YEREMIA 50:8 - WUKE SUSI WATTI'U AL᷊AL᷊USASSA

⁸ Ei uma-U Israel, tal᷊angke watukku Babel! Ete i yamiu apan ṛinone paarorone inai, tadea'u ingana'a waine manantuṛṛutta.

YEREMIA 50:8 Referans Kwoze

YEREMIA 51:6

Panal᷊amatte watangannu! Tal᷊angke wuassu Babel, arie i yamiu lai iapate ana waugu paddarosane! Ana waugu indete tempone i Ya'u mabbal᷊issa al᷊al᷊eon Babel, wuṛṛu makkuumanni tou uasul᷊ungngu inolaanne.

YESAYA 48:20

Roote wuṛṛu tal᷊angke su Babel, al᷊iata'e watti'a indi su al᷊awo'u tampa. Pasingkata'e ringannu aintul᷊in al᷊al᷊uassa: “Mawu buatte nanal᷊amatta Israel, allang-Nge!

SONDAPPA 18:4

See i ya'u naaringikka tingikka waine wuassu surga nabbisara, “Sabbangke, al᷊aṛṛana-U! Sabbangke wuassu lal᷊umme! Imbaṛṛanga i yamiu tumantalongnga manga rosane, wuṛṛu tumuṛṛutta mamasanna ṛuumanne!

YEREMIA 51:45

Ana waugu udde pangingkatte wua isudde, ei umattu Israel! Panal᷊amatte watangannu wuassu asasa'u-U apan bahewalla.

2 KORINTUS 6:17

Ana waugu udde, tantanga'e manga taumata apan tawe maaillal᷊a Ruata udde, wuṛṛu pattingkaṛṛaeten batangannu wuassi mangitou. Arie paa'aukka ringannu apa apan maarantinna ne i ya'u sarun manengkamma si yamiu.

YESAYA 52:1

Pabbangunte, ei Yerusalem, pabbangunte! Tohasse naungngu! Luṛṛea'e laubbu awawantugu! Ei Yerusalem, soa apan susi, taumata marosa tate lai maasutta sumabbi su ngaranu.

AMSAL 30:31

ambingnga mandangenna, manu'a tarau apan u'amatta mal᷊ihakka, wuṛṛu ratu su saruannu tumana'u soane.

REENGANNA 16:26

I Musa nabbisara su manga taumatan Israel, “Pangingkatte wuassu rasannu manga taumata lal᷊eo indi wuṛṛu imbaṛṛangnga mangeṛṛetta saranapa pussa'a mangitou. Amungkangngu i yamiu tawe maddaringikka, i yamiu sarun pateanna suadio'a ringanni mangitou ana waugu manga rosa mangitou.”

YESAYA 52:11

Roote! Tantanga'e soan Babel, ei i yamiu apan uaapiddu aola'u wal᷊en Duata! Imbaṛṛangnga mangindinga saranapa tawe waresi, ukkasse watangannu tantal᷊anna taambe umamatta.

ZAKARIA 2:11

Sutempo udde manambo walahanna sarun dumanta ringannu Mawu tadea'u maola'a uman-Ne. I Tou sarun matana'a suwallatti yamiu, wuṛṛu i yamiu sarun maasingkatta manungku Mawu buatte nandolo'u ringanni yamiu.