YEREMIA 51:13 - WUKE SUSI WATTI'U AL᷊AL᷊USASSA

¹³ wanua tumaniten ala wuṛṛu manambo sal᷊ukke, arawe tempom pabbiaṛṛanne nasuete; panginsueannu pabbiaṛṛanne na'omate.

YEREMIA 51:13 Referans Kwoze

SONDAPPA 17:1

Wua'udde sangkatou wuassu sire pitu mala'ekatta apan uaggasa cawanna pitu udde nirumanta ringangku wuṛṛu nabbisara, “Wette, i ya'u sarun manta'e si'o ereapa sumasandaga apan wahewalla udde sarun iṛṛuumanna, eteudde soa wahewalla apan niapararisikka su winggi manga sal᷊ukka.

SONDAPPA 17:15

Mala'ekatta udde nabbisara lai, “Ua'e apan aellehannu udde, tampan aianannu sumasandaga udde, eteudde manga walahanna, manga tumana'u soa, manga araratuanna wuṛṛu manga wahasa.

YESAYA 45:3

Ne i'o sarun Ta'u onggol᷊annu darotongnga pa'aala apan uawuni, tadea'u i'o maasingkatta ete i Ya'u Mawu, Ruatan Israel, apan buatte namaggo si'o su arannu.

YEREMIA 51:36

Ana waugu udde Mawu nabbisara su tumana'u Yerusalem, “I Ya'u sarun manahekku hattonu wuṛṛu mabbal᷊issa inolaannu manga seennu si'o. Manga al᷊imatang kua'e wuṛṛu manga sal᷊ukku Babel sarun Ta'u iapaamara.

PANDARIADDI 6:13

Ana see Ruata nabbisarate si Nuh, “I ya'u buatte nakkawessa manginsue wiakku al᷊awou'u riadianna. I ya'u sarun mamate si mangitou suadio'a ringannu runia, ana waugu runia napeneten araṛṛagissi mangitou.

SONDAPPA 18:19

Ne i mangitou nangalassen awu su pua mangitou maola'a tatiala lullal᷊o, see nilumuai wuṛṛu u'ui, “Uare, wal᷊ine hampa silakane soa apan wahewalla indi! Pa'a'alane suete naaola'a anambon taumata apan uatahuanna apalla su tahal᷊oangnga nabbal᷊i ala! Arawe tumba'u sulal᷊ummu sangkaorassa, i tou inawul᷊ianten al᷊awo'u sarannapa!”

2 PETRUS 2:3

Ana waugu i mangitou masaṛṛia'u, ne manga huru awusu udde sarun mabatti'a si yamiu manga watti'a iaaṛṛangnge sassane ana see maasomba auntunganna wuassi yamiu. Arawe pamamarikisanna apan maṛṛuumanni mangitou mal᷊annute nissaddia, wuṛṛu papate apan suete nitantuna si mangitou tantal᷊anna uaraṛṛaddo si mangitou.

1 PETRUS 4:7

Sarangkanambone maraniten panginsueanne, ana waugu udde ṛinone i yamiu ua'ul᷊inna apulun wadangnga wuṛṛu uariagga, tadea'u i yamiu wotongnge umal᷊iomanna.

AMOS 8:2

Mawu naiwal᷊o, “I'o naasilo apa, Amos?” I ya'u sinumimbakka, “Sambau sal᷊angka lal᷊oṛṛoannu manga wuan kaaluanna apan nal᷊ahate.” Mawu nabbisara, “Tempone nal᷊ahate su uma-U Israel. I Ya'u tate lai mamal᷊u ṛiing-Ku wuṛṛu sarun makkuumanni mangitou.

DANIEL 5:26

Wuṛṛu eteindi atappasanne: Ireengnga tempon pamamarentan Tuangku buatte nireengngu Ruata wuṛṛu niinsuene;

LAL᷊ALLU 4:18

I yami tawe maasabbangnga watukku lal᷊anna, sumabbangnga sidutu tataṛṛasooannu seetta. Panginsueannu wiakki yami maranite, ana waugu manga allon kami natipusse.

YEREMIA 50:37

Naṛṛussa'e awal᷊o wuṛṛu keretan pangalone! Natete manga tantara nassewanne! Aroddi al᷊omene i mangitou! Nasuete pa'aalan Babel! Aṛṛote manga darotongnge!

YEREMIA 50:31

Babel, naungngu tumaniten matanggakka! Ana waugu udde i Ya'u, Mawu Apan Atanggaṛṛanne, Ruata Apan Lembontaṛṛino, mando'appa si'o. Nia'omante tempone i'o Ta'u iṛṛuumanna.

YEREMIA 50:27

Patete anambon tantarane! Ṛawate i mangitou! Nasilakate walahannu Babel! Nia'omante tempone i mangitou iṛṛuumanna!” (

YEREMIA 17:11

Naal᷊ihidda manu'u winalanganna ruddaṛṛin tallukka wal᷊ine talluke, etearoddi lai taumata apan wengkolla naasomba darotongnga. Su uukka saṛṛen tumuwo i tou sarun awul᷊iannu anambon darotongnge. Su panginsueannu pabbiaṛṛanne natialanna i tou taumata apan tumaniten boddo.

YESAYA 43:14

Mawu mananal᷊amannu, Apan Na'ukkassa su Israel, nabbisara, “Ana waugu i yamiu, i Ya'u nandolokku tantara watukku Babel, wuṛṛu Ta'u nihohakka manga papal᷊e ngaran tuttupanna; manga hion taumatan Kasdim Ta'u niwal᷊u nabbal᷊i lal᷊uai.

YESAYA 57:17

Rosan awawal᷊iu mangitou naasa'u si Ya'u, ana waugu udde i mangitou Ta'u niṛṛuumanna wuṛṛu Ta'u nitantangnga. Arawe i mangitou maattikka puane wuṛṛu sidutu mammile lal᷊anne sassane.

DARALO 137:1

Su winggin manga sal᷊ukku Babel i yami ua'ianna wuṛṛu lulluai napawe maananungnga Sion.