YEREMIA 50:19 - WUKE SUSI WATTI'U AL᷊AL᷊USASSA

¹⁹ I Ya'u sarun mamelengngu taumatan Israel su wanuan mangitou. I mangitou sarun umanna wuassu hessin leta'u Wowon Karmel wuṛṛu leta'u Basan. I mangitou sarun mal᷊aiddu hessin leta'u Efraim wuṛṛu Gilead.

YEREMIA 50:19 Referans Kwoze

MIKHA 7:14

Oh Mawu, lu'arawe uman-Nu, umatta nipile-Nu. I mangitou uatana'a marau su mahurangnge, su pattangngannu leta'a apan masuwukka. Wala'ewe i mangitou maasomba anna su wadda'u nannal᷊on Basan wuṛṛu su Gilead ere sutempo dorone.

YEREMIA 31:6

Atonna, sarun a'omanna tempone manga mandariaga soa umui su panenteannu Efraim, ‘Wette i ite sumaate su Sion, ringannu Mawu Ruatang kite.’ ”

MIKHA 7:18

Tawe Duata waine ere I'o, oh Mawu, apan nangampungnga rosan umatta apan nipile-Nu apan lambene. Tawe saran mal᷊annu-l᷊annu I'o masa'u; arawe mawal᷊ia, I'o mal᷊uassa mapal᷊iatta'u darangngu-Nu apan tawe pattaal᷊anne udde.

YEHEZKIEL 38:8

Manga pira tonna lai i tou sarun Ta'u parentanna iapapangalo sambau wanua ringannu tumanangnge apan buatte niammulla apia wuassu wallattu manambo walahanna wuṛṛu apan wua'udde natana'a su wanua udde ringannu matammudda. Gog sarun mangaṛṛo manga wowonen Israel apan mal᷊annute mal᷊annabba wuṛṛu napenen bilal᷊anna, arawe orassa indi tatanaannu tumanangnge apan mabbiakka ringannu paddarame.

YEHEZKIEL 36:33

Mawu Apan Atanggaṛṛanne nabbisara, “Napawe i yamiu Ta'u niwaresi wuassu al᷊awo'u rosanu, i yamiu sarun Ta'u iwala matana'a su manga soanu apia, wuṛṛu mapararisikku apia manga winalal᷊anne.

YEHEZKIEL 36:24

Wuassu anambon balahanna wuṛṛu wanua, i ya'u sarun Ta'u iammulla wuṛṛu Ta'u iapapul᷊e watukku letangngu sassane.

YEHEZKIEL 11:17

I Ya'u, Mawu Apan Atanggaṛṛanne, mapal᷊iatta'a manungku i Ya'u sarun mangammuli mangitou wuassu manga wanua su tampa i mangitou nisal᷊iawukka, ana see mamelengngu leta'u Israel si mangitou.

YEREMIA 32:37

I Ya'u sarun manggemonnu walahanna indi wuassu anambon banua sutampa i mangitou Ta'u nisal᷊iawukka ana waugu asasa'u-U wuṛṛu araṛṛagi-U si mangitou. I mangitou sarun Ta'u iapidda mapul᷊e watukku tampa indi wuṛṛu Ta'u iwala matana'a isindi ringannu matammudda.

YEREMIA 31:25

I mangitou apan nallome sarun iapaatohassa, wuṛṛu mallappu ana waugu niamal᷊unusanna sarun Ta'u iapaal᷊aidda.

YEREMIA 31:14

Manga imam sarun Ta'u wusannu anna apan manambo; wuṛṛu anambon apan pappandumannu uma-U sarun Ta'u ionggolla. I Ya'u, Mawu, apan nabbisara.”

YEREMIA 30:18

Mawu nabbisara apia: “I yamiu, uma-U sarun Ta'u iakkanna wuṛṛu Ta'u isul᷊e olangnge su wanuanu sassane. Yerusalem sarun iapararisikka apia, wuṛṛu wal᷊en araratuanne apianna.

YEREMIA 30:10

Uma-U Israel, ariete pa'ata'utta! Allang-Ku Yakub, arie suminggawanga! I yamiu wuṛṛu papapulunnu sarun Ta'u iapaasal᷊amatta wuassu wanua marau, su tampa i yamiu niatawanna. I yamiu sarun mapul᷊e wuṛṛu matana'a su wanuanu ringannu mal᷊angnganna. I yamiu sarun mabbiakka ringannu matammudda; taweddu iata'utti yamiu.

