YEREMIA 50:7 - WUKE SUSI WATTI'U AL᷊AL᷊USASSA

⁷ I mangitou nitalliwunanna wuṛṛu nisansaran anambon taumata apan nassomba mangitou. Manga seettu uma-U mabbisara, ‘Apa apan niola'i ite, tawe sal᷊ane, ana waugu manga taumata udde narosate su lantakku hati Mawu. Al᷊amonan mangitou mangngimanna Mawu, nariaddi ṛinone lai i mangitou sidutu satia si Tou.’

YEREMIA 50:7 Referans Kwoze

YEREMIA 14:8

Ete I'o sassa pangantimannu Israel, apan manal᷊amatta si yami wuassu asasilaka. Arawe anio I'o ere Taumata raho su wanuang kami, ere uma'amatta apan tumba'u niumotongnga saṛṛabbi see manantangnga?

YEREMIA 2:3

Israel, i'o pussa'a-U sassane, tatuno naung-Ku apan arangnguang-Ku. I Ya'u nangema'u asasilaka su al᷊awo'a apan na'ola'a si'o uatataṛṛangnga susa, i Ya'u, Mawu, buatte nabbisara.”

ZAKARIA 11:5

Manga mamamalline mammate manga domba udde ringannu tawe naasomba ṛuumanna. I mangitou apan mabbalu'u ṛemessu manga domba udde mabbisara, ‘Dalo su Mawu! Orassa indi niatambante paa'alan kite!’ Manga mallal᷊u'udda udde tawe maapendamma umakkanna su manga domba papadul᷊iananni mangitou.

YEREMIA 31:23

Mawu Apan Lembontaṛṛino, Ruatan Israel nabbisara, “Napawe uma-U buatte Ta'u niola'a tumelengnga ere dorone, ne su wanua Yehuda wuṛṛu su manga ampungnge sarun aringiṛṛanna apia taumata mabbisara, ‘Antimanna Mawu mangal᷊amatta wuidda susi su Yerusalem tampa atatanaanna apan niṛṛae si Tou.’

YEREMIA 50:17

Mawu nabbisara, “Taumatan Israel ere ammul᷊annu domba apan a'enggenanna wuṛṛu nisal᷊iawukku singa. Paarorone i mangitou nipangaloannu ratun Asyur, wua'udde i Nebukadnezar ratun Babel nallaso'a manga duṛṛi mangitou.

1 TIMOTIUS 1:1

Timotius, ana'u apan tutune sulal᷊ummu Mawu! Suratta indi wuassia'u, Paulus, rasulli Kristus Yesus wuassu parentan Ruata, Punnu Sal᷊amati ite wuṛṛu wuassu parentan Kristus Yesus, pangantimanni ite. Doronganna Ruata Iamangnga wuṛṛu Kristus Yesus Mawun kite mangonggolu al᷊amatta, darangngu wuṛṛu paddarame si yamiu.

ZAKARIA 1:15

Arawe i Ya'u tuminiten massa'u su manga walahanna apan uapendamma mal᷊annabba wuṛṛu matammudda. Ana waugu sutempo i Ya'u naṛṛaddannu asasa'u-U su uma-U, manga walahanna udde mannamba asasusan uma-U.

DANIEL 9:16

I'o buatte nanahekki yami sutempon dorone, ana waugu udde ariete masa'u apia su Yerusalem, soa-Nu sassane, wuiddu Mawu apan susi. Ana waugu rosan kami wuṛṛu al᷊al᷊eo na iupungngu al᷊amonan kami, ne anambon taumata maranin kami mangngaddio'a Yerusalem wuṛṛu uman-Nu.

DANIEL 9:6

I yami tawe maddaringikka manga nabi, manga allang-Ngu udde, apan buatte nabbisara ringanu aran-Nu su manga ratun kami, su manga piaṛṛa'a manga al᷊amona wuṛṛu su anambon walahanni yami.

YEREMIA 50:33

Mawu Apan Lembontaṛṛino nabbisara, “Taumatan Israel wuṛṛu taumatan Yehuda ua'ol᷊obba. Sarangkanambone apan nanawanna si mangitou uariagga si mangitou matoha-tohassa wuṛṛu mangke tawe mamallossi mangitou.

