YEREMIA 50:3 - WUKE SUSI WATTI'U AL᷊AL᷊USASSA

³ Sambau walahanna wuassu sawannakka sarun dumanta mamangalo Babel wuṛṛu ma'ola'a wanua udde mabbal᷊i wadda'a apan maṛṛasa. Taumata wuṛṛu winatangnga sarun tumal᷊angnga, wuṛṛu tate lai apan maapulu matana'a poiaroddi.”

YEREMIA 50:3 Referans Kwoze

ZEFANYA 1:3

anambon taumata wuṛṛu winatangnga, nasutta manu'u winalanganna wuṛṛu inassa. Taumata lal᷊eo sarun Ta'u pateanna. Anambon umattu taumata sarun insuenanna, tawe saran sangkatou apan Ta'u iwala wiakka. I Ya'u, Mawu, buatte nabbisara.

YEREMIA 51:11

Mawu buatte nanondo manga ratu Media, ana waugu i Tou mappulu makkimunsa'a Babel. Eteudde lal᷊an-Ne i Tou mabbal᷊issa inolaannu manga taumata apan nakkimunsa'a wal᷊e-Ne. Manga tembonannu wuntuannu tantaran pangalo namarenta, “Takko'e anaanna! Riahite allungnga!

YEREMIA 51:62

Wua'udde aal᷊iomante arendi, ‘Mawu, I'o buatte nabbisara manungku soa indi sarun ṛimunsaan-Nu na'oman sara mawae taumata aroddi lai winatangnga mahangginna, wuṛṛu tampa indi mabbal᷊i ere wadda'u anne sarangkal᷊o'enge.’

YEREMIA 50:9

I Ya'u sarun mangal᷊oren anambon balahanna apan mangkatohassa wuassu sawannakka tadea'u i mangitou mamangalo Babel. I mangitou sarun mangatokku barisanna mapapangalo mando'appa Babel wuṛṛu mamaddone. I mangitou udde manga taṛṛa piti'a pande apan anaanne tawe massal᷊a.

YEREMIA 51:48

Al᷊awo'u saranapa su langitta wuṛṛu su runia sarun lumuassa napawe Babel manawo su liman balahanna wuassu sawannakka apan nirumanta mapa'unone.

YEREMIA 21:6

Tumana'u soa indi sarun Ta'u pateanna; mawae ete taumata aroddi lai winatangnga sarun mate ana waugu al᷊aṛṛusa'itta apan bahewalla.

YEREMIA 7:20

I Ya'u, Mawu Apan Atanggaṛṛanne, sarun mangema'u asasa'u-U apan bahewalla su wal᷊en patataṛṛamawuanna indi, su taumata wuṛṛu su winatangnga, see lai su manga aaluanna wuṛṛu hessin bawail᷊anna. Asasa'u-U sarun ṛumenggamma ere putungnga apan tawe iapaddumma.”

SASABANGNGA 12:12

Su tempo ṛabbi Ya'u sarun mamal᷊intaddu ahewallu leta'u Mesir, wuṛṛu mamate suapan ana'a esakka pahul᷊une, mawae ete taumata aroddi lai winatangnga. I Ya'u ṛinone makkuumannu anambon mawu su Mesir, ana waugu ete i Ya'u Mawu.

PANDARIADDI 6:7

na'oman sara nabbisara, “I ya'u sarun mamate apan buatte Ta'u niola'a udde, wuṛṛu lai al᷊awo'u manu'u winalanganna wuṛṛu winatangnga waine, ana waugu ya'u sinumassilla buatte nandiaddi si mangitou.”

YESAYA 41:25

I Ya'u buatte nangal᷊oren sangkatou wuassu ra'i: i Ya'u niwaggoanna i tou iapapangalo wuassu sawannakka. Manga tembonanne sarun ṛindanna ere labbo, ere mandarunna urinna maṛṛinda leta'a maddeetta.

YESAYA 45:1

Mawu buatte namile si Kores maola'a ratu; i tou nitebbo'a iapawaddo manga walahanna wuṛṛu ipamaddi taṛṛinon manga ratu. Mawu sarun mamu'a manga ngaran soa si tou, tawe saran sambau apan nallambe uaṛṛuudda. Ete si tou Mawu nabbisara,

YEREMIA 9:10

I ya'u, Yeremia, nabbisara, “I ya'u lumuaite wuṛṛu lumal᷊o ana waugu nannal᷊o su wadda'a wuṛṛu su manga wowone apan naṛṛangute wuṛṛu naṛṛaggassa see lai tate amatannu taumata. Tingikku winatangnga tate aringiṛṛanna lai, manu'u winalanganna wuṛṛu manga winatangnga waine tinumalangke wuṛṛu nawul᷊ite.”

YEREMIA 9:11

Mawu nabbisara, “Yerusalem Ta'u olaanna napapussa'a tampa pa'imbuniannu asun ahuranganna. Manga soan Yehuda sarun mabbal᷊i mal᷊annabba, tampa apan tate lai atanaanna.”