YEREMIA 51:11 - WUKE SUSI WATTI'U AL᷊AL᷊USASSA

¹¹ Mawu buatte nanondo manga ratu Media, ana waugu i Tou mappulu makkimunsa'a Babel. Eteudde lal᷊an-Ne i Tou mabbal᷊issa inolaannu manga taumata apan nakkimunsa'a wal᷊e-Ne. Manga tembonannu wuntuannu tantaran pangalo namarenta, “Takko'e anaanna! Riahite allungnga!

YEREMIA 51:11 Referans Kwoze

YEREMIA 50:45

Ana waugu udde, paddaringikke apa apan Ta'u ihol᷊aga su saruannu soan Babel, wuṛṛu apa apan Ta'u olaanna su saruannu tumanange. Al᷊aṛṛana'i mangitou lai sarun wol᷊enganna inai, wuṛṛu anambon taumata sarun mata'utta.

YEREMIA 50:9

I Ya'u sarun mangal᷊oren anambon balahanna apan mangkatohassa wuassu sawannakka tadea'u i mangitou mamangalo Babel. I mangitou sarun mangatokku barisanna mapapangalo mando'appa Babel wuṛṛu mamaddone. I mangitou udde manga taṛṛa piti'a pande apan anaanne tawe massal᷊a.

YEREMIA 46:9

Pattalumpe, ei awal᷊o! Aal᷊orete, ei kereta! Inaite, ei tumannaṛṛanne pangapiddu allungnga wuassu Sudan wuṛṛu Libia. I yamiu lai, ei manga mamamiti'a apianne wuassu wanua Lidia.’ ”

ZAKARIA 14:12

Mawu sarun mandantan al᷊aṛṛusa'itta apan maata'utta su anambon balahanna apan buatte napapangalo nando'appa Yerusalem. Mata wuṛṛu lila mangitou, ewe'e lai ahewallu watanganni mangitou sarun mawukku'a tantal᷊anna i mangitou ta'e wiakka.

ZAKARIA 14:2

Mawu sarun mangammullu anambon balahanna iapapangalo Yerusalem. Soa udde sarun iaanu, manga wal᷊ene nipangngaṛṛoanna, wuṛṛu manga wawine nilal᷊eo. Sambageanganna wuassu tumanangnge sarun ṛuwoana watukku pamamuanganna, arawe lambene sarun matana,a su soa udde.

YEREMIA 51:35

Tumana'u Sion, wal᷊oa'e, “Antimanna Babel aṛṛiaannu araṛṛagissa apan niolangnge si ite!” Tumana'u Yerusalem, wal᷊oa'e, “Antimanna Babel aṛṛiaannu asasusa apan niolangnge si ite!”

YEREMIA 51:24

Mawu nabbisara, “Pa'ellete ringannu matanu sassane erepa i Ya'u orassa indi mabbal᷊issa Babel wuṛṛu tumanangnge al᷊awo'u al᷊al᷊eo apan niola'i mangitou su Yerusalem.

YEREMIA 51:12

Onggol᷊eten tialane napawe mamangalo manga darandungngu Babel. Tohasse pandariagga. Atoṛṛa'e mallaṛṛapa. Saddiate pananametta!” Mawu buatte napaamattu ṛiin-Ne su saruannu taumatan Babel.

YEREMIA 50:25

Gudangu ahi-U buatte Ta'u niwu'a, wuṛṛu ringannu nasa'u Ta'u nisabbangnga manga ahidda udde, ana waugu i Ya'u Mawu Apan Lembontaṛṛino ṛinone ma'ola'a sambau manara su Babel.

YESAYA 46:11

I Ya'u namaggo sangkatou tembonanne wuassu ra'i i tou nirumanta ere sambau manu'u winalanganna apan mal᷊aṛṛaga su mapaamattu putusang-Ku. Apa apan Ta'u niwisara udde sarun Ta'u manaranna, wuṛṛu apa apan Ta'u ilakkiinna sarun Ta'u olaanna.

YESAYA 45:5

Ete i Ya'u Mawu, tawe baine, i Ya'u Ruata apan tinggassa. I'o buatte Ta'u nionggol᷊annu ahidda, salaiwe i'o tawe maaillal᷊a si Ya'u.

YESAYA 45:1

Mawu buatte namile si Kores maola'a ratu; i tou nitebbo'a iapawaddo manga walahanna wuṛṛu ipamaddi taṛṛinon manga ratu. Mawu sarun mamu'a manga ngaran soa si tou, tawe saran sambau apan nallambe uaṛṛuudda. Ete si tou Mawu nabbisara,

YESAYA 41:25

I Ya'u buatte nangal᷊oren sangkatou wuassu ra'i: i Ya'u niwaggoanna i tou iapapangalo wuassu sawannakka. Manga tembonanne sarun ṛindanna ere labbo, ere mandarunna urinna maṛṛinda leta'a maddeetta.

