YEREMIA 50:1 - WUKE SUSI WATTI'U AL᷊AL᷊USASSA

¹ Eteindi tanatan Mawu si ya'u su ola'u soan Babel wuṛṛu tumanangnge,

YEREMIA 50:1 Referans Kwoze

2 PETRUS 1:21

Ana waugu, tawe saran paassa tanatan Duata ipappasingkata tumba'u ana waugu apulun taumata. Arawe Ghaṛṛahon Duata uataṛṛino su tamuata apan mammasingkatu tanata Ruata sassane.

WATTI'U MANGA RASUL 7:4

Ne i Abraham nanantangken wanua Kasdim, see nangingkatte watukku Haran. Napawe iamangngi Abraham natete, Ruata napa'ingkatti Abraham watukku wanua indi atatanaannu manga tuṛṛangnga wuṛṛu manga iamangnga orassa indi.

YEREMIA 27:7

Al᷊awo'u walahanna sarun mattaṛṛamawu si tou, su parinsine, wuṛṛu su pulunne maddatingngu tempone araratuanne sassane manawo. Sutempo udde walahannu Babel sarun mattaṛṛamawu su manga walahanna apan matohassa wuṛṛu manga ratu apan bahewalla.

YESAYA 23:13

Wal᷊ine walahannu Asyur, ewe'e walahannu Babel apan namalan soa Tirus apan paparentannu winatangnga mal᷊aṛṛaga. Ete i mangitou lai apan napararisikku manga menara pamangaloanna, naṛṛa'an manga tanda'a watune wuṛṛu na'ola'a soa udde ete winalal᷊anna.)

YESAYA 14:4

Napawe Mawu ma'ola'a udde, i mangitou sarun mangal᷊uandaga ratun Babel arendi, “Ratu maṛṛagissa nanawote! I tou tate mapangallangnga apia.

AYUB 1:17

I tou taambe nuddussa uahahatto, sutempo udde lai allangnga atallune nirumanta namasingkatta, “Tatallun kadoanna mallaṛṛampassa wuassu Kasdim buatte nanganu manga untan Tuangnga wuṛṛu namate manga allangngi Tuangnga. Tumba'u allangngu sassane apan naatal᷊angnga na'oman sara wotongnge napabbal᷊o si Tuangnga.”

2 SAMUEL 23:2

Ghaṛṛahon Mawu buatte nabbisara si ya'u; tanata wuṛṛu ṛengetan-Ne indi su wiwi'u.

PANDARIADDI 11:31

I Terah nanantangngu soan Ur su Babilonia suadio'a ringanni Abram anangnge, i Lot pulunne, wuṛṛu i Sarai mananambone, eteudde awingngi Abram. I tou pia pandumma inai watukku wanua Kanaan. Arawe napawe na'omate su Haran, i mangitou namanua poiaroddi.

PANDARIADDI 10:10

Paarorone araratuanne naddatingngu Babel, Erekh wuṛṛu Akad, soa tatallu udde su Babilonia.

SONDAPPA 14:8

Mala'ekatta aruane nanansuna mala'ekatta paarorone lapiddu inumui, “Nanawote! Soam Babel apan wahewalla nanawote! I tou suete na'ola'a al᷊awo'u walahanna niwu'annu anggore – eteudde anggore wuassu apulun sasandage!”

PANDARIADDI 11:9

Ana waugu udde soa udde nissago Babel, ana waugu isudde Mawu nanongkakku sasinaukku anambon walahanna, wuṛṛu wua isudde i mangitou nisal᷊iawukku Mawu su ahewallu runia.

2 MARARATU 17:24

Pinallol᷊ossa taumatan Israel apan niapidda watukku pamamuanganna udde, ratun Asyur niapatana'a su manga soan Samaria, manga taumata wuassu Babel, Kuta, Awa, Hamat wuṛṛu Sefarwaim. Manga taumata udde natana'a su manga soa wuṛṛu namanuate isudde.

YEREMIA 25:12

Wua'udde i Ya'u sarun makkuumannu walahannu Babel wuṛṛu ratune ana waugu rosa mangitou. Wanuan Babel sarun Ta'u iṛṛa'a wuṛṛu Ta'u iwala naṛṛimunsa'a saran mal᷊annu-l᷊annu.

DANIEL 1:1

Tallu tonna napawe Ratu Yoyakim buatte namarenta Yehuda, Nebukadnezar ratun Babel, namangalo watukku soa Yerusalem wuṛṛu nalliwunna soa udde.