YEREMIA 50:12 - WUKE SUSI WATTI'U AL᷊AL᷊USASSA

¹² Arawe i yamiu sarun maola'a walahanna apan lembon tawe gunane suwallattu al᷊awo'u walahanna. Soanu sassane apan bahewalla udde sarun heloanna wuṛṛu pansilianna. Wanuanu sarun maola'a wadda'u anne apan maṛṛasa wuṛṛu mamara.

YEREMIA 50:12 Referans Kwoze

YEREMIA 51:43

Manga soane nabbal᷊i tampa apan maata'utta, ere wadda'u anne apan maṛṛasa. Tawe taumata apan mappulu matana'a ara'e sumabbi isudde.

SONDAPPA 17:5

Su pakkane uawoṛṛetta sambau aranna apan ia'addappinga. Aranna udde eteudde, “Babel Apan Wahewalla, inangngu manga sumasandaga wuṛṛu taumata lal᷊eo su runia.”

GALATIA 4:26

Arawe Yerusalem apan su surga eteudde Yerusalem wal᷊ine allangnga, wuṛṛu eteudde inangngi ite.

YEREMIA 49:2

Arawe sarun a'omanna tempone i Ya'u ma'ola'a tumana'u Raba, inangngu soa Amon udde, maaringikka hahuressan pangalo. Soa udde maola'a winal᷊alanna wuṛṛu manga soa maranine masoṛṛobba abbi. Wua'udde Israel sarun mangul᷊e apia letangnge wuassu manga taumata apan dorone nangaṛṛo.

YEREMIA 25:12

Wua'udde i Ya'u sarun makkuumannu walahannu Babel wuṛṛu ratune ana waugu rosa mangitou. Wanuan Babel sarun Ta'u iṛṛa'a wuṛṛu Ta'u iwala naṛṛimunsa'a saran mal᷊annu-l᷊annu.

YESAYA 23:13

Wal᷊ine walahannu Asyur, ewe'e walahannu Babel apan namalan soa Tirus apan paparentannu winatangnga mal᷊aṛṛaga. Ete i mangitou lai apan napararisikku manga menara pamangaloanna, naṛṛa'an manga tanda'a watune wuṛṛu na'ola'a soa udde ete winalal᷊anna.)

YESAYA 14:22

Mawu Apan Lembontaṛṛino nabbisara, “I Ya'u sarun mamangalo Babel wuṛṛu mapaawul᷊ine. Tawe saran sangkatou apan Ta'u iapaasal᷊amatta, ewe'e lai al᷊aṛṛana'a tawe Ta'u iwala wiakka. Ya'u, Mawu, buatte nabbisara.

YEREMIA 12:14

Mawu nabbisara, “Eteindi tanata-U su manga araratuanna ual᷊indongannu Israel apan buatte nanggohakka wanua apan Ta'u nionggolla su uma-U Israel. Ere sinuananna apan niabbutta wuassu leta'a, etearoddi lai manga taumata lal᷊eo udde sarun Ta'u iapasabbangnga wuassu manga wanua mangitou, wuṛṛu Yehuda sarun ipallossa wuassu lima mangitou.

YEREMIA 15:9

Inangnga apan niawul᷊ianni siri pitu umbasanna napinsanna ana waugu sasangngone maautta. Allon pabbiaṛṛanne nabbal᷊ite marandumma, i tou ereola'u haggeloanna wuṛṛu pappansilianna. Manga seennu Ta'u irolokka iapapate apan ta'e wiakka suwallatti yamiu. I Ya'u, Mawu, buatte nabbisara.”

YEREMIA 22:6

Si Ya'u, wal᷊en araratuannu Yehuda tumanite maṛṛansanga, ere aṛṛansangu leta'u Gilead wuṛṛu manga wowon Libanon; arawe tampa udde sarun Ta'u olaanna ere wadda'u anne apan tawe atanaannu taumata.

YEREMIA 51:47

Pangimante, tempone sarun a'omanna i Ya'u makkuumannu manga paal᷊uannu Babel. Ahewallu wanua udde sarun heloanna, wuṛṛu anambon tumanangnge sarun pateanna.