YEREMIA 50:27 - WUKE SUSI WATTI'U AL᷊AL᷊USASSA

²⁷ Patete anambon tantarane! Ṛawate i mangitou! Nasilakate walahannu Babel! Nia'omante tempone i mangitou iṛṛuumanna!” (

YEREMIA 50:27 Referans Kwoze

YEREMIA 46:21

Ewe'e lai manga tantara apan nisewanne tawe naail᷊ore ere ana'u sapi apan tumanite matawa. I mangitou tawe naataṛṛangnga. Sarangkanambone nabbal᷊i'a wuṛṛu tinumal᷊angnga tadea'u masal᷊amatta. Allo ṛuumanni mangitou nia'omante; temponete i mangitou aṛṛiaannu asasilaka.

YESAYA 34:7

Manga taumata sarun mate ere sapi matengnga wuṛṛu sapi saṛṛentumuwo. Wanua mangitou sarun maola'a maṛṛamutta wuṛṛu mapenen tawa.

YEREMIA 48:44

Taumata apan tinumal᷊angngu watanganne wuassu pangalo sarun mawontolla sulal᷊ummu loṛṛangnga, wuṛṛu iapa naasabbangnga wuassu loṛṛangnga udde sarun umul᷊ussa su sedda. Sarangkanambone udde sarun mariaddi sutempo apan buatte Ta'u nitantunna ipanggohakku Moab.

DARALO 37:13

Arawe Mawu lullaggen taumata lal᷊eo, ana waugu i Tou masingkatte panginsueannu taumata udde maranite.

DARALO 22:12

Ariewe pangindau, ana waugu asasilaka maranite, wuṛṛu taweddu mantul᷊ungnga.

SONDAPPA 19:17

Ana see i ya'u naasilo sangkatou mala'ekatta uarisikka su wowon matannallo. Ringannu tingikka ma'ikkata i tou inumui su anambon manu'u winalanganna, “Wette pa'ammule, tadea'u i ite inai su andeangnga wahewalla apan ilallaghun Ruata!

SONDAPPA 18:10

I mangitou sarun rumarisikka wuassu marau ana waugu i mangitou matta'uttu asasusane. I mangitou nabbisara, “Uare, wal᷊ine hampa silakane soa apan tinumelengke indi – soam Babel apan matohassa! Tumba'u sulal᷊ummu sangkaorassa ṛuumannu suete niapaamatta!”

LAL᷊ALLU 1:21

O, Mawu! Daringiṛṛewe sasal᷊iomangku, taweddu malluassa si ya'u. Manga see'u lulluassa, ana waugu I'o na'ola'a si ya'u nasilaka. Rantate allo apan pina'ire-Nu udde; ola'ewe i mangitou matataṛṛangnga ere lai i ya'u.

YEREMIA 50:31

Babel, naungngu tumaniten matanggakka! Ana waugu udde i Ya'u, Mawu Apan Atanggaṛṛanne, Ruata Apan Lembontaṛṛino, mando'appa si'o. Nia'omante tempone i'o Ta'u iṛṛuumanna.

YEREMIA 50:11

Mawu nabbisara, “Ei taumatan Babel, i yamiu mangngaṛṛo uma-U. I yamiu sussolo'u al᷊al᷊uassa ere awal᷊o manuntingi, wuṛṛu ere sapi apan tantal᷊anna u'anna.

YEREMIA 27:7

Al᷊awo'u walahanna sarun mattaṛṛamawu si tou, su parinsine, wuṛṛu su pulunne maddatingngu tempone araratuanne sassane manawo. Sutempo udde walahannu Babel sarun mattaṛṛamawu su manga walahanna apan matohassa wuṛṛu manga ratu apan bahewalla.

AYUB 18:20

Naaringikka ola'u wiakke tumanangnge su waṛṛatta niṛṛumoro, arawe tumanangnge su ra'i mangngindo ana waugu matta'utta.

YEREMIA 12:3

Arawe I'o, oh Mawu, masingka'u. I'o ma'asilo inolaangku, wuṛṛu I'o masingkattu ereapa apendammu naungku Si'o. Apira'e manga taumata lal᷊eo udde sumabbangnga, apira'e i mangitou ere domba su pamamototanna. Riagaite i mangitou maddatingngu tempone i mangitou ṛatanna.

YEREMIA 25:34

Ei manga piaṛṛa'a, ei manga mallal᷊u'addu umattu Mawu! Luaite pa'ikka-ikkatta! Tattal᷊inggite su awu, ana waugu nia'omante tempone i yamiu pateanna, wuṛṛu iapa naal᷊assanga sarun isal᷊iawukka. I yamiu naal᷊ihidda ere wensadda maarega apan nanawo see napesangnga.

YEREMIA 48:10

Niawontohante taumata apan tawe mapaamattu manara wuassu Mawu ringannu atonna-tonna. Niawontohante i tou apan tawe nanawutta hal᷊ele wuṛṛu mamate.

YEREMIA 48:15

Moab wuṛṛu manga soane buatte niṛṛimunsa'a, wuṛṛu manga umbasanna apan apianne buatte nipate. I Ya'u buatte nabbisara. I Ya'u ratu, Mawu Apan Lembontaṛṛino.

YEREMIA 51:40

I mangitou sarun Ta'u iapidda ṛatanna ere ana'u domba, ambinga, wuṛṛu domba esakka. I Ya'u, Mawu, buatte nabbisara.”

YESAYA 21:12

I ya'u sinumimbakka, “Marua allo rumantate, arawe sarun maṛṛabbi apia. Amungkangngu mappulu maiwal᷊o, rantate paiwal᷊o apia.”

YESAYA 34:6

Hal᷊ele Mawu sarun, mappeta'u daṛṛa wuṛṛu mapenen tawa mangitou, naal᷊ihidda ere ringannu daṛṛa wuṛṛu tawan binatangngu sasamba. Ana waugu Mawu nanaddia sasamba su Bozra, wuṛṛu na'ola'a pamamototta marasai su leta'u Edom.