YEREMIA 50:39 - WUKE SUSI WATTI'U AL᷊AL᷊USASSA

³⁹ Ana waugu udde Babel sarun maola'a tampa manga ringnga wuṛṛu manga ghaṛṛaho lal᷊eo see manga manu'a unta. Saran mal᷊annu-l᷊annu tawe taumata apan mappulu matana'a apia poiaroddi.

YEREMIA 50:39 Referans Kwoze

SONDAPPA 18:2

Ringannu tingikka apan ma'ikkatta, i tou inumui, “Nanawote! Babel wahewalla nanawote! Orassa indi i tou nabbal᷊ite tampa manga setanna wuṛṛu manga ghaṛṛaho lal᷊eo. Sulal᷊umme mabbiakka al᷊awo'u hati manu'a apan lal᷊eo wuṛṛu ia'arantinu taumata.

YEREMIA 25:12

Wua'udde i Ya'u sarun makkuumannu walahannu Babel wuṛṛu ratune ana waugu rosa mangitou. Wanuan Babel sarun Ta'u iṛṛa'a wuṛṛu Ta'u iwala naṛṛimunsa'a saran mal᷊annu-l᷊annu.

YEREMIA 51:43

Manga soane nabbal᷊i tampa apan maata'utta, ere wadda'u anne apan maṛṛasa. Tawe taumata apan mappulu matana'a ara'e sumabbi isudde.

YEREMIA 51:26

Tawe saran sambau watu lai wuassu winal᷊alannu apan ipaatta apia ipa'ola'a wal᷊en. I'o sarun maola'a ere wadda'u anne sarangkal᷊o'enge. I Ya'u, Mawu, buatte nabbisara.”

YESAYA 14:23

Babel sarun Ta'u olaanna wiso apan atatanaannu manu'a mammeo. Babel sarun Ta'u waresianna. I Ya'u, Mawu Apan Lembontaṛṛino, buatte nabbisara.”

YEREMIA 50:3

Sambau walahanna wuassu sawannakka sarun dumanta mamangalo Babel wuṛṛu ma'ola'a wanua udde mabbal᷊i wadda'a apan maṛṛasa. Taumata wuṛṛu winatangnga sarun tumal᷊angnga, wuṛṛu tate lai apan maapulu matana'a poiaroddi.”