Biblia Todo Logo
Bib sou entènèt

- Piblisite -




YEREMIA 50:44 - WUKE SUSI WATTI'U AL᷊AL᷊USASSA

44 Ere singa apan sinumabbangnga wuassu mahurangnge maappalla maranin Sal᷊ukku Yordan wuṛṛu nirumanta su wadda'a tampa manga domba mannioma, aroddi lai Ya'u, Mawu, sarun dumanta wuṛṛu ma'ola'a taumatan Babel tumal᷊angnga wuassu manga soa mangitou ringannu namaṛṛoro. Wua'udde i Ya'u sarun mamile sangkatou piaṛṛa'a iapaparenta walahanna udde. Isai apan botongnge isul᷊ung-Ku? Isai waṛṛani ma'ola'a parakara ringang-Ku? Apa pia piaṛṛa'a apan botongnge mando'appa si Ya'u?

Gade chapit la Kopi




YEREMIA 50:44
18 Referans Kwoze  

I Ya'u namaggo sangkatou tembonanne wuassu ra'i i tou nirumanta ere sambau manu'u winalanganna apan mal᷊aṛṛaga su mapaamattu putusang-Ku. Apa apan Ta'u niwisara udde sarun Ta'u manaranna, wuṛṛu apa apan Ta'u ilakkiinna sarun Ta'u olaanna.


Naungete manga apan nariaddi sutempon dorone; panga'ute manungku i Ya'u Ruata, wuṛṛu tawe baine, i Ya'u Ruata, wuṛṛu taweddu ere i Ya'u.


Ei uma-U, ete i yamiu manga tiala-U, i yamiu Ta'u nipile maola'a manga allang-Ku, tadea'u masingka-U wuṛṛu mangngimanna si Ya'u, wuṛṛu maasunna manungku ete i Ya'u Ruata. I Ya'u Ruata Apan Tinggassa taweddu wal᷊ine ro'en al᷊amonane wuṛṛu piate i Ya'u.


I Ya'u buatte nangal᷊oren sangkatou wuassu ra'i: i Ya'u niwaggoanna i tou iapapangalo wuassu sawannakka. Manga tembonanne sarun ṛindanna ere labbo, ere mandarunna urinna maṛṛinda leta'a maddeetta.


Isai apan su pendamannu nassul᷊ungngu Ruata Apan Lembon Na'ukkassa? Ringanni sai i'o ma'apulu manul᷊ungngi Tou?


Ammul᷊annu surga maddalo manga inolaan-Nu apan maatiangnga, wuṛṛu mangngantarin apapia-Nu, Mawu.


Ruata suapane apan botongnge maasul᷊ungnga Si'o, oh Mawu Apan Lembon Mawantuga wuṛṛu na'ukkassa? Isai wotongnge mappa'ola'a manga al᷊aṛṛindu'a wuṛṛu inolaanna apan bahewalla ere Mawu?


Naal᷊ihidda singa sinumabbangnga wuassu loṛṛangnge, aroddi lai Mawu sumabbangnga makkuumannu uman-Ne. Araṛṛagissu pangalo wuṛṛu asasa'u Mawu buatte namal᷊u wanua indi naola'a wadda'u anne.


Nariaddi ringanni sai i'o manul᷊ungngu Ruata? Isai apan su pendamannu nassul᷊ungngi Tou?


I'o aaddatanna su ammul᷊annu taumata susi, iaata'utta wuassu anambon sarangkamabone apan marani-Nu.


Ana see i tou nabbisara si Korah wuṛṛu mallal᷊aṛṛenggene, “Tiṛṛabbi marua allo Mawu sarun mapal᷊iatta'a si ite isai pussa'a-Ne, wuṛṛu isai apan niṛṛaen Tou. Taumata apan nipile-Ne sarun iwala mangundanin Tou.


Mawu nabbisara, “Yeremia, amungkangngu i'o nallomete mattalummu taumata, tawe mariaddi i'o mattalummu awal᷊o? Amungkangngu su leta'a apan mal᷊angnganna i'o matta'utta, apate apan olaannu amungkangngu i'o su mahurangnge maappalla su winggin Yordan?


Ratu apan mamarenta si yamiu inasapputanne wuassu walahannu. Ringannu tawe go'ane i tou sarun mangundani-U napawe i tou Ta'u waggoanna sumaruanna si Ya'u. Ana waugu isaite apan waṛṛani sumaruanna si Ya'u ringannu apulune sassane? I yamiu sarun maola'a uma-U wuṛṛu i Ya'u mabbal᷊i Ruatanu. I Ya'u, Mawu apan namasingkattu udde.”


Intul᷊ia'e hahoressan pangalo pamal᷊iwuta'a soa udde! Orassa indi Babel nawaddote. Manga darandungnge buatte nihohakka wuṛṛu naṛṛaate. I Ya'u tantal᷊anna mabbal᷊issa Babel. Ana waugu udde sansaraite i mangitou ere lai i mangitou mannansara taumata waine.


Paddaringikke lal᷊uai manga tembonanne nawul᷊ite awawantugi mangitou! Paddaringikke wawassingngu manga singa su mahurangnge; ana waugu nahohakke atatanaanni mangitou su al᷊o'engngu Sal᷊ukku Yordan.


Paammulle i yamiu sarangkanambone wuṛṛu paddaringikke! Suwallattu manga monganna taweddu maasi'tta manungku taumata nipile-U sarun mamangalo Babel; i tou sarun mapaamattu apulu-U.


Swiv nou:

Piblisite


Piblisite