YEREMIA 51:28 - WUKE SUSI WATTI'U AL᷊AL᷊USASSA

²⁸ Riahite manga walahanna inai mapapangalo lumawangnga Babel. Waggoi manga ratu Media suadio'a ringannu manga tembonanne wuṛṛu manga piaṛṛangnge see tantara wuassu al᷊awo'u wanua apan paparentanni mangitou.

YEREMIA 51:28 Referans Kwoze

YEREMIA 51:11

Mawu buatte nanondo manga ratu Media, ana waugu i Tou mappulu makkimunsa'a Babel. Eteudde lal᷊an-Ne i Tou mabbal᷊issa inolaannu manga taumata apan nakkimunsa'a wal᷊e-Ne. Manga tembonannu wuntuannu tantaran pangalo namarenta, “Takko'e anaanna! Riahite allungnga!

DANIEL 9:1

Su tonna paarorone pamamarentan Darius taumatan Media, ana'i Ahasyweros su araratuannu Babel, i ya'u Daniel, mangke mabbasan manga buken agama. I ya'u maṛṛingidda manungku tumuṛṛutu wisaran Mawu si Nabi Yeremia, soan Yerusalem sidutu sarun mahohakka al᷊annune pitun pul᷊o su tonnane.

DANIEL 8:20

Domba esakka apan aellehannu udde, apan pia tandungnge darua, mabal᷊o araratuannu Media wuṛṛu Persia.

DANIEL 6:8

I yami sarangkanambone apan mallu'adda araratuanni Tuangku, mawae manga mandariaga, manga gubernure wuṛṛu manga tembonanne waine, buatte nabbaidda maddorongnga tadea'u Tuangku mapasabbangngu suratta parenta apan ṛinone tattuṛṛutanna ringannu atonna-tonna. Ṛinone Tuangku mamarenta tadea'u su al᷊annunne tallun pul᷊o su allone tawe saran sangkatou iwala mangapiddu darorongnga suwallattu sambau monganna ara'e taumata, tabbene'e si Tuangku sassane. Isai-sai apan nilumawangnga parenta udde sarun itaṛṛo sulal᷊ummu loṛṛangngu singa.

YEREMIA 51:27

“Ei ratu wuassu sawannakka! Onggol᷊eten tatialan pangalo! Tiuppe trompetta tadea'u manga walahanna maaringikka! Diarraa'e manga walahanna inai mapapangalo lumawangnga Babel! Doloṛṛa'e araratuannu Ararat, Mini wuṛṛu Askenas mamangalo. Pamilete sangkatou panglima iapapiaṛṛa'u pangalo udde. Piaṛṛa'e awal᷊o ringannu anambone ere ammul᷊annu saṛṛapalanna.

YESAYA 21:2

I ya'u naasomba sondappa su ola'u manga arariadianna apan ma'ata'utta; su ola'u pandal᷊al᷊eo wuṛṛu pamamate. Inaite, tantaran Elam, pangaloite! Ei tantaran Madai, liwunete! Ruata sarun manguddussu anambon asasusa apan nirumanta waugu Babel.

YESAYA 13:17

Mawu nabbisara, “i Ya'u nangal᷊oren walahannu Madai iapapangalo Babel. I mangitou tawe aonggol᷊annu sal᷊a'a ara'e wul᷊awanna.

ESTER 10:2

Al᷊awo'u inolaanne apan wahewalla wuṛṛu maatiangnga, wuṛṛu lai manga watti'a nasuungnga su ereapa i tou nanenegi Mordekhai naola'a tembonanne, niwoṛṛetta sulal᷊ummu buken watti'u manga ratun Persia wuṛṛu Media.

ESTER 1:3

Su tonna atallune pamamarentane, Ratu Ahasyweros na'ola'a andeangnga wahewalla hunan anambon tenbonanne wuṛṛu mamanaran araratuanne. Manga tembonannu tantaran Persia wuṛṛu Media nirumanta lai su andeangnga udde, aroddi lai manga gubernure wuṛṛu manga piaṛṛa'u propinsi apan atanggaṛṛanne.

1 TAWARIKH 1:5

Al᷊aṛṛana'i Yafet eteudde i Gomer, i Magog, i Madai, i Yawan, i Tubal, i Mesekh wuṛṛu i Tiras. Ete i mangitou udde al᷊amonan apan nisaggo tumuṛṛuttu aranni mangitou.

PANDARIADDI 10:2

Al᷊aṛṛana'i Yafet eteudde i Gomer, i Magog, i Madai, i Yawan, i Tubal, i Mesekh wuṛṛu i Tiras.

YEREMIA 25:14

Manga inolaannu taumatan Babel sarun Ta'u wal᷊isanna; i mangitou sarun allangngannu manga ratu wahewalla wuṛṛu anambon balahanna.’ ”

YEREMIA 50:41

Sambau walahanna apan matohassa tantal᷊anna u'amatta wuassu wanua apan marau su sawannakka. I mangitou nirumanta suadio'a ringannu mararatu inai mapapangalo.

YEREMIA 51:29

Runia tinumaraddalla wuṛṛu niumio'a ana waugu i Ya'u tantal᷊anna mappaamattu ṛiing-Ku ipa'ola'a Babel mal᷊unggukka wuṛṛu tate atanaanu taumata.

DANIEL 6:1

Napawe Belsyazar natete niapate, Darius taumatan Media nangaṛṛo adderan araratuanna. Sutempo udde uukki tou annumu pul᷊o dua su tonnane.