YEREMIA 50:20 - WUKE SUSI WATTI'U AL᷊AL᷊USASSA

²⁰ Sutempo udde Israel wuṛṛu Yehuda sarun mawaresi wuassu rosa, ana waugu i Ya'u sarun mangampungnga manga taumata apan buatte i Ya'u niapaasal᷊amatta. I Ya'u, Mawu, buatte nabbisara.”

YEREMIA 50:20 Referans Kwoze

MIKHA 7:19

I'o sarun umakkanni yami apia wuṛṛu mangampungnga si yami. Manga rosan kami sarun ṛussaan-Nu wuṛṛu iwareta-Nu su wantan tahal᷊oangnga!

YEREMIA 31:34

Tate gunane lai wuassi mangitou mangaṛṛa'a sansul᷊ungnge ipa'illal᷊a Mawu. Ana waugu i mangitou sarangkanambone, wahewalla addio'a, sarun maaillal᷊a si Ya'u. Manga pasasal᷊a mangitou sarun timbul᷊ianang-Ku, manga rosa mangitou Ta'u ampunganna. I Ya'u, Mawu, buatte nabbisara.”

YESAYA 43:25

Arawe i Ya'u Ruata apan namappassa rosanu, i Ya'u nangampungnga si'o ana waugu etearoddi apulu-U; i Ya'u tate mannaungnga rosanu.

YESAYA 1:9

Unnuwisara Mawu Apan Lembontaṛṛino, tawe mandalukka manga pira taumata hunan kite, i ite lai nasuete abbi, ere Sodom wuṛṛu Gomora.

DARALO 103:12

Araune wuassu ra'i maddatingngu waṛṛata, araune udde lai niramme-Ne manga rosan kite.

2 PETRUS 3:15

Pendamete manungku asasabbare Mawun kite maola'a sambau tempo apan nionggoli Tou si yamiu tadea'u wotongnge masal᷊amatta. Paulus, tuṛṛangi ite apan arangnguanna, suete namoṛṛeta aroddi lai si yamiu. I Tou namoṛṛetu udde ringannu apande apan nionggolu Ruata si tou.

YESAYA 44:22

Pasasal᷊anu Ta'u limbuaṛṛanna ere winabbawa, rosanu Ta'u iapasal᷊iu ere abbunga. Pabbelengke ringang-Ku, ana waugu i Ya'u buatte namallonnu!”

REENGANNA 23:21

Si Yakub tawe nasiloanna al᷊al᷊eo; si Israel tae niasiloanna asasusa, Mawu, Ruata mangitou, uarundinganna si mangitou. I mangitou lullala'a: Tumba'u i Tou Ratu!

ROMA 6:13

Arie lai i'o manantillu wageangngu wadangngu su taṛṛinon dosa ana waugu ipaatta su manga pandumanna apan lal᷊eo. Arawe tantila'e ririnu su Ruata ere taumata apan buatte niingkata wuassu papate watukku pabbiaṛṛanna. Tantila'e ahewallu ririnu su Ruata tadea'u ipaatta ma'ola'a apulu Duata.

YEREMIA 33:15

Sutempo udde sangkatou apan matul᷊idda wuassu papapulunni Daud sarun Ta'u pileanna maola'a ratu. Ratu udde sarun mammanara ringannu atatul᷊idda wuṛṛu naṛṛino su ahewallu wanua.

ROMA 11:6

I Tou namile si mangitou ana waugu pinangianannu al᷊aman-Ne wuṛṛu wal᷊ine ana waugu pinangiananne pallal᷊agun mangitou. Ana waugu amungkangngu pamamilen Ruata udde pinangiananne wuassu pallal᷊agun taumata, ne al᷊amattu Ruata udde wal᷊inewe al᷊amatta apan tutune.

ROMA 5:16

Aonggolu Ruata lai lembon anamboanne wuassu rosan taumata sangkatou udde. Ana waugu napawe sangkatou taumata na'ola'a pasasal᷊a, sinumabbangke wisara laṛṛawessa, “Nassal᷊a”. Arawe napawe manambote taumata na'ola'a rosa, dirumantate aonggolu Ruata apan namasingkata manungku, “Tawe nassal᷊a”.

WATTI'U MANGA RASUL 3:26

Ana waugu udde Ruata namile Allang-Nge, see nandolokki Tou nirumanta ringanni yamiu paarorone, tadea'u i Tou mangal᷊amatta si yamiu. Olangnge i Tou mangal᷊amatta eteudde na'ola'a manga tuṛṛangnga sarangkanambone nawal᷊u wuassu ola'u wiakki yamiu apan lal᷊eo.”

WATTI'U MANGA RASUL 3:19

Ana waugu udde manga tuṛṛangnga, awal᷊ute wuassu manga rosanu wuṛṛu pabelengke ringannu Ruata tadea'u i Tou mamapassa manga rosanu.

YEREMIA 50:4

Mawu nabbisara, “Sutempo udde taumatan Israel sarun dumanta suadio'a ringannu lulluai, maddea'a si Ya'u, Ruata mangitou.

YEREMIA 44:14

Wuassu taumatan Yehuda apan nallambe, apan inaite su Mesir matana'a poiaroddi, tawe saran sangkatou apan mal᷊iu ara'e mabbiakka. Tawe saran sangkatou wuassi mangitou sarun maawelengnga watukku Yehuda, salaiwe olangnge udde tumaniten ipaapulu mangitou. Atonna, taweddu maawelengnga tabbene'e manga pirang katou tumatal᷊angnga.”

DARALO 17:3

Amungkangu I'o manal᷊u'atta naungku wuṛṛu rumanta manaṛṛassida si ya'u sutempo ṛabbi, I'o sarun maasingkatta manungku naungku matul᷊idda; wisara'u nassul᷊ungngu ṛingirangku.

YESAYA 33:24

Tawe saran sangkatou su wanuan kite apan sumal᷊iomanna ana waugu maradda'a, wuṛṛu anambon dosa sarun ampunganna.

YEREMIA 33:8

I Ya'u sarun mamaresi si mangitou wuassu manga rosa apan buatte niola'i mangitou su saruang-Ku; manga rosa wuṛṛu lal᷊awangngi mangitou sarun Ta'u ampunganna.

YEHEZKIEL 18:22

Anambon rosane sarun ampunganna; i tou sarun mabbiakka, ana waugu inolaanne suṛṛinone.

ZAKARIA 3:9

Ta'u niaddo su saruanni Yosua sambau watu uataṛṛawu'u pitu apan sarun Ta'u uitanna ringannu manga woṛṛeta. Sulal᷊ummu allo massallo sarun Ta'u iramme rosa wuassu wanua indi.

DARALO 85:3

I'o buatte nangampunga manga rosan al᷊aṛṛanang-Ngu; I'o nangonggolu ampungnge al᷊awo'u pasasal᷊ane.

YESAYA 10:21

Lambene addio'a walahannu Israel sarun mawal᷊u su Ruata apan matohassa.

LAL᷊ALLU 4:22

Sion buatte nangamattu ṛuumanne su manga rosa apan niolangne; orassa indi i yami tate iwalan Mawu wuṛṛu tate iapidda apia sulal᷊ummu pamuanganna. Arawe i'o, ei Edom, sarun iṛṛuumannu Mawu. Manga rosanu sarun iapal᷊iatta'a.

ZEFANYA 3:12

Poiaroddi sarun Ta'u iwala mamanua sambau walahanna apan naungnge mawawo, apan mangngasakku tul᷊ungang-Ku. I mangitou wotongnge matana'a poiaroddi.