YESAYA 56:9

Mawu nandolokku manga walahanna waine nirumanta ere winatangnga mal᷊aṛṛaga iapatambo uman-Ne.

YESAYA 47:6

Dorone i Ya'u massa'u uma-U, i mangitou tate lai Ta'u ireengnga pussa'a-U. Wua'udde i mangitou Ta'u nitantilla si yamiu, wuṛṛu i'o tawe umakkanni mangitou, ewe'e lai matatatimmadde niallangngu ringannu maṛṛagissa.

YESAYA 9:12

Walahannu Israel taambe lai sumassilla, salaiwe buatte niṛṛuumannu Mawu Apan Lembontaṛṛino; i mangitou taambe lai mawal᷊u.

DARALO 91:1

Taumata apan uatillumma su Apan Atanggaṛṛanne, wuṛṛu uatana'a sulal᷊ummu lu'addu Apan Lembontaṛṛino,

DARALO 90:1

Aal᷊iomanni Musa, allangngu Ruata. Oh Mawu, ete I'o tampa pattillumanni yami sara maṛṛawa mappulunna.

DARALO 79:7

Ana waugu i mangitou buatte namate al᷊aṛṛanang-Ngu, wuṛṛu nanggohakku tampa atatanaanni mangitou.

DARALO 71:5

Ana waugu ete I'o aantimangku, oh Mawu, Mawu, i ya'u mangimanna Si'o ro'en i ya'u ta'e dario'a.

YEREMIA 5:17

I mangitou sarun manginsue hessin leta'a wuṛṛu annu see lai mamate manga anangngu. Sapi wuṛṛu dombanu sarun ṛatanni mangitou, wuṛṛu manga waillu anggore see manga alun aranu sarun paddaṛṛanni mangitou. Manga soa pia tanda batune apan ia'asakki yamiu sarun ihohakki mangitou.

YEREMIA 10:25

Sabbanga'e asasa'u-Nu su manga walahanna apan tawe manga'u Si'o wuṛṛu apan tawe mattaṛṛamawu Si'o. Ana waugu i mangitou buatte namate uman-Nu sara nasue wuṛṛu nanggohakku wanuang kami.

YEREMIA 17:13

Mawu, ete I'o aantimannu Israel, uman-Nu; sarangkanambone apan nanantang-Ngu sarun masili. I mangitou sarun mawul᷊i wuassu runia indi wuṛṛu inaite watukku runian taumata nate. Ana waugu, I'o al᷊imatang kua'en pabbiaṛṛanna buatte nitantangngi mangitou, oh Mawu.

YEHEZKIEL 34:5

Ana waugu tawe mallal᷊u'adda, manga domba udde nassal᷊iawukka wuṛṛu naola'a inassu winatangnga mal᷊aṛṛaga.

YEHEZKIEL 35:12

Ne i yamiu masingkatte manungku i Ya'u, Mawu, naaringikke aal᷊uandagu sutempo i yamiu mabbisara: Manga wowon Israel nabbal᷊ite mal᷊annabba wuṛṛu nitantilla maola'a pabbawiakki ite.

YEREMIA 33:15

Sutempo udde sangkatou apan matul᷊idda wuassu papapulunni Daud sarun Ta'u pileanna maola'a ratu. Ratu udde sarun mammanara ringannu atatul᷊idda wuṛṛu naṛṛino su ahewallu wanua.

YEREMIA 33:16

Taumatan Yehuda wuṛṛu tumana'u Yerusalem sarun iapaasal᷊amatta wuṛṛu mabbiakka ringannu mal᷊angnganna. Soan Yerusalem sarun isaggo ‘Mawu Mananal᷊amatti Ite’.

YEREMIA 50:14

Ei i yamiu manga taṛṛa piti'a! Atoṛṛa'e barisannu palliwunna wuṛṛu pamangalo Babel. Pitia'e anambon anaannu watukku Babel, ana waugu i tou buatte na'ola'a rosa si Ya'u.