YEREMIA 51:27 - WUKE SUSI WATTI'U AL᷊AL᷊USASSA

²⁷ “Ei ratu wuassu sawannakka! Onggol᷊eten tatialan pangalo! Tiuppe trompetta tadea'u manga walahanna maaringikka! Diarraa'e manga walahanna inai mapapangalo lumawangnga Babel! Doloṛṛa'e araratuannu Ararat, Mini wuṛṛu Askenas mamangalo. Pamilete sangkatou panglima iapapiaṛṛa'u pangalo udde. Piaṛṛa'e awal᷊o ringannu anambone ere ammul᷊annu saṛṛapalanna.

YEREMIA 51:27 Referans Kwoze

PANDARIADDI 10:3

Papapulunni Gomer eteudde tumana'u Askenas, Rifat wuṛṛu Togarma.

1 TAWARIKH 1:6

Papapulunni Gomer eteudde taumatan Askenas, Rifat wuṛṛu Togarma.

PANDARIADDI 8:4

Su allo appul᷊one pitu wul᷊anna appitune, apalla udde nisiladde su sambau puiddu panenteannu Ararat.

YEREMIA 51:12

Onggol᷊eten tialane napawe mamangalo manga darandungngu Babel. Tohasse pandariagga. Atoṛṛa'e mallaṛṛapa. Saddiate pananametta!” Mawu buatte napaamattu ṛiin-Ne su saruannu taumatan Babel.

YEREMIA 50:2

“Pasea'e tatiala wuṛṛu al᷊iata'e su manga walahanna manungku Babel nanawote! Arie pa'adappinga'a olangnge udde! I Merodakh monganne naṛṛimunsa'e, wuṛṛu manga paal᷊uanne apan masandaga napesangke nattal᷊eṛṛonga, see manga mawune lembon haggeloanna.

YEREMIA 25:14

Manga inolaannu taumatan Babel sarun Ta'u wal᷊isanna; i mangitou sarun allangngannu manga ratu wahewalla wuṛṛu anambon balahanna.’ ”

YEREMIA 51:14

Mawu Apan Lembontaṛṛino nassalu ringannu watangan-Ne sassane manungku i Tou sarun mandolokku taumata anambone ere saṛṛapalanna inai mamangalo Babel, wuṛṛu i mangitou sarun mangintul᷊in hahuressan auntunganna.

YESAYA 18:3

Ei, i yamiu sarangkanambone apan uatana'a su runia! Pa'ellege amungkangngu manga waneṛṛa iruitte su puiddu manga wowone! Paddaringikke napawe trompetta tiupanna!

ZAKARIA 14:2

Mawu sarun mangammullu anambon balahanna iapapangalo Yerusalem. Soa udde sarun iaanu, manga wal᷊ene nipangngaṛṛoanna, wuṛṛu manga wawine nilal᷊eo. Sambageanganna wuassu tumanangnge sarun ṛuwoana watukku pamamuanganna, arawe lambene sarun matana,a su soa udde.

AMOS 3:6

Apa taumata su soa tawe mangiladda amungkangngu maaringikka tingikku trompetta tatialan pangalo? Wotongngewe sambau soa aṛṛiaannu asasilaka, amungkangngu Mawu tawe mandantan asasilaka udde?

YEREMIA 46:23

wuṛṛu nallol᷊okka mahurangnge maappalla apan tawe aamatanna. Tantaran seetta tawe iareengnga, mannamboanna wuassu saṛṛapalanna. I Ya'u, Mawu nabbisara.

YEREMIA 6:1

Roote tal᷊angnga, ei manga taumatan Benyamin! Tantanga'e Yerusalem! Paniuppe trompetta su Tekoa, wuṛṛu paṛṛenggama'e putungnga isaratta su Bet-Kerem! Asasilaka wuṛṛu pangalo wahewalla rumanta wuassu sawannakka.

2 MARARATU 19:37

Su allo sambau, sutempo i tou tantal᷊anna mattaṛṛamawu sulal᷊ummu wal᷊en Monganna Nisrokh, i tou nipaten hal᷊elen Adramelekh wuṛṛu Sarezer, manga umbasanne. Wua'udde i mangitou tinumal᷊angke watukku wanua Ararat. Ne i Esarhadon, parinsine waine naola'a ratu nallol᷊ossa si tou.

MAL᷊AṚṚUUNGNGA 6:5

Manga taumata udde nirumanta mangngelekka uaapiddu winatanga wuṛṛu rasanni mangitou sulal᷊ummu ammul᷊anna apan bahewalla. I mangitou wuṛṛu manga untan i mangitou tumaniten manambo na'oman sara tate iareengnga. I mangitou nirumanta nanggohakku wanua udde,

YESAYA 37:38

Su allo sambau, sutempo i tou tantal᷊anna mattaṛṛamawu sulal᷊ummu kuil Monganna Nisrokh, i tou nipaten hal᷊ele ṛattanganni Adramelekh wuṛṛu Sarezer, manga parinsine. Wua'udde i mangitou tinumal᷊angnga watukku Ararat. Ne Esarhadon, sinangianne, nabbal᷊i ratu nallol᷊ossa si tou.

YEREMIA 50:3

Sambau walahanna wuassu sawannakka sarun dumanta mamangalo Babel wuṛṛu ma'ola'a wanua udde mabbal᷊i wadda'a apan maṛṛasa. Taumata wuṛṛu winatangnga sarun tumal᷊angnga, wuṛṛu tate lai apan maapulu matana'a poiaroddi.”

YEREMIA 50:9

I Ya'u sarun mangal᷊oren anambon balahanna apan mangkatohassa wuassu sawannakka tadea'u i mangitou mamangalo Babel. I mangitou sarun mangatokku barisanna mapapangalo mando'appa Babel wuṛṛu mamaddone. I mangitou udde manga taṛṛa piti'a pande apan anaanne tawe massal᷊a.

YEREMIA 51:28

Riahite manga walahanna inai mapapangalo lumawangnga Babel. Waggoi manga ratu Media suadio'a ringannu manga tembonanne wuṛṛu manga piaṛṛangnge see tantara wuassu al᷊awo'u wanua apan paparentanni mangitou.

YOEL 3:9

Al᷊iata'e parenta indi su manga walahanna: Pandiahite inai mapangalo wuṛṛu maannammu atatohassa! Pasabbanga'e manga taumata waṛṛani wuṛṛu atumannaṛṛanne, ammul᷊a'e anambon tantara, wuṛṛu inaite!