wuṛṛu tawe amatanna!

YESAYA 13:20

Tate saran sangkatou apan matana'a poiaroddi. Tate taumatan Arab mamamal᷊intadda apan sarun mantaingngu rasanne su tampa udde, wuṛṛu tate mallal᷊u'adda winatangnga apan mangapiddu ambingnga dombane iapaanna nannal᷊o isudde.

YEREMIA 51:29

Runia tinumaraddalla wuṛṛu niumio'a ana waugu i Ya'u tantal᷊anna mappaamattu ṛiing-Ku ipa'ola'a Babel mal᷊unggukka wuṛṛu tate atanaanu taumata.

YEREMIA 51:37

Wanua udde sarun maola'a wil᷊alanna, tampa pa'imbuniannu asun ahuranganna. Taumata matta'utta maasilo udde, wuṛṛu tawe saran sangkatou apan mappulu matana'a poiaroddi.

YEREMIA 50:12

Arawe i yamiu sarun maola'a walahanna apan lembon tawe gunane suwallattu al᷊awo'u walahanna. Soanu sassane apan bahewalla udde sarun heloanna wuṛṛu pansilianna. Wanuanu sarun maola'a wadda'u anne apan maṛṛasa wuṛṛu mamara.

DARALO 46:8

Mawu Apan Lembontaṛṛino ual᷊u'adda si ite, Ruatan Yakub uapadul᷊i si ite.

YESAYA 47:11

Arawe i'o sarun aṛṛiaannu silaka, pani'annu tawe maal᷊inda'u silaka udde. I'o sarun dantannu asasilaka, wuṛṛu tawe maaro'appa. Apapate sarun dumanta ringannu mamaṛṛoro, wuṛṛu tawe iaṛṛangngonu dorone.

YEREMIA 51:62

Wua'udde aal᷊iomante arendi, ‘Mawu, I'o buatte nabbisara manungku soa indi sarun ṛimunsaan-Nu na'oman sara mawae taumata aroddi lai winatangnga mahangginna, wuṛṛu tampa indi mabbal᷊i ere wadda'u anne sarangkal᷊o'enge.’

YESAYA 34:13

Manga wal᷊en pasasubbanna wuṛṛu manga soane pia tatandangnge sarun tuwoannu aputta ṛoaanna, wuṛṛu wawanuanten asun ahuranganna wuṛṛu manu'a unta.

YEREMIA 18:16

Wanua indi buatte niola'i mangitou tampa apan maata'utta, wuṛṛu sarangkal᷊o'enge maola'a aal᷊uandaga. Sarangkanambone apan umamatta sarun mapapa'ilingngu pua ana waugu matta'utta.