YEREMIA 50:6 - WUKE SUSI WATTI'U AL᷊AL᷊USASSA

⁶ Uma-U naal᷊ihidda domba apan niwalate manga mallal᷊u'adde nilamammiṛṛanne su panenteanna. I mangitou mammal᷊intadda wuassu wowone sambau watukku wowone waine wuṛṛu waggate tanne suapate wal᷊e mangitou.

YEREMIA 50:6 Referans Kwoze

YESAYA 53:6

I ite sarangkanambone nial᷊iwune ere domba, sambau-sambau maddea'a lal᷊anne sassane. Mawu buatte nangema'a si tou al᷊al᷊eo kite sarangkanambone.

MATIUS 9:36

Su tempo Mawu Yesus naasilo taumata nambo udde, i Tou inumakkanni mangitou, ana waugu i mangitou tinumiangnga wuṛṛu lome, ere domba apan tawe mallal᷊u'adde.

MATIUS 10:6

Arawe roote su wallattu taumatan Israel, nangillembo si mangitou apan nial᷊iwune.

YEHEZKIEL 34:14

Atonna, i Ya'u sarun manaddia si mangitou manga wadda'u nannal᷊o apan masuwukka su panenteanna wuṛṛu su manga wawal᷊annu leta'u Israel. Poiaroddi i mangitou sarun mangillol᷊o wuṛṛu umanna nannal᷊o ringannu amanna.

YEREMIA 50:17

Mawu nabbisara, “Taumatan Israel ere ammul᷊annu domba apan a'enggenanna wuṛṛu nisal᷊iawukku singa. Paarorone i mangitou nipangaloannu ratun Asyur, wua'udde i Nebukadnezar ratun Babel nallaso'a manga duṛṛi mangitou.

DARALO 119:176

I ya'u nial᷊iwune ere domba apan nawul᷊i, ne rantate wuṛṛu rea'ete allang-Ngu indi, ana waugu i ya'u tawe manantangngu manga parenta-Nu.

YEREMIA 50:19

I Ya'u sarun mamelengngu taumatan Israel su wanuan mangitou. I mangitou sarun umanna wuassu hessin leta'u Wowon Karmel wuṛṛu leta'u Basan. I mangitou sarun mal᷊aiddu hessin leta'u Efraim wuṛṛu Gilead.

YEREMIA 3:6

Sutempo i Ratu Yosia uaparenta, Mawu nabbisara arendi si ya'u, “I'o naasilote inolaannu Israel, wawine apan mal᷊awangnga udde? I tou nanantang-Ku wuṛṛu mammanara sussandaga su puiddu anambon wuidda apan matanggakka wuṛṛu su al᷊ungngu suapan aaluanna apan mapaṛṛampunga.

DARALO 116:7

I'o napatammudu naungku, ana waugu Mawu mapia si ya'u.

DARALO 91:1

Taumata apan uatillumma su Apan Atanggaṛṛanne, wuṛṛu uatana'a sulal᷊ummu lu'addu Apan Lembontaṛṛino,

1 PETRUS 2:25

Dorone i yamiu ere domba nilamammiṛṛanne, arawe orassa indi yamiu suete niapidda apia tumantalongnga Mallal᷊u'adda wuṛṛu Mamamadul᷊i niawanu.

MATIUS 15:24

Mawu Yesus sinumimbakka, “I Ya'u nirolokka tumba'u su walahannu Israel, nangillembo si mangitou apan nial᷊iwune.”

YEREMIA 10:21

I ya'u sinumimbakka, “Woddo manga piaṛṛa'i ite udde. I mangitou tawe maddorongnga tatantiro wuassu Mawu, ana waugu udde i mangitou naauntungnga wuṛṛu i ite nassal᷊iawu su anambon tampa.

YEREMIA 3:23

Mangke suadio'a i yami mangngelekka massubba paal᷊uanna su manga puiddu wowone! Aontolla su Israel tumba'u darantane wuassu Mawu Ruatang kami.

YEREMIA 2:32

Apa pia maṛṛuala apan maabul᷊in lal᷊ogakke, ara'e ma'aawingnga wawine apan maabul᷊in laubbu awinge? Arawe i yamiu mal᷊annute atonna na'abul᷊i-U – ro'en sutempo apan tawe iareengnga al᷊annune.

