YEREMIA 51:14 - WUKE SUSI WATTI'U AL᷊AL᷊USASSA

¹⁴ Mawu Apan Lembontaṛṛino nassalu ringannu watangan-Ne sassane manungku i Tou sarun mandolokku taumata anambone ere saṛṛapalanna inai mamangalo Babel, wuṛṛu i mangitou sarun mangintul᷊in hahuressan auntunganna.

YEREMIA 51:14 Referans Kwoze

AMOS 6:8

Ringannu maṛṛagissa Mawu Apan Lembontaṛṛino wuṛṛu Atanggaṛṛanne buatte nangonggollu pananaungnga indi, “I Ya'u maddantinnu atatanggakku umattu Israel; i Ya'u tawe mal᷊uassa ringannu manga wal᷊en araratuanni mangitou apan mangkapia. Inangngu soan mangitou ringannu sarangkanambone apan sulal᷊umme sarun Ta'u itantilla su seetta.”

YOEL 2:25

I Ya'u sarun mallana'a al᷊awo'u ararugiannu su manga tonna sutempo saṛṛappalanna niumanna hessin pangitingannu. Ana waugu ete i Ya'u apan nandolokku ammul᷊annu saṛṛappalanna udde si'o.

YEREMIA 50:15

Intul᷊ia'e hahoressan pangalo pamal᷊iwuta'a soa udde! Orassa indi Babel nawaddote. Manga darandungnge buatte nihohakka wuṛṛu naṛṛaate. I Ya'u tantal᷊anna mabbal᷊issa Babel. Ana waugu udde sansaraite i mangitou ere lai i mangitou mannansara taumata waine.

YEREMIA 49:13

I Ya'u massalu ringannu arang-Ku sassane manungku soa Bozra sarun maola'a tampa apan ma'ata'utta apan nitantangngu taumata. Taumata sarun lumagene wuṛṛu mappaattu aranne maola'a wawontoga. Anambon ampungnga maranine sarun mabbal᷊i winal᷊alanna saran mal᷊annu-l᷊annu. I Ya'u, Mawu, buatte nabbisara.”

IBRANI 6:13

Su tempo Ruata na'ire si Abraham, i Tou nassalu manungku i Tou sarun mapaatipussu apa apan suete pina'ire-Ne. Wuṛṛu ana waugu tawedu mattanggaṛṛanne wuassu Ruata, ne i Tou nassalu ringannu aran-Ne sassane.

YEREMIA 51:27

“Ei ratu wuassu sawannakka! Onggol᷊eten tatialan pangalo! Tiuppe trompetta tadea'u manga walahanna maaringikka! Diarraa'e manga walahanna inai mapapangalo lumawangnga Babel! Doloṛṛa'e araratuannu Ararat, Mini wuṛṛu Askenas mamangalo. Pamilete sangkatou panglima iapapiaṛṛa'u pangalo udde. Piaṛṛa'e awal᷊o ringannu anambone ere ammul᷊annu saṛṛapalanna.

YEREMIA 46:23

wuṛṛu nallol᷊okka mahurangnge maappalla apan tawe aamatanna. Tantaran seetta tawe iareengnga, mannamboanna wuassu saṛṛapalanna. I Ya'u, Mawu nabbisara.

MAL᷊AṚṚUUNGNGA 6:5

Manga taumata udde nirumanta mangngelekka uaapiddu winatanga wuṛṛu rasanni mangitou sulal᷊ummu ammul᷊anna apan bahewalla. I mangitou wuṛṛu manga untan i mangitou tumaniten manambo na'oman sara tate iareengnga. I mangitou nirumanta nanggohakku wanua udde,

DARALO 105:34

Wuassu parenta-Ne, nirumantate taṛṛangassa, reenganne tumaniten manambo, tawe iareengnga.

YEREMIA 44:26

Arawe orassa indi paddaringikke apa apan Ta'u iwisara si yamiu, ei taumatan Israel su Mesir: i Ya'u, Mawu, massalu ringannu arang-Ku apan mawantuga manungku i yamiu tate lai Ta'u iwala mappaattu arang-Ku ipakiinnu sambau paaire. I yamiu tawe wotongnge mabbisara, ‘I Ya'u massalu ringannu arannu Ruata apan biakka!’