YEREMIA 50:2 - WUKE SUSI WATTI'U AL᷊AL᷊USASSA

² “Pasea'e tatiala wuṛṛu al᷊iata'e su manga walahanna manungku Babel nanawote! Arie pa'adappinga'a olangnge udde! I Merodakh monganne naṛṛimunsa'e, wuṛṛu manga paal᷊uanne apan masandaga napesangke nattal᷊eṛṛonga, see manga mawune lembon haggeloanna.

YEREMIA 50:2 Referans Kwoze

YESAYA 46:1

Eteindi panguddusannu manga mongannu Babel; dorone paal᷊uanni Bel wuṛṛu Nebo sassubbanna, arawe orassa indi niandangnga su liuddu winatangnga, maola'a winabbawan winatangnga apan nal᷊otakke.

YESAYA 21:9

Pa'ellege, uddete i mangitou! Tantara uasa'e awal᷊o nirumanta pattaṛṛa darua. Wua'udde mandariaga udde nabbatti'a, “Babel nanawote! Manga paal᷊uanna sassubbanni mangitou naṛṛimunsa'a uatal᷊eṛṛongnga su leta'a.”

YEREMIA 51:47

Pangimante, tempone sarun a'omanna i Ya'u makkuumannu manga paal᷊uannu Babel. Ahewallu wanua udde sarun heloanna, wuṛṛu anambon tumanangnge sarun pateanna.

YEREMIA 51:44

Bel, mongannu wanua Babel, sarun Ta'u iṛṛuumanna. I tou sarun Ta'u olaanna mapawelengngu apa apan buatte niaṛṛone. Manga walahanna tate massubba si tou apia. Manga darandungngu Babel naṛṛaate.

SONDAPPA 18:2

Ringannu tingikka apan ma'ikkatta, i tou inumui, “Nanawote! Babel wahewalla nanawote! Orassa indi i tou nabbal᷊ite tampa manga setanna wuṛṛu manga ghaṛṛaho lal᷊eo. Sulal᷊umme mabbiakka al᷊awo'u hati manu'a apan lal᷊eo wuṛṛu ia'arantinu taumata.

ZEFANYA 2:11

Mawu sarun ma'ola'a si mangitou matta'utta. I tou sarun makkimunsa'a manga monganna su runia. Wua'udde anambon walahanna mattaṛṛamawu su Mawu, sambau-sambau su wanuane sassane.

YEREMIA 52:31

Su allo aruan pul᷊o limane wul᷊anna mapul᷊o dua tonna atallum pul᷊o pitu napawe i Yoyakhin buatte niapidda su pamuanganna, i Ewil-Merodakh naola'a ratun Babel. Su tonna udde lai i tou napal᷊iatta'u darangngune si Yoyakhin, wuṛṛu napasabbangngi tou wuassu tuttupanna,

YEREMIA 51:52

Ne, paddaringikke wisara-U indi. Sarun dumanta tempone i Ya'u makkuumannu manga paal᷊uannu Babel. Su ahewallu wanua udde sarun aringiṛṛanna tingikku sasal᷊iomanna ana waugu nal᷊essa wahewalla.

YEREMIA 51:31

Manga daroloṛṛanna tinumal᷊angnga ual᷊al᷊intuṛṛutta inai mamasingkatta su ratun Babel manungku soane tataliwunante wuassu al᷊awo'u pappi'uanne.

YEREMIA 51:8

Arawe inaṛṛombanganne Babel nanawo wuṛṛu napesangnga. Luaie'o i tou, wuṛṛu rea'ete undamma pangundama'a manga lessane, asinungka i tou wotongnge mapia.

YEREMIA 50:46

Napawe Babel nanawote, sarun aṛṛingiṛṛanna paggahahio apan aroddi asaddanne na'oman sara ahewallu runia umio'a; manga aintul᷊in tumanangne sarun aringiṛṛannu manga walahanna waine.”

YEREMIA 46:14

“Yeremia, al᷊iata'e watti'a indi su manga soa Mesir, eteudde su Memfis, Migdol wuṛṛu Tahpanhes, ‘Paasaddiate mangesakku watangannu ana waugu anambo apan tatahuanannu sarun masue sulal᷊ummu papangaloanna!

YEREMIA 31:10

Mawu nabbisara, “Paddaringikka ei manga walahanna! Wal᷊oa'e tanata-U su samba'an tahal᷊oangnga: Uma-U apan buatte Ta'u nisal᷊iawukka sarun Ta'u ihemonna wuṛṛu paddul᷊iananna ere mallal᷊u'adda uataṛṛapa dombane.

YEREMIA 6:18

Ana waugu Mawu nabbisara, “Paddaringikka, ei manga walahanna! I yamiu ṛinone masingkattu apa apan sarun mariaddi su uma-U.