YEREMIA 2:20

Mawu nabbisara, “Mal᷊annute i'o maddiri mattaṛṛamawu si Ya'u; maddiri tumuṛṛutta ara'e massubba si Ya'u. Su wowon suapan buidda apan matanggakka wuṛṛu su al᷊ungngu manga a'aluanna apan masindumunna i'o massubba manga mongannu asasuwukka.

YESAYA 32:2

I mangitou sangkatou-sangkatou naal᷊ihidda tampa pattillummanna wuassu anginna wuṛṛu tandi'a. I mangitou ere sal᷊ukku apan mangngelekka su wadda'u anne, ere lumman batu wahewalla su leta'a maṛṛasa.

YESAYA 30:15

Mawu Apan Atanggaṛṛanne, Ruata susin Israel, nabbisara uman-Ne, “Awal᷊ute wuṛṛu paatammudda, ne i yamiu sarun iapasal᷊amatta. Pangimante si Ya'u ringannu naungnga apan matana'a, ne i yamiu sarun tohasang-Ku.” Arawe i yamiu maddiri!

DARALO 90:1

Aal᷊iomanni Musa, allangngu Ruata. Oh Mawu, ete I'o tampa pattillumanni yami sara maṛṛawa mappulunna.

DARALO 32:7

Ete I'o tampa pa'imbuniangku, I'o namallo'u wuassu asasusa. Ne i ya'u lullala'u al᷊al᷊uassa, ana waugu I'o buatte nanal᷊amatta si ya'u.

DARALO 23:2

I Tou napal᷊allowangku su wadda'u nannal᷊o apan ma'elomma. I Tou nagehetta si ya'u watukku ua'e apan matilangnga.

YEREMIA 13:16

Mawu Ruatanu ṛinone wantuhannu tantal᷊anna i Tou taambe nandantan ararandumma, wuṛṛu leddanu matara su panenteanna, su taambe asasemakka apan aantimannu waluan-Ne mabbal᷊i wasatuudda.

YEREMIA 23:1

Mawu Ruatan Israel nabbisara, “Nasilakate i yamiu ei piaṛṛangnge apan mammate wuṛṛu mannal᷊iawukku uma-U! I yamiu ṛinone mappadul᷊i uma-U, arawe i yamiu tawe na'ola'a; i yamiu namalane uasal᷊arenga wuṛṛu tinumal᷊angnga. Orassa indi Ya'u sarun makkuumanni yamiu ana waugu al᷊al᷊eonu.

YEREMIA 33:12

Mawu Apan Lembontaṛṛino nabbisara, “Wanua wuṛṛu manga soane apan ere wadda'u anne indi tawe atanaannu taumata ara'e winatangnga. Salaiwe aroddi, su allo addantane sarun pia lai manga wadda'u nannal᷊o tampan taumata mammadul᷊i manga dombane.

YEHEZKIEL 13:10

Ei manga nabi awusu! I yamiu buatte nangal᷊iwun uma-U ringannu mabbisara manungku sarangkanambone mal᷊angnganna wuṛṛu naatokke. Sumbal᷊i wutte'e mangke tawe! Uma-U buatte napararisikku tanda batu tela apan mal᷊oangnga addone, wua'udde i yamiu rumanta wuṛṛu mamuṛṛa.

YEHEZKIEL 34:15

I Ya'u sassane sarun maola'a mallal᷊u'addu manga domba-domba-U wuṛṛu manaddia tampa pangillol᷊oanna si mangitou; i Ya'u, Mawu Apan Atanggaṛṛanne buatte nabbisara.

YEHEZKIEL 34:16

Iapa nawul᷊i Ta'u reaanna, iapa nilamammiṛṛane sarun Ta'u iapidda mapul᷊e, iapa nal᷊essa Ta'u wa'isanna, wuṛṛu iapa maradda'a ta'u undamanna; arawe iapa matawa wuṛṛu matohassa sarun Ta'u pateanna, ana waugu i Ya'u mallal᷊u'adda apan ma'ola'a apapia.

YESAYA 1:3

Sapi maaillal᷊a tatahuanne, keledai maaillal᷊a tampan aannananne apan buatte nisaddian mawune, arawe uma-U Israel tawe; i mangitou tawe maatutukka.”