YEREMIA 51:16 - WUKE SUSI WATTI'U AL᷊AL᷊USASSA

¹⁶ Tumba'u ringannu mangonggollu parenta, mangngelekke ua'e su winalanganna. Wuassu manga pentakku runia niaparanta-Ne winabbawa, wuṛṛu niolang-Nge sawallo malleessa sulal᷊ummu uranna, see niaparanta-Ne anginna wuassu tampa araddoanne.

YEREMIA 51:16 Referans Kwoze

DARALO 135:7

Wuassu pentakku runia i Tou nandantan winabbawa, i Tou na'ola'a sawallo hunan kuranna. Ana see i Tou namarenta anginna tadea'u sumabbangnga wuassu tampa pangaddoanne.

YUNUS 1:4

Yunus nilumintukka su tampa apan al᷊iuwowane wuṛṛu nilumallowangnga isudde, ana see niamatiil᷊anna mal᷊angnga. Wua'udde Mawu nandantan anginna ma'ikkatta su tahal᷊oangnga, ana see nariaddite tandi'a apan wahewalla, apan namuulla apalla udde na'oman sara maranite mapesangnga. Manga mamanaran apalla tumaniten matta'utta wuṛṛu mangngintulite maiontolla, sangkatou-sangkatou su monganne sassane. Su ipanggaingnga asasilaka lumakkubba, i mangitou namarentan lurannu apalla udde su tahal᷊oangnga.

DARALO 18:13

Wuassu sawallo su saruan-Ne, sinumabbangke winabbawa, uranna eisse wuṛṛu putungnga.

YUNUS 4:8

Napawe matannallo sinumabbangke, Ruata nandantan anginna mal᷊oso apan nattiuppa wuassu ra'i. Yunus maraniten napinsanna ana waugu niaṛṛinoannu samakku matannallo apan ereola'u mannutungnga puane. I tou tate ṛingidda wuṛṛu mappulute mate. Wisarane, “Mappianne i ya'u mate sul᷊ungnge wiakka!”

AMOS 9:7

Mawu nabbisara, “Ei umattu Israel, i Ya'u mannutukka taumatan Sudan uasul᷊ungnga ere lai i Ya'u mannutukka si yamiu. I Ya'u buatte nangapiddu taumatan Filistin wuassu Kreta wuṛṛu taumatan Siria wuassu Kir uasul᷊ungnga ere lai i Ya'u nangapiddi yamiu wuassu Mesir.

YEHEZKIEL 10:5

Tingikku sal᷊iappakku papaiddu manga mala'ekatta udde aaringiṛṛanna sara rallakka su liudde, naal᷊ihidda tingikku Ruata Apan Atanggaṛṛanne.

DARALO 147:18

Ana see wuassu parenta-Ne eisse udde nonossa; i Tou naniuppu anginna, ne ua'e nangelekke.

DARALO 104:7

Sutempo I'o namuṛṛeangnga, ua'e udde nangelekka, nangelekka ringannu masassaga ana waugu rallu'u tingik-Ku.

DARALO 78:26

I Tou lai nandolokku anginna ra'i tinumiuppa; ringannu taṛṛino-Ne anginna timukka sinumingangu.

DARALO 68:33

Pangantarite su Ruata, ei anambon araratuanna, pangantariten daralo su Mawu,

DARALO 46:6

Ruata uatana'a poiaroddi, ne soa udde tawe mahohakka; I Tou sarun mantul᷊ungnga sutempo marua allo.

AYUB 40:9

Apa i'o matohassa ere i Ya'u? Wotongngewe tingikku rumallu'a ere tingi-U?

AYUB 38:22

Buattewe i'o nattembo manga gudang-Ku pangangadoannu salju wuṛṛu uranna watu,

AYUB 37:13

Ruata nangonggollu uranna ipaṛṛolo leta'a, ara'e lai ipakkuumannu walahannu taumata; asinungka lai tadea'u iapasilo si mangitou, aroddi ahewalle darangngu-Ne apan uatialu saran mal᷊annu-l᷊annu.

SASABANGNGA 14:21

Ana see i Musa namatten limane su wowon tahal᷊oangnga, wuṛṛu Mawu na'ola'a anginna ra'i tinumiuppa ringannu ma'ikkata na'oman sara ua'en tahal᷊oangnga neṛṛetta. Su al᷊o'engngu ṛabbi anginna udde tuttiuppa, wuṛṛu namal᷊u tahal᷊oangnga nabbal᷊i leta'a mamara.

SASABANGNGA 10:19

Mawu namal᷊ute anginna nabbal᷊i anginna waṛṛatta apan tumanite ma'ikkatta. Manga taṛṛangassa udde nitiuppu anginna wuṛṛu niapidde watukku Tahal᷊oangngu Gelagahi. Saran sambau tawedu natantangnga su ahewallu leta'u Mesir.

SASABANGNGA 10:13

I Musa namatten ta'inne wuṛṛu Mawu na'ola'a anginna ra'i tinumiuppa su wanua udde su al᷊o'engngu allo wuṛṛu su al᷊o'engngu ṛabbi. Marua allo anginna udde uaapidden manga taṛṛangassa

PANDARIADDI 8:1

Ruata tawe maabul᷊in Nuh wuṛṛu al᷊awo'u winatangnga su sampunna ringanni tou sulal᷊ummu apalla udde. Ruata napatiuppu anginna, na'oman sara ua'e udde mannatakke u'eṛṛotta.