YEREMIA 4:16

I mangitou mapaanaungngu manga araratuanna wuṛṛu namasingkatta tumana'u Yerusalem manungku seetta inawarendite nirumanta wuassu wanua apan marau. I mangitou mangikkuittu gahoressan pangalo su manga soan Yehuda

YESAYA 48:6

Anambon nubbua-U apan niaringiṛṛannu natipusse; i'o ṛinone manga'u manungku wisara-U udde atonna. Orassa indi Ya'u mamasingkattu manga inolaanna apan bakku, manga addapingnga apan ta'e awaganannu.

YESAYA 39:1

Sutempo udde, ratun Babel, eteudde i Merodakh ana'i Baladan, naaringikka manungku i Ratu Hizkia wakkute napia wuassu radda'a. Ne i tou nandolokku taumata niapaapiddu suratta wuṛṛu aonggolla si Hizkia.

YESAYA 37:19

Manga monganni mangitou lai nitutungnga wuṛṛu niṛṛimunsa'a, ana waugu atonna manga monganna udde tawe taṛṛinone. I mangitou tumba'u paal᷊uanna wuassu alu wuṛṛu manga watu apan nilanginnu taumata.

YESAYA 13:2

Elea'e manga waneṛṛan pangalo su puiddu wuidda lunggukka! Pamaggote manga tantara, wuṛṛu wattea'e pulal᷊annu tadea'u i mangitou mamangalo manga ngaran soa apan mawunga udde.

YESAYA 12:4

Sarun a'omanna tempone i yamiu mabbisara, “Pa'adiangkamante su Mawu, wuṛṛu passubbate si Tou. Pasingkata'e su manga walahanna awawantuga wuṛṛu al᷊awo'u inolaan-Ne.

DARALO 96:3

Wattia'e awawantu-Ge su manga walahanna, wuṛṛu manga inolaan-Ne apan matohassa su umattu taumata.

DARALO 64:9

I mangitou nate ana waugu wisaran mangitou sassane; sarangkanambone apan naasilo mappapa'ilinga.

DARALO 97:7

Anambon taumata apan massubba paal᷊uanna sarun pansilianna, apan mammungan darotongnga apan tawe gunane; anambon monganna sarun massubba su saruannu Mawu.

YESAYA 48:20

Roote wuṛṛu tal᷊angke su Babel, al᷊iata'e watti'a indi su al᷊awo'u tampa. Pasingkata'e ringannu aintul᷊in al᷊al᷊uassa: “Mawu buatte nanal᷊amatta Israel, allang-Nge!

YEREMIA 4:6

Pantingira'e lal᷊anna watukku Sion, wuiddu Mawu, pa'asaṛṛawutte massal᷊iu, arie mal᷊annabba. Mawu tantal᷊anna mandantan asasilaka wuṛṛu ahahohakka apan bahewalla wuassu sawannakka.

YEREMIA 51:12

Onggol᷊eten tialane napawe mamangalo manga darandungngu Babel. Tohasse pandariagga. Atoṛṛa'e mallaṛṛapa. Saddiate pananametta!” Mawu buatte napaamattu ṛiin-Ne su saruannu taumatan Babel.

YEREMIA 51:27

“Ei ratu wuassu sawannakka! Onggol᷊eten tatialan pangalo! Tiuppe trompetta tadea'u manga walahanna maaringikka! Diarraa'e manga walahanna inai mapapangalo lumawangnga Babel! Doloṛṛa'e araratuannu Ararat, Mini wuṛṛu Askenas mamangalo. Pamilete sangkatou panglima iapapiaṛṛa'u pangalo udde. Piaṛṛa'e awal᷊o ringannu anambone ere ammul᷊annu saṛṛapalanna.

DANIEL 1:2

Mawu namalan tou namaddon Ratu Yoyakim wuṛṛu nagaṛṛo sambageanganna wuassu manga saranapa apan marega su Wal᷊en Mawu. Manga taumata apan niatawanne, niapiddi tou watukku kuillu monganne su Babel, wuṛṛu manga saranapa maarega apan niaaṛṛone, nisahipunna sulal᷊ummu manga gudangngu kuilla udde.

DANIEL 3:14

Ratu naiwal᷊o si mangitou, “Sadrakh, Mesakh wuṛṛu Abednego! Atonna i yamiu maddiri mssubba manga mongangku wuṛṛu maddiri lai umal᷊intudda su paa'luanna wul᷊awanna apan buatte ta'u niapararisikka udde?

YEREMIA 10:11

I yamiu, ei umatta, ṛinone mamasingkatta si mangitou mangungku manga monganna apan tawe nandiaddi langitta wuṛṛu runia udde sarun ṛimunsaanna. I mangitou sarun mawul᷊i wuassu wowon dunia.)

YEREMIA 10:15

Manga paal᷊uanna udde tawe aregane, ṛinone a'al᷊uandahanna wuṛṛu lobbosanna. Napawe nia'omante tempone i mangitou sarun mate.