YESAYA 21:5

I ya'u lai naasilo andeangngu pesetta apan buatte nisaddia; tampa aianannu taumata niwagoanna nasaddiate. I mangitou u'anna ma'inumma. Inaṛṛombanganne niaringikka parenta: “Ei manga piaṛṛa'u tantara! Riahite allungngu!”

YESAYA 21:2

I ya'u naasomba sondappa su ola'u manga arariadianna apan ma'ata'utta; su ola'u pandal᷊al᷊eo wuṛṛu pamamate. Inaite, tantaran Elam, pangaloite! Ei tantaran Madai, liwunete! Ruata sarun manguddussu anambon asasusa apan nirumanta waugu Babel.

YESAYA 10:26

Ya'u Mawu Apan Lembontaṛṛino, sarun manassakka si mangitou ringannu sambokka, ere lai i Ya'u nanassakka taumatan Midian su wowone watu Oreb. Asyur sarun Ta'u iṛṛuumanna ere lai i Ya'u nakkuumannu Mesir.

EZRA 1:1

Su tonna paarorone sutempo i Kores uaparenta, ratun Persia, Mawu napaamattu apa apan buatte niwisara-Ne si Nabi Yeremia. Mawu nangal᷊oren naungngi Kores tadea'u mapasabbangngu sambau parenta apan iwasa su ahewallu araratuanne. Tingikke arendi:

2 TAWARIKH 36:22

Su tonna paarorone sutempo i Kores uaparenta, ratun Persia, Mawu nanipussu sarangkanambone apan buatte niapasingkan-Ne si Nabi Yeremia. Mawu nangal᷊oren naungngi Kores tadea'u mapasabbangngu sambau parenta apan iwasa su ahewallu araratuanne. Tingikke arendi:

1 TAWARIKH 5:26

Ana waugu udde Ruata nangal᷊oren naungngi Pul ratun Asyur, ne i tou inaite namangalo wanua udde. I Pul iasaggo lai i Tiglat-Pileser. Ana see ṛuanganni Ruben, i Gad wuṛṛu i Manasye apan uatana'a su samba'a ra'in Yordan niapidda naola'a taumata niatawanna wuṛṛu niwuangnga su Halah, Habor, Hara wuṛṛu watukku sambau tampa maranin Sal᷊ukku Gozan. Poiaroddi i mangitou natana'a wuṛṛu namanua naddatingngu allo indi.

1 MARARATU 11:23

Ruata na'ola'a lai si Rezon, ana'i Elyada, nasseetti Salomo. I Rezon uddewe allangnga apan tinumal᷊angngu watanganne wuassu tuangnge eteudde i Ratu Hadadezer wuassu Zoba.

1 MARARATU 11:14

Ne Mawu na'ola'a si Hadad, sangkatou papapulunni ratun Edom, nasseetti Ratu Salomo.

IMAMATTA 26:25

I Ya'u sarun mandantan pangalo su pattangngannu ipakkuumanni yamiu ana waugu i yamiu buatte nilumawanga pa'aire-U si yamiu. Wuṛṛu amungkangngu i yamiu ma'ammula su soanu maddea'a pattillummanna, i Ya'u sarun mandantan radda'a apan tawe iapapia, na'oman sara i yamiu sarun manantilu watangannu su seennu.

YEREMIA 46:3

“Manga tembonannu tantara Mesir manggoressa hahoressan paatehamma su tantarane, ‘Takko'e tambakka! Palluṛṛete laubba atta'a wuṛṛu araposa waja! Riahite allungnga wuṛṛu suttate sulal᷊ummu warisanna! I yamiu, tantaran awal᷊o, ampaṛṛa'e aianannu! Sa'ete awal᷊onu, inaite mappangalo!’

YEREMIA 50:3

Sambau walahanna wuassu sawannakka sarun dumanta mamangalo Babel wuṛṛu ma'ola'a wanua udde mabbal᷊i wadda'a apan maṛṛasa. Taumata wuṛṛu winatangnga sarun tumal᷊angnga, wuṛṛu tate lai apan maapulu matana'a poiaroddi.”

YEREMIA 51:36

Ana waugu udde Mawu nabbisara su tumana'u Yerusalem, “I Ya'u sarun manahekku hattonu wuṛṛu mabbal᷊issa inolaannu manga seennu si'o. Manga al᷊imatang kua'e wuṛṛu manga sal᷊ukku Babel sarun Ta'u iapaamara.

DANIEL 5:30

Su rabbi udde lai nippatete Belsyazar ratun Babel udde.

YOEL 3:9

Al᷊iata'e parenta indi su manga walahanna: Pandiahite inai mapangalo wuṛṛu maannammu atatohassa! Pasabbanga'e manga taumata waṛṛani wuṛṛu atumannaṛṛanne, ammul᷊a'e anambon tantara, wuṛṛu inaite!

YOEL 3:10

Sassalle matan pajekonu maola'a hal᷊ele, wuṛṛu lari'a bawabbassa sambeangnga. Wuṛṛu lai taumata lome ṛinone mabbisara, ‘I ya'u lai wotongnge mapapangalo ere tantara!’