YEREMIA 23:3

Arawe manga uma-U lambene sarun Ta'u iammulla wuassu manga wanua sutempan mangitou Ta'u niwuangnga. I mangitou sarun Ta'u iapidda mabbelengnga apia watukku leta'a niariaddianni mangitou wuṛṛu papapulunni mangitou sarun a'atambanna anambone.

YEREMIA 3:18

Israel sarun ma'aukku Yehuda, wuṛṛu su sampunna rumanta wuassu wanua pinamuanganna su samba'an sawannakka. I mangitou sarun mabbelengnga su wanua apan buatte Ta'u nionggolla maola'a leta'a pussa'an al᷊amonanu.”

YESAYA 35:2

Wadda'u anne tattuwoanne ringannu mal᷊ihakka, wuṛṛu mangngantari ringannu aantarine. Araṛṛamage ere wowon Libanon, saṛṛene ere wawal᷊annu Karmel wuṛṛu Saron. Ne suapan taumata sarun maasilo taṛṛino Mawu, wuṛṛu awawantugu Ruatan kite.

YESAYA 33:9

Wanua tinantangnga naola'a mal᷊annabba. Manga mahurangngu Libanon maṛṛissitta, wuṛṛu wawal᷊annu Saron apan masuwukka nabbal᷊i wadda'u anne. Su Basan wuṛṛu su Wowon Karmel manga rongnga mattontongnga.

ANTARI MAWANTUGA 6:5

Biṛṛua'e hatinu wuassi ya'u, ana waugu paa'ellegu maatiangnga si ya'u. Utangngu naal᷊ihidda ammul᷊annu ambinga apan sussossokka wuassu manga wuiddu Gilead.

YOSUA 17:15

I Yosua sinumimbakka, “Ana waugu i yamiu tumaniten manambo, wuṛṛu wageangngu panenteanni Efraim tate mattiudda si yamiu, roote watukku leta'u taumatan Feris wuṛṛu Refaim. Pamaṛṛete manga tatanaanna wakku su manga mahurangngi mangitou udde.”

REENGANNA 32:1

Manga ṛuanganni Ruben wuṛṛu i Gad uatahuanna manambo winatangnga. Napawe i mangitou naasilo aroddi apiane leta'u Yaezer wuṛṛu leta'u Gilead pabbuwunanna winatangnga,

YEREMIA 30:7

Allo ma'ata'utta nia'omante allo apan tawe sul᷊ungnge. Su uma-U udde allo apan maasinggawanga; arawe i Ya'u manal᷊amatta si mangitou.”

YEREMIA 46:27

“Uma-U, Israel, ariete mata'utta! Allang-Ku Yakub, arie suminggawangnga! I yamiu wuṛṛu papapulunnu sarun Ta'u iapaasal᷊amatta wuassu wanua marau, su tampa i yamiu nitawanna. I yamiu sarun mapul᷊e wuṛṛu matana'a su wanuanu ringannu mal᷊angnganna. I yamiu sarun mabbiakka ringannu matammudda; taweddu pia iaata'utti yamiu.

YEREMIA 50:6

Uma-U naal᷊ihidda domba apan niwalate manga mallal᷊u'adde nilamammiṛṛanne su panenteanna. I mangitou mammal᷊intadda wuassu wowone sambau watukku wowone waine wuṛṛu waggate tanne suapate wal᷊e mangitou.

YEHEZKIEL 47:18

Passaranna su samba'a ra'i mabbatukku timukka, wuassu sambau tampa suwallattu wageangngu leta'u Damsyik wuṛṛu wageangngu leta'u Hauran. Nariaddi sal᷊ukku Yordan naola'a passarannu wallattu leta'u Israel su samba'a waṛṛatta wuṛṛu Gilead su samba'a ra'i, maddatingngu Tamar su salleannu Tahal᷊oangnga Nate.

ZAKARIA 10:10

Wuassu Mesir wuṛṛu Asyur, i mangitou sarun Ta'u iapaapul᷊e. Su wanuane sassane i mangitou sarun Ta'u iapaatana'a. Ta'u niapidda i mangitou watukku Gilead wuṛṛu lai Libanon, Ma'oman sara ahewallu wanua mapenen mangitou.

EZRA 2:1

Manambo wuassu wallattu manga taumata niwuangnga nanantangngu leta'u Babel ana see nabbelengke watukku Yerusalem wuṛṛu Yehuda, sangkataou-sangkatou watukku soane sassane. I mangitou buatte nabbiakka sulal᷊ummu pamamuanganna su Babel ro'en i mangitou niṛṛootti Ratu Nebukadnezar.