YEREMIA 50:26 - WUKE SUSI WATTI'U AL᷊AL᷊USASSA

²⁶ Pangaloite Babel wuassu al᷊awo'u pappi'uanne, wuṛṛu hohaṛṛa'e manga gudangu gandumme! Ammul᷊a'e manga saranapa apan niaaṛṛo ere lai yamiu mangngammullu gandumma! Ṛimunsa'e wanua udde! Arie piaddu pia lambene!

YEREMIA 50:26 Referans Kwoze

YESAYA 14:23

Babel sarun Ta'u olaanna wiso apan atatanaannu manu'a mammeo. Babel sarun Ta'u waresianna. I Ya'u, Mawu Apan Lembontaṛṛino, buatte nabbisara.”

YEREMIA 50:10

Babel sarun pangaṛṛoanna, wuṛṛu mangangaṛṛone sarun manganu al᷊awo'a ringannu apulun naungnga. I Ya'u, Mawu, buatte nabbisara.”

YESAYA 45:3

Ne i'o sarun Ta'u onggol᷊annu darotongnga pa'aala apan uawuni, tadea'u i'o maasingkatta ete i Ya'u Mawu, Ruatan Israel, apan buatte namaggo si'o su arannu.

SONDAPPA 19:15

Wuassu moṛṛo-Nge sinumabanga sammata hal᷊ele apan maṛṛoro wuṛṛu ringannu hal᷊ele udde i Tou sarun mapaarugi manga walahanna, wuṛṛu i Tou sarun mamarenta si mangitou ringannu tatumma'ina atta'a. I Tou sarun mamakkan anggore sulal᷊ummu pamamakkannu anggoru asasa'un Ruata Apan Lembon Taṛṛino.

SONDAPPA 14:19

Ne mala'ekatta udde nallimbeten hal᷊elene watukku runia wuṛṛu nani'o manga wuan anggore wuassu alune, see nilombo sulal᷊ummu hahilingannu anggoru asasa'un Ruata apan wahewalla.

MIKHA 7:10

Dorone seetta mallobbossa si ite ringannu mabbisara, “Suapate Mawu, Ruatanu udde?” Arawe orassa indi i mangitou sarun maasilo apa apan niola'u Mawu si ite, wuṛṛu i mangitou sarun masili. I ite sarun mabbiala manga seetti ite niwaddo wuṛṛu mangke laṛṛindanna ere labbo su lal᷊anna.

YEREMIA 51:64

lapiddu mabbisara, ‘Etearendi sarun mariaddi ringannu Babel. Wanua indi sarun lumakkubba wuṛṛu tate lumapputta apia ana waugu asasusa apan niṛṛia'u Mawu si tou.’ ” Manga wisaran Yeremia naddusse isindi.

YEREMIA 51:44

Bel, mongannu wanua Babel, sarun Ta'u iṛṛuumanna. I tou sarun Ta'u olaanna mapawelengngu apa apan buatte niaṛṛone. Manga walahanna tate massubba si tou apia. Manga darandungngu Babel naṛṛaate.

YEREMIA 50:41

Sambau walahanna apan matohassa tantal᷊anna u'amatta wuassu wanua apan marau su sawannakka. I mangitou nirumanta suadio'a ringannu mararatu inai mapapangalo.

YEREMIA 50:23

Ahewallu runia nirupan Babel na'oman sara naṛṛimunsa'a, arawe orassa indi darupa udde napaddite! Al᷊awo'u walahanna niṛṛumoro naaringikka apa apan buatte nariaddi su wanua udde.

YEREMIA 50:15

Intul᷊ia'e hahoressan pangalo pamal᷊iwuta'a soa udde! Orassa indi Babel nawaddote. Manga darandungnge buatte nihohakka wuṛṛu naṛṛaate. I Ya'u tantal᷊anna mabbal᷊issa Babel. Ana waugu udde sansaraite i mangitou ere lai i mangitou mannansara taumata waine.

YEREMIA 50:13

Ana waugu i Ya'u nasa'u, ne Babel sarun mallambe ete tuidda wuṛṛu taweddu matana'a. Sarangkanambone apan sumabbi isudde sarun ṛumoro wuṛṛu mata'utta.

YESAYA 25:10

Mawu sarun mallu'adda Wuiddu Sion, arawe Moab sarun ṛindanna ere laṛṛami su pangangadoannu sapadda.

YESAYA 10:6

I Ya'u nandolokku Asyur niapapangalo pabbawala-U apan massinaadda wuṛṛu ma'ola'a si Ya'u nasa'u. I Ya'u nanddolokku Asyur iapaaṛṛo wuṛṛu iapata'o se'e iapaṛṛinda pabbawala-Ku ere awu su lal᷊anna.”

YESAYA 5:26

Mawu sarun mamaggo walahanna apan marau wuṛṛu i mangitou sarun dumanta ringannu mal᷊ihakka!

MATIUS 6:26

Pa'ellege manu'u winalanganna. I mangitou tawe massuanna, tawe mangitingnga wuṛṛu tawe lai mangammullu wuan sinuananne sulal᷊ummu wal᷊ingkakka. Manimbe aroddi Iamangngu su surga mappadul᷊i lai si mangitou! Wal᷊inewe i yamiu maareganne marau wuassu manu'u winalanganna?