YEREMIA 51:15 - WUKE SUSI WATTI'U AL᷊AL᷊USASSA

¹⁵ Mawu nandiaddi runia ringannu taṛṛino-Ne, nallanginnu saṛṛen dunia ringannu asingkan-Ne, wuṛṛu namilattu langitta ringannu asasirrong-Nge.

YEREMIA 51:15 Referans Kwoze

SONDAPPA 4:11

“O Mawu, O Ruatang kami! Tumba'u I'o sassane apan wotongnge manengkama daralo, addata wuṛṛu taṛṛino. Ana waugu ete I'o apan na'ola'a sarangkanambone, wuṛṛu wuassu apulu-Nu lai sarangkanambone udde suete nariaddi wuṛṛu wiakka.”

YEREMIA 32:17

“Mawu Apan Atanggaṛṛanne, ete I'o nandiaddi langitta wuṛṛu runia ringannu taṛṛino wuṛṛu auatan-Nu apan bahewalla. Tawe saran sambau apan masahadda Si'o.

ROMA 1:20

Ro'en Duata nandiaddi runia, pallal᷊agun Duata apan tawe asiloanna, eteudde olangnge ere Ruata wuṛṛu taṛṛino-Ne apan uatialu, wotongnge asunnannu taumata wuassu al᷊awo'u niriaddianne. Nariaddi taumata tawe pangaiananne mapaaṛṛinon batanganne.

WATTI'U MANGA RASUL 14:15

“Ei, anio i yamiu ma'ola'a arendi? I yami indi taumata ere lai yamiu! I yami rudanta mamasingkattu Watti'u Al᷊al᷊uassa si yamiu tadea'u i yamiu manantangngu inolaanna lal᷊eo indi wuṛṛu rumanta ringannu Ruata apan biakka, nandiadi langitta wuṛṛu runia wuṛṛu tahal᷊oangnga wuṛṛu anambon lal᷊oṛṛone.

AMSAL 3:19

Ringannu asingkatta, Mawu nandiaddi runia; ringannu darangngu-Ne i tou namilattu langitta su tampa-Ne.

AYUB 9:8

Niwilanne winalanganna ringannu taweddu nallal᷊ima; ringanna niṛṛinda liuddu atoannu tahal᷊oangnga.

ROMA 11:33

Ala atonna Ruata! Wahewalla atonna apapande-Ne wuṛṛu asingka-Ne! Isai wotongnge maasingkata al᷊awo'u manga laṛṛawen-Ne? Isai wotongnge maasunna manga olangnge i Tou mammanara?

YESAYA 45:12

Ete i Ya'u Mawu apan nandiaddi runia, wuṛṛu nandiaddi taumata mamanua isudde. Ringannu taṛṛino-U i Ya'u namilattu langitta, wuṛṛu namarenta matannallo, wul᷊anna wuṛṛu manga anumpitanna.

YESAYA 44:24

Etearendi wisara Mawu Mananal᷊amannu apan nandiaddi si'o ro'en ta'e sulal᷊ummu illoṛṛo, “Ete i Ya'u Mawu apan nandiaddi al᷊awo'a, apan sassane namilattu langitta, wuṛṛu taweddu nassumbala nandiaddi runia.

YESAYA 42:5

Mawu Ruata nandiaddi wuṛṛu namilattu langitta; i Tou na'ola'a runia wuṛṛu al᷊awo'a apan tuttuwo su leata'a. I Tou nangonggollu sasangngo ipabbiakka wuṛṛu niawa. I Tou nangonggollu tanata indi su allang-Nge.

YESAYA 40:26

Paningngarate langitta, wuṛṛu panutukke! Isaite apan nallanginnu manga anumpitanna? I Tou apan mangngatokki mangitou naal᷊ihidda ere barisanna, i Tou masingkattu anambon mangitou sarangkanambone, wuṛṛu mammaggo sambau-sambau ringannu aranne. Tawe saran sambau apan mawul᷊i ana waugu ahewallu taṛṛinon Mawu!

YESAYA 40:22

Iapa nandiadi uaṛṛamba'a roso su al᷊imboin dunia, tumanangnge a'asiloanna maraddio'a ere taṛṛangassa. I tou namilattu langitta ere mal᷊aṛṛenessa, wuṛṛu namasen langitta naola'a ere rasanna apan atanaanna.

DARALO 136:5

Ringannu apande-Ne i Tou na'ola'a langitta; darangngu-Ne tawe panguddusanne.

DARALO 104:2

wuṛṛu aoosannu asasemakka. I'o namataddu langitta ere rasanna,

WATTI'U MANGA RASUL 17:24

Ruata apan nandiaddi runia indi wuṛṛu al᷊awo'u lal᷊oṛṛone, ete i Tou Ruatan su langitta wuṛṛu runia. I Tou tawe uatana'a su manga wal᷊em paal᷊uanna apan niola'u taumata.

YESAYA 51:13

Ṛatadde i'o naabul᷊ite Mawu Mandariadinu apan namilattu langitta wuṛṛu nangaddo mal᷊ita'u runia? Anio su al᷊o'engngu allo i'o matta'utta? su araṛṛagissu taumata lal᷊eo apan nasaddiate makkadda'a? Mangke atonna, araṛṛagissi mangitou udde tawe ma'autinga si'o.

YESAYA 48:13

Lima-U nangaddon mal᷊ita'u runia wuṛṛu namil᷊attu winalanganna. Napawe i Ya'u mamaggo aranne, ringannu mal᷊ihakka i mangitou rumanta.

DARALO 107:25

Wuassu parenta-Ne tinumiuppe anginna al᷊isusu wuṛṛu tahal᷊oangnga nattandi'e.

DARALO 104:24

Aroddi anambone lanna'u manara-Nu, Mawu, sarangkanambone niolang-Ngu ringannu apande; runia napenen lanna'u lima-Nu.

YEREMIA 27:5

“Ringannu taṛṛino-U apan bahewalla wuṛṛu ringannu atatoha-U i Ya'u wotongnge mangonggolla sisai-sai apan ipaapulu-U.

ZAKARIA 12:1

Eteindi tanatan Mawu su ola'u Israel. Mawu apan namataddu langitta, nandiaddi runia nangonggollu wiakka su taumata nabbisara,