YEREMIA 51:22 - WUKE SUSI WATTI'U AL᷊AL᷊USASSA

²² I'o Ta'u ipaatta ipamate esakka wuṛṛu wawine, timmadde aroddi lai dario'a, maṛṛuala wuṛṛu umbasanna.

YEREMIA 51:22 Referans Kwoze

2 TAWARIKH 36:17

Mawu nangal᷊oren naungngu ratun Babel tadea'u mamangalo si mangitou. Ratu udde namate taumatan Yehuda apan ta'e saṛṛen tumuwo, nasutta lai i mangitou isudde su Wal᷊en Mawu. I Tou niumakkannu saran sangkatou, mawae ete timmadde ara'e dario'a, esakka ara'e wawine, mapia ara'e maradda'a. I mangitou sarangkanambone tinatillu Ruata su ratun Babel.

YESAYA 13:18

Ringannu al᷊ati'anna wuṛṛu anaanne i mangitou sarun mamate manga taumata saṛṛen tumuwo. I mangitou tawe umakkannu ana'a maṛṛamutta wuṛṛu tawe tumal᷊antuppu dario'a.

YEHEZKIEL 9:6

Patete anambon taumata esakka wuṛṛu wawine, timmade wuṛṛu dario'a, hagurangnge wuṛṛu al᷊aṛṛanangnge. Arawe arie waṛṛani mangeṛṛetta sangkatou apan pia tatiala su pakkanne. Panattakke wua isindi, wuassu Wal᷊e-U indi.” Ne i mangitou nanatakke manara mangitou ringannu mammate manga piaṛṛa'u Israel apan tantal᷊anna uarisikka su Wal᷊en Mawu.

1 SAMUEL 15:3

Nariaddi, roote wuṛṛu pangaloite taumatan Amalek wuṛṛu ṛimunsa'a al᷊awo'u pussa'an mangitou. Arie pia sambau apan matantanga; patete anambon taumata esakka, wawine, al᷊aṛṛana'a wuṛṛu ana'a ta'e maṛṛamutta; see lai sapi, domba, unta wuṛṛu keledai.”

LAL᷊ALLU 2:11

Mata'u hinumanne ana waugu lulluai tawe illol᷊one, ṛimuu'u massusa tawe sumandingnge. Naungku natuno naasilo ahahohakku walahanna; naasilo al᷊aṛṛana'a see bayi ana'a maradio'a napinsanna su manga lal᷊annu soa.

YEREMIA 6:11

Asasa'u-Nu si mangitou lai lukkenggamma sulal᷊ummu waddangku, Mawu! Tawe iaṛṛaddanna.” Wua'udde Mawu nabbisara, “Sopa'e asasa'unu udde su al᷊aṛṛana'a su manga lal᷊anna wahewalla wuṛṛu su manga taumata umbasanna maṛṛuala apan tantal᷊anna uaammulla. Esakka wuṛṛu wawine sarun sametanna, wuṛṛu ingana'a timmadde lai tawe mal᷊iudda.

YESAYA 13:16

I mangitou sarun mabbiala ana'i mangitou ta'e maṛṛamutta ṛimunsaanna, manga wal᷊e mangitou anuanna wuṛṛu manga awingnge laṛṛampasanna.”

TAHIUL᷊E 32:25

Pangalo sarun mangapiddu papate su manga lal᷊anna; atata'utta sarun maṛṛia'a su manga taumata su wal᷊en. Umbasanna wuṛṛu maṛṛuala sarun pateanna, wuṛṛu lai ana'a maradio'a see lai taumata timmadete.

YESAYA 20:4

Ratun Asyur sarun manawanna manga taumatan banua darua udde wuṛṛu i mangitou sarun ul᷊uhanna ara'e iapidda ringannu tantol᷊e. Timadde wuṛṛu dario'a, sarangkanambone sarun umamatta tawe laubba wuṛṛu apampakku ledda ringannu ottane ia'asilo, maola'a hahelo su taumatan Mesir.

YESAYA 13:15

Isai-sai apan asametanna sarun usu'anna sara iapate.

YEREMIA 44:7

Wuṛṛu orassa indi Ya'u, Mawu Apan Lembontaṛṛino, Ruatan Israel, maiwal᷊o anio i yamiu ma'ola'a inolaanna apan maarantan asasilaka apan bahewalla su watangannu. Apa i yamiu mappulu mamate anambon taumata – esakka, wawine, al᷊aṛṛana'a, wuṛṛu ana'a ta'e addio'a – ma'oman tawe saran sangkatou wuassu walahannu apan mallambe?

YEREMIA 50:37

Naṛṛussa'e awal᷊o wuṛṛu keretan pangalone! Natete manga tantara nassewanne! Aroddi al᷊omene i mangitou! Nasuete pa'aalan Babel! Aṛṛote manga darotongnge!

YEREMIA 51:23

I'o Ta'u ipaatta ipamate mallal᷊u'adda wuṛṛu winatangnga papadul᷊iananne, mabbawailla wuṛṛu sapin pajekone, tembonanne wuṛṛu manga perwira atanggaṛṛane.”

LAL᷊ALLU 2:21

Timmadde dario'a nate uatal᷊allada su lal᷊anna, manga saṛṛen tumuwo naten hal᷊ele. Su allo I'o masa'u, I'o naṛṛata si mangitou ringannu tawe apendamma umakkanna.