YEREMIA 51:34 - WUKE SUSI WATTI'U AL᷊AL᷊USASSA

³⁴ Yerusalem niuno wuṛṛu nianna na'oman sara nasue ṛatangannu ratun Babel; i tou nanahangginna lal᷊oṛṛon soa udde ere taumata namoson botolla. Naal᷊ihidda sambau winatangnga wahewalla, i tou nangalluppa Yerusalem wuṛṛu nalloṛṛo tianne ringannu al᷊awo'a apan mapia wuassu soa udde, see lambene niramme.

YEREMIA 51:34 Referans Kwoze

YEREMIA 50:17

Mawu nabbisara, “Taumatan Israel ere ammul᷊annu domba apan a'enggenanna wuṛṛu nisal᷊iawukku singa. Paarorone i mangitou nipangaloannu ratun Asyur, wua'udde i Nebukadnezar ratun Babel nallaso'a manga duṛṛi mangitou.

YEREMIA 51:44

Bel, mongannu wanua Babel, sarun Ta'u iṛṛuumanna. I tou sarun Ta'u olaanna mapawelengngu apa apan buatte niaṛṛone. Manga walahanna tate massubba si tou apia. Manga darandungngu Babel naṛṛaate.

MATIUS 23:13

“Nasilakate i yamiu manga hurun agama wuṛṛu manga taumatan Farisi! Yamiu taṛṛa lilangkamal᷊e'a. I yamiu mannal᷊awa'a taumata ma'apulu maola'a lal᷊oṛṛon araratuannu Ruata. I yamiu sassane madiri maola'a lal᷊oṛṛon araratuannu Ruata, wuṛṛu taumata waine apan maapulu, sassal᷊awaanni yamiu. [

AYUB 20:15

Darotongnga nita'o apan niallumme, niwata'a nimutane; Ruata napassabbangnga wuassu tianne.

NAHUM 2:2

Atonna, Mawu sarun mapaawelengngu awawantugu Israel, tadea'u maola'a ere paarorone, tantalanna taambe nipangaṛṛoannu manga seenne.)

AMOS 8:4

Paddaringikke, ei i yamiu apan mangngallangnga taumata asiangnga su wanua indi na'oman sara i mangitou nate!

LAL᷊ALLU 2:16

Anambon see'u ma'ellega hatinu ringannu maddantinna, i mangitou lullagenu wuṛṛu mammansaga. I mangitou mabbisara, “Soa udde buatte nihohakki yami! Panginsueanne nia'omante lai tempone apan mal᷊annute laṛṛaddoanni yami!”

LAL᷊ALLU 1:1

Aroddi al᷊annabbe Yerusalem orassa indi, soa apan al᷊amonane rame atonna. Dorone tinumelengnga wuassu al᷊awo'u manga walahanna, orassa indi naola'e ere wawine wal᷊u. Dorone soa apan mangke raddaloanna, orassa indi niola'e allangnga.

YEREMIA 51:49

Manambo taumata su ahewallu runia nate niapate ana waugu Babel, arawe orassa indi Babel sarun manawo ana waugu taumatan Israel nipate. I Ya'u, Mawu, buatte nabbisara.”

YEREMIA 50:7

I mangitou nitalliwunanna wuṛṛu nisansaran anambon taumata apan nassomba mangitou. Manga seettu uma-U mabbisara, ‘Apa apan niola'i ite, tawe sal᷊ane, ana waugu manga taumata udde narosate su lantakku hati Mawu. Al᷊amonan mangitou mangngimanna Mawu, nariaddi ṛinone lai i mangitou sidutu satia si Tou.’

YESAYA 34:11

Manu'a tamingnga wuṛṛu landak sarun mamanua isudde, mammeo wuṛṛu gagak sarun matana'a poiaroddi. Mawu sarun ma'ola'a leta'a udde al᷊iba'ukka wuṛṛu tawe loṛṛone ere taambe niriaddi paarorone.

AMSAL 1:12

Orassa indi i mangitou mabbiakka su al᷊al᷊uassa wuṛṛu wadangnga mapia, arawe sal᷊immurine i mangitou sarun maola'a ere taumata apan tumaniten susa.

DARALO 74:13

Ringannu atatohassa apan wahewalla I'o nama'a tahal᷊oangnga, wuṛṛu namesangnga puan manga naga su tahal᷊oangnga.

HOSEA 8:8

Naal᷊ihidda urinna apan napesangnga, aroddi lai Israel apan tate gunane, wuṛṛu naola'a walahanna wiasa ere manga walahanna waine.

YESAYA 42:22

Arawe walahanna udde nasuete pinangaṛṛoanna; i mangitou tinaṛṛanganna su manga wabbo'a sulal᷊ummu leta'a, wuṛṛu nitaṛṛo sulal᷊ummu manga tuttupanna. I mangitou naola'a sol᷊ene wuassu pangangaṛṛo udde, wuṛṛu taweddu nirumanta mangontolla.